ವೆಸ್ಟ್ ಇಂಡೀಸ್ ಐಸೊಲೇಶನ್ ಅವಧಿ ಮುಕ್ತಾಯ, ಅಭ್ಯಾಸ ಪಂದ್ಯಕ್ಕೆ ಸಿದ್ಧತೆ

ಜುಲೈ 1ರಿಂದ ಅಭ್ಯಾಸ ಪಂದ್ಯ

ಮೂರು ಪಂದ್ಯಗಳ ಟೆಸ್ಟ್‌ ಸರಣಿಗೂ ಮುನ್ನ, ಮೊದಲ ಕೊರೊನಾವೈರಸ್ ಪರೀಕ್ಷಾ ಫಲಿತಾಂಶ ಪ್ರಕಟಗೊಂಡ ಬಳಿಕ ವೆಸ್ಟ್ ಇಂಡೀಸ್-ಇಂಗ್ಲೆಂಡ್ ತಂಡಗಳು ಜುಲೈ 1ರಿಂದ ಮೂರು ದಿನಗಳ ಅಭ್ಯಾಸ ಪಂದ್ಯವನ್ನಾಡಲಿವೆ. ಟೆಸ್ಟ್ ಸರಣಿ ಜುಲೈ 8ರಿಂದ ಆರಂಭವಾಗಲಿವೆ.

ಕಾರ್ಮಿಕರಿಗೆ ಗೌರವಾರ್ಥ ಸರಣಿ

#raisethebatseries ಎಂದು ಕರೆಯಲಾಗುತ್ತಿರುವ ಈ ಟೆಸ್ಟ್ ಸರಣಿ ಕೊರೊನಾವೈರಸ್ ವಿರುದ್ಧ ದುಡಿದ ಕಾರ್ಮಿಕರಿಗೆ ಗೌರವಾರ್ಥವಾಗಿ ನಡೆಯಲಿದೆ. ಮೊದಲ ಟೆಸ್ಟ್‌ನ ಆರಂಭಿಕ ದಿನದಂದು ಇಂಗ್ಲೆಂಡ್ ತಂಡದ ಆಟಗಾರರು ಪ್ರಮುಖ ಕಾರ್ಮಿಕರ ಹೆಸರುಗಳಿರುವ ಟೀಶರ್ಟ್ ಧರಿಸಲಿದ್ದಾರೆ. ಟೀಚರ್‌ಗಳು, ಡಾಕ್ಟರ್‌ಗಳು, ನರ್ಸ್‌ಗಳು, ಜಾಗೃತಿದಾರರು, ಸಾಮಾಜಿಕ ಕಾರ್ಯಕರ್ತರು ಇತ್ಯಾದಿ ಕಾರ್ಮಿಕರ ಹೆಸರುಗಳು ಆಂಗ್ಲ ಆಟಗಾರರ ಟೀಶರ್ಟ್‌ನಲ್ಲಿರುಲಿವೆ.

ಎರಡು ತಂಡಗಳಾಗಿ ಅಭ್ಯಾಸ

ಕಡ್ಡಾಯ ಕ್ವಾರಂಟೈನ್ ಪೂರ್ಣಗೊಳಿಸಿರುವ ಆಟಗಾರರು ಗುರುವಾರದಿಂದ ಅಭ್ಯಾಸ ಆರಂಭಿಸಲಿದ್ದಾರೆ. ಅಭ್ಯಾಸಕ್ಕಿಳಿಯುವ ಆಟಗಾರರನ್ನು ಎರಡು ಗುಂಪುಗಳಾಗಿ ವಿಂಗಡಿಸಲಾಗಿದೆ. ಒಂದು ತಂಡ ಬೆಳಗ್ಗೆ ಅಭ್ಯಾಸದಲ್ಲಿ ಪಾಲ್ಗೊಂಡರೆ ಮತ್ತೊಂದು ಗುಂಪು ಮಧ್ಯಾಹ್ನ ಅಭ್ಯಾಸ ನಡೆಸಲಿದೆ.

ಟೆಸ್ಟ್ ಸಂಪೂರ್ಣ ವೇಳಾಪಟ್ಟಿ

* 1ನೇ ಟೆಸ್ಟ್, ಜುಲೈ 08- ಜುಲೈ 12, ದಿ ರೋಸ್ ಬೌಲ್, ಸೌತಾಂಪ್ಟನ್, 3:30 pm
* 2ನೇ ಟೆಸ್ಟ್, ಜುಲೈ 16- ಜುಲೈ 20, ಎಮಿರೇಟ್ಸ್ ಓಲ್ಡ್ ಟ್ರಾಫರ್ಡ್, ಮ್ಯಾಂಚೆಸ್ಟರ್, 3:30 pm
* 3ನೇ ಟೆಸ್ಟ್, ಜುಲೈ 24-ಜುಲೈ 28, ಎಮಿರೇಟ್ಸ್ ಓಲ್ಡ್ ಟ್ರಾಫರ್ಡ್, ಮ್ಯಾಂಚೆಸ್ಟರ್, 3: 30 pm