T20 World Cup 2022: ಟೀಂ ಇಂಡಿಯಾ ಸೆಮಿಫೈನಲ್ ಹಾದಿ ಕಠಿಣ; ಗ್ರೂಪ್ 2ರ ಅಂಕಪಟ್ಟಿ

ಭಾರತ ಮತ್ತು ಬಾಂಗ್ಲಾದೇಶ ತಲಾ 4 ಅಂಕಗಳು

ಭಾರತ ತಂಡ ಸೋಲಿನ ಹೊರತಾಗಿಯೂ, ಭಾರತ ಮತ್ತು ಬಾಂಗ್ಲಾದೇಶ ತಲಾ 4 ಅಂಕಗಳನ್ನು ಹೊಂದಿದೆ ಕ್ರಮವಾಗಿ ಎರಡು ಮತ್ತು ಮೂರನೇ ಸ್ಥಾನದಲ್ಲಿವೆ. ಜಿಂಬಾಬ್ವೆ 3 ಅಂಕಗಳನ್ನು ಹೊಂದಿದ್ದರೆ, ಪಾಕಿಸ್ತಾನ 2 ಅಂಕ ಹೊಂದಿದೆ. ಆದಾಗ್ಯೂ, ಭಾರತದ ನೆಟ್ ರನ್ ರೇಟ್ +0.844 ಇದ್ದರೂ ಬುಧವಾರದ ಭಾರತ ಮತ್ತು ಬಾಂಗ್ಲಾದೇಶ ನಡುವಿನ ಪಂದ್ಯವು ಸೆಮಿಫೈನಲ್ ಹಾದಿಗೆ ನಿರ್ಣಾಯಕವಾಗಿರುತ್ತದೆ.

ಬಾಂಗ್ಲಾದೇಶ ವಿರುದ್ಧ (ನವೆಂಬರ್ 2) ಮತ್ತು ಜಿಂಬಾಬ್ವೆ (ನವೆಂಬರ್ 6) ವಿರುದ್ಧದ ತನ್ನ ಕೊನೆಯ ಎರಡು ಪಂದ್ಯಗಳಲ್ಲಿ ಭಾರತ ತಂಡವು ಗೆಲ್ಲಬೇಕಾಗಿದೆ. ಒಂದು ಪಂದ್ಯ ಸೋತರೂ ಸೆಮಿಫೈನಲ್‌ನ ಹಾದಿಯ ಲೆಕ್ಕಾಚಾರ ಬದಲಾಗಲಿವೆ.

ಬಾಂಗ್ಲಾದೇಶ ವಿರುದ್ಧ ನಾಟಕೀಯ ಸೋಲು ಕಂಡ ಜಿಂಬಾಬ್ವೆ

ಪಾಕಿಸ್ತಾನ ವಿರುದ್ಧ ಜಿಂಬಾಬ್ವೆ ತಂಡದ ಅದ್ಭುತ ಗೆಲುವು ಅವರಿಗೆ ಸೆಮಿಫೈನಲ್ ಅವಕಾಶವನ್ನು ಜೀವಂತವಾಗಿಟ್ಟಿತ್ತು. ಆದರೆ ಬಾಂಗ್ಲಾದೇಶ ವಿರುದ್ಧದ ನಾಟಕೀಯ ಸೋಲು ಅಗ್ರ ಎರಡು ಸ್ಥಾನಗಳಲ್ಲಿ ಸ್ಥಾನ ಪಡೆಯಲು ಪವಾಡವೇ ನಡೆಯಬೇಕಾಗುತ್ತದೆ. ಇನ್ನು ಬಾಂಗ್ಲಾದೇಶದ ವಿರುದ್ಧ 104 ರನ್‌ಗಳ ಭರ್ಜರಿ ಜಯದಿಂದ +2.772 ರನ್‌ರೇಟ್‌ನೊಂದಿಗೆ ದಕ್ಷಿಣ ಆಫ್ರಿಕಾ ಈಗ ಗುಂಪಿನಲ್ಲಿ ಸೆಮಿಫೈನಲ್ ಅರ್ಹತೆ ಪಡೆಯಲು ಸ್ಪಷ್ಟ ಮೆಚ್ಚಿನ ತಂಡವಾಗಿದೆ.

ಭಾರತ ಮತ್ತು ಜಿಂಬಾಬ್ವೆ ವಿರುದ್ಧ ಸೋಲು ಕಂಡಿರುವ ಬಾಬರ್ ಅಜಂ ನಾಯಕತ್ವದ ಪಾಕಿಸ್ತಾನ ಇನ್ನೂ ಸೆಮಿಫೈನಲ್‌ಗೆ ಸ್ಪರ್ಧೆಯಿಂದ ಹೊರಬಂದಿಲ್ಲ. ಏಕೆಂದರೆ, ಅವರು ನೆದರ್ಲ್ಯಾಂಡ್ಸ್ ವಿರುದ್ಧ ದೊಡ್ಡ ಅಂತರದಲ್ಲಿ ಗೆಲುವು ಗಳಿಸಿದ್ದಾರೆ.

ಮುಂದಿನ ಪಂದ್ಯಗಳಲ್ಲಿ ದಕ್ಷಿಣ ಆಫ್ರಿಕಾ ಮತ್ತು ಬಾಂಗ್ಲಾದೇಶವನ್ನು ಸೋಲಿಸಿದರೆ ಪಾಕಿಸ್ತಾನವು 6 ಅಂಕಗಳನ್ನು ತಲುಪುತ್ತದೆ. ತದನಂತರ ಅವರು ಸೆಮಿಫೈನಲ್‌ಗೆ ಹೋಗಲು ಇತರ ತಂಡಗಳ ಫಲಿತಾಂಶ ನಿರ್ಣಾಯಕವಾಗಿರಲಿದೆ.

ಟಿ20 ವಿಶ್ವಕಪ್ ಸೂಪರ್ 12 ಹಂತದಲ್ಲಿ ಉಳಿದಿರುವ ಗುಂಪು 2ರ ಪಂದ್ಯಗಳು

2 ನವೆಂಬರ್: ಜಿಂಬಾಬ್ವೆ vs ನೆದರ್ಲ್ಯಾಂಡ್ಸ್, ಅಡಿಲೇಡ್ ಓವಲ್

2 ನವೆಂಬರ್: ಭಾರತ vs ಬಾಂಗ್ಲಾದೇಶ, ಅಡಿಲೇಡ್ ಓವಲ್

3 ನವೆಂಬರ್: ಪಾಕಿಸ್ತಾನ vs ದಕ್ಷಿಣ ಆಫ್ರಿಕಾ, SCG, ಸಿಡ್ನಿ

ನವೆಂಬರ್ 6: ದಕ್ಷಿಣ ಆಫ್ರಿಕಾ vs ನೆದರ್ಲ್ಯಾಂಡ್ಸ್, ಅಡಿಲೇಡ್ ಓವಲ್

ನವೆಂಬರ್ 6: ಪಾಕಿಸ್ತಾನ vs ಬಾಂಗ್ಲಾದೇಶ, ಅಡಿಲೇಡ್ ಓವಲ್

ನವೆಂಬರ್ 6: ಜಿಂಬಾಬ್ವೆ vs ಭಾರತ, MCG, ಮೆಲ್ಬೋರ್ನ್