10 ಸಾವಿರ ರನ್ ಕ್ಲಬ್ ನಲ್ಲಿ ಕೊಹ್ಲಿ ಜತೆಗಿರುವ 5 ದಿಗ್ಗಜರು

ಸಚಿನ್ ತೆಂಡೂಲ್ಕರ್ -18426

ಮಧ್ಯಮ ಕ್ರಮಾಂಕದಲ್ಲಿ ಆಡುತ್ತಿದ್ದ ಸಚಿನ್ ಅವರು 90ರ ದಶಕದಲ್ಲಿ ನ್ಯೂಜಿಲೆಂಡ್ ವಿರುದ್ಧ ಆರಂಭಿಕ ಆಟಗಾರರಾಗಿ ಕಣಕ್ಕಿಳಿದ ಬಳಿಕ ಆಟದ ಶೈಲಿಯೇ ಬದಲಾಯಿತು. ನವಜ್ಯೋತ್ ಸಿಂಗ್ ಸಿಧು ಅವರು ಕುತ್ತಿಗೆ ನೋವಿನಿಂದ ಆ ಪಂದ್ಯವಾಡಲು ಆಗಿರಲಿಲ್ಲ. ಏಕದಿನ ಕ್ರಿಕೆಟ್ ನಲ್ಲಿ ಹತ್ತು ಹಲವು ಹೊಸ ದಾಖಲೆಗಳನ್ನು ನಿರ್ಮಿಸಿದ್ದಲ್ಲದೆ ಅಜರುದ್ದೀನ್ ಅವರನ್ನು ಹಿಂದಿಕ್ಕಿ 10 ಸಾವಿರ ರನ್ ಗಡಿ ದಾಟಿದ ಮೊದಲ ಕ್ರಿಕೆಟ್ ಪಟುವಾದರು.

ಸೌರವ್ ಗಂಗೂಲಿ(11,363)

ಟೀಂ ಇಂಡಿಯಾದ ಅತ್ಯಂತ ಯಶಸ್ವಿ ನಾಯಕರ ಪೈಕಿ ಒಬ್ಬರೆನಿಸಿದ ಸೌರವ್ ಗಂಗೂಲಿ ತಮ್ಮ ಬ್ಯಾಟಿಂಗ್ ಹಾಗೂ ನಾಯಕತ್ವದ ಮೂಲಕ ತಂಡದಲ್ಲಿ ಆಕ್ರಮಣಕಾರಿ ಮನೋಭಾವ ಬೆಳೆಸಿದವರು. ತೆಂಡೂಲ್ಕರ್ ಹಾಗೂ ಗಂಗೂಲಿ ಆರಂಭಿಕ ಜೋಡಿ ಎಂದರೆ ಎದುರಾಳಿಗಳಿಗೆ ತೊಂದರೆ. ಈ ಆರಂಭಿಕ ಜೋಡಿ 136 ಇನ್ನಿಂಗ್ಸ್ ಗಳಲ್ಲಿ 6609ರನ್ ಚೆಚ್ಚಿತ್ತು.

ರಾಹುಲ್ ದ್ರಾವಿಡ್ -10889 (340 ಪಂದ್ಯ)

ರಾಹುಲ್ ದ್ರಾವಿಡ್ ಅವರು ಪಕ್ಕಾ ಟೆಸ್ಟ್ ಆಟಗಾರರಾಗಿದ್ದು, ಏಕದಿನ ಕ್ರಿಕೆಟ್ ಗೆ ಲಾಯಕ್ಕಿಲ್ಲ ಎಂದು ಎಲ್ಲರೂ ಮೂದಲಿಸುವಾಗ, ಮಾಜಿ ನಾಯಕ ದ್ರಾವಿಡ್ ಅವರು 10000ರನ್ ಗಡಿ ದಾಟಿ ಎಲ್ಲರನ್ನು ಅಚ್ಚರಿಗೆ ದೂಡಿದರು. ನ್ಯೂಜಿಲೆಂಡ್ ವಿರುದ್ಧ 22 ಎಸೆತಗಳಲ್ಲಿ 50ರನ್ ಬಾರಿಸಿ ಎರಡನೇ ವೇಗದ ಅರ್ಧಶತಕ ಬಾರಿಸಿದರು. ದ್ರಾವಿಡ್ ರನ್ ಸರಾಸರಿ 39.16, 12 ಶತಕ ಬಾರಿಸಿದ್ದಾರೆ.

ಎಂಎಸ್ ಧೋನಿ 10123

ಮಾಜಿ ನಾಯಕ ಎಂಎಸ್ ಧೋನಿ ಅವರು 50.90ರನ್ ಸರಾಸರಿ ಹೊಂದಿದ್ದು, ಕೊಹ್ಲಿ ನಂತರ 50ಪ್ಲಸ್ ರನ್ ಸರಾಸರಿ ಹೊಂದಿದ್ದು 10 ಸಾವಿರ ರನ್ ಪೂರೈಸಿದ ದಾಖಲೆ ಬರೆದಿದ್ದಾರೆ. 5 ರಿಂದ 7ನೇ ಕ್ರಮಾಂಕದಲ್ಲಿ ಆಡಿ, ಪಂದ್ಯ ಮುಗಿಸುವ ಛಾತಿಯುಳ್ಳವರು.

10,000ರನ್ ಕ್ಲಬ್ ನಲ್ಲಿರುವ ಆಟಗಾರರು

ಸಚಿನ್ ತೆಂಡೂಲ್ಕರ್ : 18426 ರನ್
ಕುಮಾರ್ ಸಂಗಕ್ಕಾರ : 14,234
ರಿಕಿ ಪಾಂಟಿಂಗ್ : 13,704
ಸನತ್ ಜಯಸೂರ್ಯ : 13,430
ಮಹೇಲ ಜಯವರ್ದನೆ : 12,650
ಇನ್ಜಾಮಾಮ್ ಉಲ್ ಹಕ್ : 11,739
ಜಾಕ್ ಕಾಲೀಸ್ : 11,579
ಸೌರವ್ ಗಂಗೂಲಿ : 11363
ರಾಹುಲ್ ದ್ರಾವಿಡ್ : 10889
ಬ್ರಿಯಾನ್ ಲಾರಾ : 10405
ತಿಲಕರತ್ನೆ ದಿಲ್ಶನ್ : 10290
ಮಹೇಂದ್ರ ಸಿಂಗ್ ಧೋನಿ : 10123*
ವಿರಾಟ್ ಕೊಹ್ಲಿ : 10,060*