'ಒಸಾಮ' ಎಂದು ನಿಂದಿಸಿದ್ದ ಆಸ್ಟ್ರೇಲಿಯಾ ಕ್ರಿಕೆಟಿಗ: ಮೊಯಿನ್ ಅಲಿ ಆರೋಪ

'ಟೇಕ್ ದಟ್ ಒಸಾಮ'

'ನನ್ನ ವೈಯಕ್ತಿಕ ಪ್ರದರ್ಶನದ ವಿಚಾರದಲ್ಲಿ ಅದು ಅತ್ಯುತ್ತಮ ಮೊದಲ ಆಷಸ್ ಟೆಸ್ಟ್. ಆದರೆ, ಒಂದು ಘಟನೆ ನನಗೆ ತೀವ್ರವಾಗಿ ನೋವುಂಟು ಮಾಡಿದೆ. ನಾನು ಬ್ಯಾಟಿಂಗ್ ಮಾಡುವಾಗ ಆಸ್ಟ್ರೇಲಿಯಾದ ಕ್ರಿಕೆಟಿಗನೊಬ್ಬ ನನ್ನ ಕಡೆಗೆ ತಿರುಗಿ 'ಟೇಕ್ ದಟ್ ಒಸಾಮ' ಎಂದಿದ್ದ. ನಾನೇನು ಕೇಳಿದೆ ಎಂಬುದನ್ನು ನನಗೆ ನಂಬಲು ಸಾಧ್ಯವಾಗಲಿಲ್ಲ. ನನ್ನ ಕೋಪ ನೆತ್ತಿಗೇರಿತ್ತು. ಕ್ರಿಕೆಟ್ ಮೈದಾನದಲ್ಲಿ ನಾನು ಎಂದಿಗೂ ಅಷ್ಟು ಕೋಪಗೊಂಡಿರಲಿಲ್ಲ' ಎಂದು ಮೊಯಿನ್ ಹೇಳಿದ್ದಾರೆ.

ಇತಿಹಾಸ : ಬಾಂಗ್ಲಾದಲ್ಲಿ ಸೊಳ್ಳೆ ವಿರುದ್ಧ ಬ್ಯಾಟ್ ಬೀಸಿದ್ದ ಟೀಂ ಇಂಡಿಯಾ

ಇಲ್ಲವೆಂದು ವಾದಿಸಿದ ಆಟಗಾರ

ಆ ಆಟಗಾರ ನನ್ನ ಬಗ್ಗೆ ಹೇಳಿದ್ದನ್ನು ಒಂದಿಬ್ಬರು ಸಹ ಆಟಗಾರರೊಂದಿಗೆ ಹೇಳಿಕೊಂಡಿದ್ದೆ. ಬಹುಶಃ ಟ್ರೆವರ್ ಬೈಲಿಸ್ (ಇಂಗ್ಲೆಂಡ್ ಕೋಚ್) ಅದನ್ನು ಆಸ್ಟ್ರೇಲಿಯಾ ಕೋಚ್ ಡೆರೆನ್ ಲೆಹಮನ್ ಅವರೆದುರು ಪ್ರಸ್ತಾಪಿಸಿದ್ದರು.

ಲೆಹಮನ್ ಆ ಆಟಗಾರನನ್ನು ಪ್ರಶ್ನಿಸಿದ್ದರು. 'ಮೊಯಿನ್ ಅವರನ್ನು ಒಸಾಮ ಎಂದು ಕರೆದಿದ್ದೆಯಾ?' ಅತ ಅದನ್ನು ನಿರಾಕರಿಸಿದ್ದ. 'ಇಲ್ಲ. ನಾನು ಹೇಳಿದ್ದು, ಟೇಕ್ ದಟ್ ಯು ಪಾರ್ಟ್ ಟೈಮರ್ ಎಂಬುದಾಗಿ' ಎಂದು. ಅದನ್ನು ಕೇಳಿ ನನಗೆ ಅಚ್ಚರಿಯಾಯಿತು. ಆದನ ನಿಂದನೆ ಕೇಳಿದ್ದಾಗ ಇಡೀ ಪಂದ್ಯದುದ್ದಕ್ಕೂ ಕೋಪಿಸಿಕೊಂಡೇ ಇದ್ದೆ ಎಂದು ಮೊಯಿನ್ ಬರೆದಿದ್ದಾರೆ.

