|
ಬೆಂಗಳೂರು ತಂಡಕ್ಕೆ 901 ಕೋಟಿ ರುಪಾಯಿ
ಬೆಂಗಳೂರು ಮೂಲದ ಫ್ರಾಂಚೈಸಿಯನ್ನು ಖರೀದಿ ಮಾಡಿದ ವಿಚಾರವನ್ನು ಆರ್ ಸಿಬಿ ತನ್ನ ಅಧಿಕೃತ ಟ್ವಿಟರ್ ಖಾತೆಯಲ್ಲಿ ಹಂಚಿಕೊಂಡಿದ್ದು, ಲೋಗೋವನ್ನು ಕೂಡ ಬದಲಾವಣೆ ಮಾಡಿದೆ. ಇನ್ನು ಬೆಂಗಳೂರು ಮೂಲದ ಮಹಿಳಾ ತಂಡವನ್ನು ಖರೀದಿ ಮಾಡಲು 9 ಬಿಡ್ಡರ್ ಗಳು ಪೈಪೋಟಿ ಮಾಡಿದ್ದಾಗಿ ಅದು ತನ್ನ ಟ್ವಿಟರ್ ಖಾತೆಯಲ್ಲಿ ತಿಳಿಸಿದೆ.
ಆದರೂ ಆರ್ ಸಿಬಿ ಫ್ರಾಂಚೈಸಿ 901 ಕೋಟಿ ರುಪಾಯಿಗೆ ಮಹಿಳಾ ಐಪಿಎಲ್ ತಂಡವನ್ನು ಖರೀದಿ ಮಾಡುವಲ್ಲಿ ಯಶಸ್ವಿಯಾಗಿದೆ. ಆರ್ಸಿಬಿ ಮಹಿಳಾ ತಂಡ ಖರೀದಿ ಮಾಡಿರುವುದಕ್ಕೆ ಅಭಿಮಾನಿಗಳು ಸಂತಸ ವ್ಯಕ್ತಪಡಿಸಿದ್ದು, ನೀವಾದ್ರು ಕಪ್ ಗೆಲ್ಲಿ ಎಂದಿದ್ದಾರೆ.
ಅಹಮದಾಬಾದ್ ಮೂಲದ ತಂಡಕ್ಕೆ ಹೆಚ್ಚಿನ ಮೊತ್ತ
ಅಹಮದಾಬಾದ್ ಮೂಲದ ತಂಡವನ್ನು ಅದಾನಿ ಒಡೆತನದ ಅದಾನಿ ಸ್ಪೋರ್ಟ್ಸ್ಲೈನ್ ಪ್ರೈವೇಟ್ ಲಿಮಿಟೆಡ್ 1289 ಕೋಟಿ ರುಪಾಯಿಗೆ ಖರೀದಿ ಮಾಡಿದೆ. ಮಹಿಳಾ ಐಪಿಎಲ್ ತಂಡಗಳಲ್ಲಿ ಅತಿ ಹೆಚ್ಚು ಮೊತ್ತಕ್ಕೆ ಹರಾಜಾದ ತಂಡವೆನಿಸಿಕೊಂಡಿದೆ. ಈ ಮೂಲಕ ಅದಾನಿ ಗ್ರೂಪ್ ಕ್ರಿಕೆಟ್ ಕ್ಷೇತ್ರಕ್ಕೆ ಲಗ್ಗೆಯಿಟ್ಟಿದೆ.
ಮುಂಬೈ ಮೂಲದ ಮಹಿಳಾ ತಂಡವನ್ನು ಮುಂಬೈ ಇಂಡಿಯನ್ಸ್ ಫ್ರಾಂಚೈಸಿಯಾದ ಇಂಡಿಯಾ ವಿನ್ ಸ್ಪೋರ್ಟ್ಸ್ ಪ್ರೈವೇಟ್ ಲಿಮಿಟೆಡ್ 912.99 ಕೋಟಿ ರುಪಾಯಿ ನೀಡಿ ಖರೀದಿ ಮಾಡಿತು. ಇದು ಎರಡನೇ ಅತಿ ಹೆಚ್ಚು ಮೊತ್ತಕ್ಕೆ ಮಾರಾಟವಾದ ತಂಡವೆನಿಸಿಕೊಂಡಿದೆ.
ನಿರೀಕ್ಷೆಗಿಂತ ಹೆಚ್ಚು ಮೊತ್ತ ಪಡೆದ ಬಿಸಿಸಿಐ
5 ಮಹಿಳಾ ತಂಡಗಳ ಹರಾಜಿನಿಂದ ಬಿಸಿಸಿಐ ಸುಮಾರು 4 ಸಾವಿರ ಕೋಟಿ ರುಪಾಯಿಗಳ ಆದಾಯದ ನಿರೀಕ್ಷೆಯಲ್ಲಿತ್ತು. ಆದರೆ, ಮಹಿಳಾ ತಂಡಗಳನ್ನು ಕೊಳ್ಳಲು ಬಿಡ್ಡರ್ ಗಳು ಹೆಚ್ಚಿನ ಆಸಕ್ತಿ ತೋರಿದ್ದರಿಂದ ನಿರೀಕ್ಷೆಗೂ ಮೀರಿದ ಆದಾಯ ಗಳಿಸಿದೆ.
5 ತಂಡಗಳ ಹರಾಜಿನಿಂದ ಬಿಸಿಸಿಐ ಒಟ್ಟು 4669 ಕೋಟಿ ರುಪಾಯಿಗಳನ್ನು ಪಡೆದುಕೊಂಡಿದೆ. ಅತಿ ಶೀಘ್ರದಲ್ಲೇ ಆಟಗಾರರ ಹರಾಜು ಪ್ರಕ್ರಿಯೆಯನ್ನು ನಡೆಸಲು ಬಿಸಿಸಿಐ ತೀರ್ಮಾನಿಸಿದ್ದು, ಐಪಿಎಲ್ಗೆ ಮುನ್ನವೇ ಮಹಿಳಾ ಪ್ರೀಮಿಯರ್ ಲೀಗ್ ನಡೆಸುವ ಯೋಜನೆಯಲ್ಲಿದೆ.