ಬ್ರೆಂಡಾನ್, ದಿಲ್ಶಾನ್ ನಂತರದ ಸ್ಥಾನ
ಇದೀಗ ವಿರಾಟ್ ಕೊಹ್ಲಿ ಅವರು, ಟಿ20 ಮಾದರಿಯಲ್ಲಿ ಅತಿ ಹೆಚ್ಚು ರನ್ ಪೇರಿಸಿದ ಆಟಗಾರರ ಪಟ್ಟಿಯಲ್ಲಿ 3ನೇ ಸ್ಥಾನಕ್ಕೇರಿದ್ದಾರೆ. ಈವರೆಗೆ ಅವರು, 1830 ರನ್ ಪೇರಿಸಿದ್ದು, ಈ ಮೂಲಕ ಅವರು ಈ ಪಟ್ಟಿಯ 3ನೇ ಸ್ಥಾನಕ್ಕೇರಿದ್ದಾರೆ. ಮೊದಲೆರಡು ಸ್ಥಾನಗಳಲ್ಲಿ ನ್ಯೂಜಿಲೆಂಡ್ ನ ಬ್ರೆಂಡಾನ್ ಮೆಕಲಂ (71 ಪಂದ್ಯ, 2140 ರನ್), ತಿಲಕರತ್ನೆ ದಿಲ್ಶಾನ್ (80 ಪಂದ್ಯ, 1889 ರನ್) ಗಳಿಸಿದ್ದಾರೆ.
ಚೇಸಿಂಗ್ ನಲ್ಲಿ 10000 ರನ್!
ಕೊಹ್ಲಿ ಅವರು, 71 ರನ್ ಗಳಿಸಿದ್ದಾಗಲೇ ಅವರು ಟಿ20 ಚೇಸಿಂಗ್ ವೇಳೆ ವೈಯಕ್ತಿಕವಾಗಿ 1000 ರನ್ ಗಳಿಸಿದ ಹೆಗ್ಗಳಿಕೆಗೆ ಪಾತ್ರರಾದರು. ತಮ್ಮ 50ನೇ ಟಿ20 ಪಂದ್ಯದಲ್ಲಿ ಅರ್ಧ ಶತಕ ಸಿಡಿಸಿದ ಆಟಗಾರರ ಪೈಕಿ ಕೊಹ್ಲಿ 4ನೇ ಆಟಗಾರ ಎಂದೆನಿಸಿದರು.
ರೈನಾ ದಾಖಲೆ ಹಿಂದಿಕ್ಕಿದ ಕೊಹ್ಲಿ
ಕೊಹ್ಲಿ ದಾಖಳಿಲಿಸಿದ ವೈಯಕ್ತಿಕ 82 ರನ್, ಚೇಸಿಂಗ್ ವೇಳೆ ಭಾರತೀಯ ನಾಯಕನೊಬ್ಬ ಗಳಿಸಿದ ವೈಯಕ್ತಿಕ ಗರಿಷ್ಠ ಮೊತ್ತ. ಈ ಹಿಂದೆ, ಸುರೇಶ ರೈನಾ ಅವರು ತಂಡದ ನಾಯಕರಾಗಿದ್ದಾಗ 2010ರಲ್ಲಿ ಜಿಂಬಾಬ್ವೆ ವಿರುದ್ಧದ ಟಿ20 ಪಂದ್ಯದಲ್ಲಿ 72 ರನ್ ಗಳಿಸಿದ್ದರು. ಅದು ಈವರೆಗನ ದಾಖಲೆಯಾಗಿತ್ತು.
ಆಸೀಸ್ ಸಾಧನೆ ಸಮ
ಇದೀಗ, ಟೀಂ ಇಂಡಿಯಾದ ದಾಖಲೆಯೇನು ಎಂಬುದನ್ನು ನೋಡೋಣ. ಈ ಬಾರಿಯ ಶ್ರೀಲಂಕಾ ಸರಣಿಯಲ್ಲಿ ಭಾರತ ತಂಡ ಮೂರು ಟೆಸ್ಟ್, ಐದು ಏಕದಿನ ಹಾಗೂ ಒಂದು ಟಿ20 ಪಂದ್ಯಗಳನ್ನು ಸತತವಾಗಿ ಗೆದ್ದು ಲಂಕಾ ವಿರುದ್ಧ 9-0 ಅಂತರದ ಕ್ಲೀನ್ ಸ್ವೀಪ್ ಮಾಡಿದೆ. ಈ ಮೂಲಕ ಅದು, ಆಸ್ಟ್ರೇಲಿಯಾ ತಂಡವು 2010ರಲ್ಲಿ ಪಾಕಿಸ್ತಾನ ವಿರುದ್ಧ ಸಾಧಿಸಿದ್ದ 9-0 ಅಂತರದ ಕ್ಲೀನ್ ಸ್ವಾಪ್ ಸಾಧನೆಗೆ ಸರಿಸಮನಾದ ಸಾಧನೆ ಮಾಡಿದೆ.