ಇಂಗ್ಲೆಂಡ್ ವಿರುದ್ಧ ವೈಫಲ್ಯ, ಕೌಂಟಿಯಲ್ಲಿ ಶತಕ: ಫಾರ್ಮ್ ಕಂಡುಕೊಂಡ ಮುರಳಿ ವಿಜಯ್

ಕೆಟ್ಟ ಪದಗಳಿಂದ ನಿಂದನೆ

ಆಸ್ಟ್ರೇಲಿಯಾ ಆಟಗಾರರು ಬೆದರಿಸುತ್ತಿರಲಿಲ್ಲ. ಆದರೆ, ಒರಟಾಗಿ ಮತ್ತು ಅಗೌರವದಿಂದ ನಡೆದುಕೊಳ್ಳುತ್ತಿದ್ದರು. 2015ರ ವಿಶ್ವಕಪ್‌ಗೂ ಮುನ್ನ ಸಿಡ್ನಿಯಲ್ಲಿ ನಾನು ಅವರ ವಿರುದ್ಧ ಮೊದಲ ಪಂದ್ಯ ಆಡಿದ್ದೆ. ಅವರು ನಮ್ಮ ಮೇಲೆ ಒತ್ತಡ ಹೇರುವುದು ಮಾತ್ರವಲ್ಲ, ಕೆಟ್ಟ ಪದಗಳಿಂದ ನಿಂದಿಸುತ್ತಿದ್ದರು ಕೂಡ.

ಅವರ ನಿಂದನೆ ಮೊದಲ ಸಲ ನನಗೆ ತಾಕಿತು. ನಾನು ಅನುಮಾನದ ಲಾಭವನ್ನು ಅವರಿಗೇ ನೀಡಿದೆ. ಆದರೆ, ಅವರ ಜತೆ ಹೆಚ್ಚು ಆಡಿದಷ್ಟೂ ಅವರ ಕೆಟ್ಟಗುಣ ಪರಿಚಯವಾಯಿತು. ಅದರಲ್ಲಿಯೂ ಇಲ್ಲಿ ನಡೆದ ಆಷಸ್‌ನಲ್ಲಿ (2015) ಅವರು ಇನ್ನಷ್ಟು ಕೆಟ್ಟದಾಗಿ ವರ್ತಿಸಿದ್ದರು.

ಜೀವಮಾನವಿಡೀ ಇಷ್ಟಪಡಲಾರೆ

ನನ್ನ ಇಡೀ ಜೀವನದಲ್ಲಿ ನಾನು ಇಷ್ಟಪಡದೆ ಇರುವ ತಂಡವೆಂದರೆ ಅದು ಆಸ್ಟ್ರೇಲಿಯಾ ಮಾತ್ರ. ಅದು ಆಸ್ಟ್ರೇಲಿಯಾ ತಂಡ ಅಥವಾ ನಮ್ಮ ಹಳೆಯ ವೈರಿ ಎಂದಲ್ಲ. ಆದರೆ, ಅವರು ಜನರು ಮತ್ತು ಆಟಗಾರರನ್ನು ಅಗೌರವಿಸುವ ಗುಣವನ್ನು ಮುಂದುವರಿಸಿಕೊಂಡು ಬಂದಿರುವ ಕಾರಣಕ್ಕೆ. ತಪ್ಪುಗಳಾದಾಗ ಜನರ ಬಗ್ಗೆ ನನಗೆ ಅನುಕಂಪ ಮೂಡಬಹುದು. ಆದರೆ, ಆಸ್ಟ್ರೇಲಿಯನ್ನರ ವಿಚಾರದಲ್ಲಿ ನನಗೆ ಹಾಗೆ ಅನಿಸುವುದು ಕಷ್ಟ ಎಂದು ಮೊಯಿನ್ ಬರೆದುಕೊಂಡಿದ್ದಾರೆ.