ಕಪಿಲ್ ಡೇವಿಲ್ಸ್ ವಿಶ್ವಕಪ್ ಎತ್ತಿಹಿಡಿದ ಆಹಾ! ಎಂಥಾ ಆ ಕ್ಷಣ!

ವಿವಿಯನ್ ರಿಚರ್ಡ್ಸ್ ಕ್ಯಾಚ್

ಉತ್ತಮ ಬ್ಯಾಟ್ಸ್ ಮನ್ ಗಳನ್ನು ಹೊಂದಿದ್ದ ವೆಸ್ಟ್ ಇಂಡೀಸ್ ತಂಡಕ್ಕೆ ಗಾರ್ಡನ್ ಗ್ರೀನಿಡ್ಜ್ ಅವರು ಉತ್ತಮ ಆರಂಭ ನೀಡುವ ನಿರೀಕ್ಷೆಯಿತ್ತು. ಆದರೆ, ಬಲ್ವಿಂದರ್ ಸಂದು ಎಸೆತದಲ್ಲಿ ಕ್ಲೀನ್ ಬೋಲ್ಡ್ ಆಗಿ ಪೆವಿಲಿಯನ್ ಗೆ ಸೇರಿದ ಗ್ರೀಜಿಡ್ಜ್ ಗಳಿಸಿದ್ದು 1 ರನ್ ಮಾತ್ರ. ಡೆಸ್ಮಂಡ್ ಹೇಯ್ಸ್ 13ರನ್ ಗಳಿಸಿ ಔಟಾದರು.

ಸ್ಟಾರ್ ಆಟಗಾರ ಮಾಸ್ಟರ್ ಬ್ಲಾಸ್ಟರ್ ವಿವಿಯನ್ ರಿಚರ್ಡ್ಸ್ ಅವರು ಬಿರುಸಿನ ಆಟವಾಡಿ 28 ಎಸೆತಗಳಲ್ಲಿ 33 ರನ್ ಗಳಿಸಿದ್ದಾಗ ಮದನ್ ಲಾಲ್ ಅವರ ಎಸೆತದಲ್ಲಿ ಬಾರಿಸಿದ ಹೊಡೆತ ಕ್ಯಾಚಾಗಿ ಪರಿವರ್ತಿಸಿದ ಕಪಿಲ್ ಅವರು ವಿಶ್ವಕಪ್ ಗೆಲುವಿಗೆ ಕಾರಣರಾದರು.

ಅಂದು ಕಪಿಲ್ ಸಿಡಿಯದಿದ್ದರೆ ವಿಶ್ವಕಪ್ ದಕ್ಕುತ್ತಿರಲಿಲ್ಲ

ಭಾರತ ಇನ್ನಿಂಗ್ಸ್

ಸುನಿಲ್ ಗವಾಸ್ಕರ್ ಕೇವಲ 2 ರನ್ ಗಳಿಸಿ ಆಂಡಿ ರಾಬರ್ಟ್ಸ್ ಗೆ ಬಲಿಯಾದರು. ರಾಬರ್ಟ್ಸ್, ಜೋಲ್ ಗಾರ್ನರ್, ಮಾಲ್ಕಂ ಮಾರ್ಷಲ್ ಹಾಗೂ ಮೈಕಲ್ ಹೋಲ್ಡಿಂಗ್ ದಾಳಿಗೆ ಸಿಲುಕಿದ ಭಾರತದ ಬ್ಯಾಟ್ಸ್ ಮನ್ ಗಳು ಥರಗುಟ್ಟಿದರು. ಆರಂಭಿಕ ಆಟಗಾರ ಕ್ರಿಸ್ ಶ್ರೀಕಾಂತ್ ಅವರು 38ರನ್ ಗಳಿಸಿದ್ದೆ ಭಾರತದ ಇನ್ನಿಂಗ್ಸ್ ನ ವೈಯಕ್ತಿಕ ಗರಿಷ್ಟ ಮೊತ್ತವಾಗಿತ್ತು. ಕಪಿಲ್ 15ರನ್ ಗಳಿಸಿ, ಸಂದೀಪ್ ಪಾಟೀಲ್ 27ರನ್ ಗಳಿಸಿ, 54.4 ಓವರ್ ಗಳಲ್ಲಿ ಭಾರತ 183 ಆಲೌಟ್ ಆಯಿತು.

