Click it and Unblock the Notifications
ಪ್ಲೇಆಫ್‌ಗೆ ಪ್ರವೇಶ ಪಡೆಯಲಿದೆಯಾ ಮುಂಬೈ?
ಎಲ್ಲಾ ತಂಡಗಳು ಕೂಡ 14 ಪಂದ್ಯಗಳನ್ನು ಆಡಲಿದ್ದು ಇದರಲ್ಲಿ ಅತಿ ಹೆಚ್ಚು ಅಂಕಗಳನ್ನು ಗಳಿಸಿರುವ ನಾಲ್ಕು ತಂಡಗಳು ಪ್ಲೇಆಫ್‌ಗೆ ಪ್ರವೇಶ ಪಡೆಯಲಿದೆ. ಅಂಕಗಳ ಜೊತೆಗೆ ತಂಡಗಳ ನೆಟ್‌ರನ್‌ರೇಟ್ ಕೂಡ ಪ್ಲೇಆಫ್‌ಗೇರಲು ಬಹಳ ಮುಖ್ಯವಾಗುತ್ತದೆ. ಮುಂಬೈ ಇಂಡಿಯನ್ಸ್ ತಂಡ ಈಗಾಗಲೇ 5 ಪಂದ್ಯಗಳನ್ನು ಆಡಿ ಸೋತಿರುವುದರಿಂದ ಇನ್ನು 9 ಪಂದ್ಯಗಳು ಉಳಿದುಕೊಂಡಿದೆ. ಈ 9 ಪಂದ್ಯಗಳ ಪೈಕಿ ಮುಂಬೈ ಇಂಡಿಯನ್ಸ್ ಕನಿಷ್ಠ 8 ಪಂದ್ಯಗಳನ್ನು ಗೆಲ್ಲಲೇ ಬೇಕಿದೆ. ಹಾಗಿದ್ದರೆ ಮಾತ್ರವೇ ಮುಂಬೈ ಇಂಡಿಯನ್ಸ್ ತಂಡ ಪ್ಲೇಆಫ್‌ಗೆ ಎರುವ ಅವಕಾಶವನ್ನು ಪಡೆದುಕೊಳ್ಳಲಿದೆ. ಹೀಗಾಗಿ ಮುಂಬೈ ಇಂಡಿಯನ್ಸ್ ಮುಂದಿನ ಹಾದಿ ಸುಲಭವಿಲ್ಲ ಎಂಬುದು ಸ್ಪಷ್ಟ.
ಫಾಯಿಂಟ್ಸ್ ಟೇಬಲ್
ನಾಲ್ಕು ಪಂದ್ಯಗಳನ್ನು ಆಡಿ 6 ಅಂಕಗಳನ್ನು ಗಳಿಸಿಕೊಂಡಿರುವ ರಾಜಸ್ಥಾನ್ ರಾಯಲ್ಸ್ ತಂಡ ಸದ್ಯ ಅಂಕಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿದೆ. ಎರಡನೇ ಸ್ಥಾನದಲ್ಲಿ ಕೊಲ್ಕತ್ತಾ ನೈಟ್ ರೈಡರ್ಸ್ ತಂಡ ಇದ್ದರೆ ಪಂಜಾಬ್ ಕಿಂಗ್ಸ್ ತಂಡ ಮೂರನೇ ಸ್ಥಾನಕ್ಕೇರಿದೆ. ಅದಾದ ನಂತರದ ಸ್ಥಾನದಲ್ಲಿ ಲಕ್ನೋ ಸೂಪರ್ ಜೈಂಟ್ಸ್ ಹಾಗೂ ಗುಜರಾತ್ ಟೈಟನ್ಸ್ ತಂಡವಿದೆ. ಇನ್ನು ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ ಅಂಕಪಟ್ಟಿಯಲ್ಲಿ ಸದ್ಯಕ್ಕೆ 6ನೇ ಸ್ಥಾನದಲ್ಲಿದೆ. ಡೆಲ್ಲಿ ಕ್ಯಾಪಿಟಲ್ಸ್ ಹಾಗೂ ಸನ್‌ರೈಸರ್ಸ್ ಹಯದರಾಬಾದ್ ತಂಡಗಳು 7 ಹಾಗೂ 8ನೇ ಸ್ಥಾನದಲ್ಲಿದೆ. 2 ಅಂಕಗಳನ್ನು ಗೆದ್ದುಕೊಂಡಿರುವ ಚೆನ್ನೈ ಸೂಪರ್ ಕಿಂಗ್ಸ್ ತಂಡ 9ನೇ ಸ್ಥಾನದಲ್ಲಿದ್ದು ಅಂತಿಮ ಸ್ಥಾನದಲ್ಲಿ ಮುಂಬೈ ಇಂಡಿಯನ್ಸ್ ಇದೆ.