ಭಾರತವನ್ನು ನಿಯಂತ್ರಿಸಿದ್ದ ರಾಬರ್ಟ್ಸ್

ಬಿರುಗಾಳಿ ವೇಗದ ರಾಬರ್ಟ್ ಅವರು ಅದ್ಭುತ ಬೌಲಿಂಗ್ ಪ್ರದರ್ಶಿಸಿ 10 ಓವರ್ ಗಳಲ್ಲಿ 32 ರನ್ನಿತ್ತು 3 ವಿಕೆಟ್ ಕಬಳಿಸಿ ಭಾರತದ ಬೆನ್ನೆಲುಬು ಮುರಿದಿದ್ದರು. ರಾಬರ್ಟ್ ಸ್ಪೆಲ್ ನಲ್ಲಿ ಮೂರು ಮೇಡನ್ ಓವರ್ ಗಳಿತ್ತು. ಗಾರ್ನರ್ ಒಂದು ವಿಕೆಟ್ ಗಳಿಸಿದ್ದರೆ, ಮಾರ್ಷಲ್ ಹಾಗೂ ಹೋಲ್ಡಿಂಗ್ ತಲಾ 2 ವಿಕೆಟ್ ಪಡೆದಿದ್ದರು.20 ಇತರೆ ರನ್ ಭಾರತಕ್ಕೆ ನೆರವಾಯಿತು. ಆಂಡಿ ರಾಬರ್ಟ್ಸ್ 3, ಮಾರ್ಷಲ್, ಗೋಮ್ಸ್, ಹೋಲ್ಡಿಂಗ್ 2 ಹಾಗೂ ಗಾರ್ನರ್ 1 ವಿಕೆಟ್ ಕಿತ್ತರು.

ಮೋಹಿಂದರ್ ಅಮರನಾಥ್

ಆಲ್ ರೌಂಡರ್ ಮೋಹಿಂದರ್ ಅಮರನಾಥ್ ಅವರ ಆಟದ ಬಗ್ಗೆ ಭಾರಿ ಟೀಕೆಗಳು ಕೇಳಿ ಬಂದಿತ್ತು. ಆದರೆ, ಮೋಹಿಂದರ್ ಅಮರನಾಥ್ ಅವರು 7 ಓವರ್ ನಲ್ಲಿ 12 ರನ್ನಿತ್ತು 3 ಮಹತ್ವದ ವಿಕೆಟ್ ಗಳಿಸಿ ಟೀಕಾಕಾರರ ಬಾಯಿ ಮುಚ್ಚಿಸಿದರು. ಉತ್ತಮ ಪ್ರದರ್ಶನ ನೀಡಿ ಪಂದ್ಯಶ್ರೇಷ್ಠ ಎನಿಸಿದರು. ಮದನ್ ಲಾಲ್ ಕೂಡಾ 3 ವಿಕೆಟ್ ಕಬಳಿಸಿ ವಿಂಡೀಸ್ ತಂಡಕ್ಕೆ ಆಘಾತ ನೀಡಿದರು. ಅಂತಿಮವಾಗಿ ಭಾರತಕ್ಕೆ ಶರಣಾದ ದೈತ್ಯ ವಿಂಡೀಸ್ ಪಡೆ 43 ರನ್ ಗಳಿಂದ ಪಂದ್ಯ ಹಾಗೂ ವಿಶ್ವಕಪ್ ಅನ್ನು ಕಳೆದುಕೊಂಡಿತು.