ಆರಂಜ್ ಕ್ಯಾಪ್
ಅತಿ ಹೆಚ್ಚು ರನ್‌ಗಳಿಸಿದ ಆಟಗಾರರು ಪಡೆಯುವ ಆರೆಂಜ್ ಕ್ಯಾಪ್ ಜೋಸ್ ಬಟ್ಲರ್ ಅವರಲ್ಲಿಯೇ ಮುಂದುವರಿದಿದೆ. 218 ರನ್‌ಗಳಿಸಿರುವ ಬಟ್ಲರ್ ಅವರ ನಂತರ ಸಿಎಸ್‌ಕೆ ತಂಡದ ಶಿವಂ ದುಬೆ ಇದ್ದು 207 ರನ್‌ಗಳಿಸಿದ್ದಾರೆ. 197 ರನ್‌ಗಳಿಸಿರುವ ಶಿಖರ್ ಧವನ್ 3ನೇ ಸ್ಥಾನಕ್ಕೇರಿದ್ದಾರೆ. ಕನ್ನಡಿಗ ರಾಬಿನ್ ಉತ್ತಪ್ಪ 194 ರನ್‌ಗಳನೊಂದಿಗೆ ನಾಲ್ಕನೇ ಸ್ಥಾನ ಹಾಗೂ ಕ್ವಿಂಟನ್ ಡಿಕಾಕ್ 188 ರನ್‌ಗಳೊಂದಿಗೆ 5ನೇ ಸ್ಥಾನದಲ್ಲಿದ್ದಾರೆ.
ಪರ್ಪಲ್ ಕ್ಯಾಪ್
ಇನ್ನು ಹೆಚ್ಚು ವಿಕೆಟ್ ಪಡೆದ ಆಟಗಾರರ ಪಟ್ಟಿಯಲ್ಲಿ ಯುಜುವೇಂದ್ರ ಚಾಹಲ್ ಮುಂದಿದ್ದು ಟೂರ್ನಿಯಲ್ಲಿ ಈವರೆಗೆ ಚಾಹಲ್ 11 ವಿಕೆಟ್ ಸಂಪಾದಿಸಿದ್ದಾರೆ. 2 ಹಾಗೂ 3ನೇ ಸ್ಥಾನದಲ್ಲಿ 10 ವಿಕೆಟ್ ಪಡೆದಿರುವ ಕುಲ್‌ದೀಪ್ ಯಾದವ್ ಹಾಗೂ ಉಮೇಶ್ ಯಾದವ್ ಇದ್ದಾರೆ. 10 ವಿಕೆಟ್ ಪಡೆದಿರುವ ವನಿಂದು ಹಸರಂಗ 4ನೇ ಸ್ಥಾನದಲ್ಲಿದ್ದರೆ 8 ವಿಕೆಟ್ ಸಂಪಾದಿಸಿರುವ ಟಿ ನಟರಾಜನ್ 5ನೇ ಸ್ಥಾನದಲ್ಲಿದ್ದಾರೆ.
