ಬೆಂಗಳೂರು, ಫೆ.19: ವಿಶ್ವಕಪ್ 2015 ಟೂರ್ನಿಯಲ್ಲಿ ಯುಎಇ ವಿರುದ್ಧದ ಪಂದ್ಯದಲ್ಲಿ ಗುರುವಾರ ಜಿಂಬಾಬ್ವೆಯ ರೆಗಿಸ್ ಛಕಬ್ವಾ ಅವರು ಹಿಟ್ ವಿಕೆಟ್ ಮಾಡಿಕೊಂಡು ಔಟಾದರು. ವಿಶ್ವಕಪ್ ಇತಿಹಾಸದಲ್ಲಿ ಹಿಟ್ ವಿಕೆಟ್ ಮಾಡಿಕೊಂಡು ವಿಕೆಟ್ ಒಪ್ಪಿಸಿದ ಆಟಗಾರರ ಪಟ್ಟಿಗೆ ಛಕಬ್ವಾ ಹೊಸ ಸೇರ್ಪಡೆಯಾದರು.
ಜಿಂಬಾಬ್ವೆ ಪರ ಸಿಕಂದರ್ ರಾಜಾ ಜೊತೆಗೆ ಆರಂಭಿಕ ಆಟಗಾರರಾಗಿ ಕಣಕ್ಕಿಳಿಸಿದ ಛಕಬ್ವಾ ಅವರು ಮೊಹಮ್ಮದ್ ತೌಕಿರ್ ಬೌಲಿಂಗ್ ನಲ್ಲಿ ಹಿಟ್ ವಿಕೆಟ್ ಮಾಡಿಕೊಂಡರು. 62 ಎಸೆತಗಳಲ್ಲಿ 4 ಬೌಂಡರಿ ಗಳಿಸಿ 35ರನ್ ಹೊಡೆದಿದ್ದ ಛಕಬ್ವಾ ಹಿಟ್ ವಿಕೆಟ್ ಆಗಿ ಔಟ್ ಆಗುವ ಮೂಲಕ ವಿಶ್ವಕಪ್ ದಾಖಲೆ ಪುಟ ಸೇರಿದರು.
1975ನೇ ಮೊದಲ ವಿಶ್ವಕಪ್ ಟೂರ್ನಿಯಲ್ಲೇ ಹಿಟ್ ವಿಕೆಟ್ ಔಟ್ ದಾಖಲಾಗಿತ್ತು. ಇಲ್ಲಿ ತನಕ 8 ಬಾರಿ ಈ ರೀತಿ ಔಟ್ ಕಂಡು ಬಂದಿದೆ. ಕೀನ್ಯಾದ ಮಾರಿಸ್ ಒಡುಂಬೆ ಎರಡು ಬಾರಿ(1996, 2003) ಹಿಟ್ ವಿಕೆಟ್ ಮಾಡಿಕೊಂಡಿದ್ದು ವಿಶೇಷ.
ಹಿಟ್ ವಿಕೆಟ್ ಗೆ ಬಲಿಯಾದ ಆಟಗಾರರ ಪಟ್ಟಿ ಇಂತಿದೆ:
* ರಾಯ್ ಫೆಡ್ರಿಕ್ಸ್ 7ರನ್ ಗಳಿಸಿದ್ದಾಗ (ವೆಸ್ಟ್ ಇಂಡೀಸ್) vs ಆಸ್ಟ್ರೇಲಿಯಾ, ಲಾರ್ಡ್ಸ್, 1975
* ಫ್ರಾಂಕ್ಲಿನ್ ಡೆನಿಸ್ (ಕೆನಡಾ) 21 ರನ್ ಗಳಿಸಿದ್ದಾಗ vs ಇಂಗ್ಲೆಂಡ್, ಓಲ್ಡ್ ಟ್ರಾಫಾರ್ಡ್, 1979.
* ಮಾರೀಸ್ ಒಡುಂಬೆ (ಕೀನ್ಯಾ) 6 ರನ್ ಗಳಿಸಿದ್ದಾಗ vs ವೆಸ್ಟ್ ಇಂಡೀಸ್, ಪುಣೆ, 1996.
* ಗ್ಯಾರಿ ಕರ್ಸ್ಟನ್ (ದಕ್ಷಿಣ ಆಫ್ರಿಕಾ) 3 ರನ್ ಗಳಿಸಿದ್ದಾಗ vs ವೆಸ್ಟ್ ಇಂಡೀಸ್, ಕರಾಚಿ, 1996.
* ಜೋ ಹ್ಯಾರೀಸ್ (ಕೆನಡಾ) 9ರನ್ ಗಳಿಸಿದ್ದಾಗ vs ಶ್ರೀಲಂಕಾ, ಪಾರ್ಲ್, 2003.
* ಮಾರೀಸ್ ಒಡುಂಬೆ (ಕೀನ್ಯಾ) 0 ರನ್ ಗಳಿಸಿದ್ದಾಗ vs ವೆಸ್ಟ್ ಇಂಡೀಸ್, ಕಿಂಬರ್ಲಿ, 2003.
* ವುಸಿ ಸಿಬಾಂಡಾ (ಜಿಂಬಾಬ್ವೆ) 67 ರನ್ ಗಳಿಸಿದ್ದಾಗ vs ಐರ್ಲೆಂಡ್, ಕಿಂಗ್ಸ್ ಸ್ಟನ್, 2007.
* ರೇಗಿಸ್ ಛಕಬ್ವಾ (ಜಿಂಬಾಬ್ವೆ) 35 ರನ್ ಗಳಿಸಿದ್ದಾಗ vs ಯುಎಇ, ನೆಲ್ಸನ್, 2015
ಒನ್ ಇಂಡಿಯಾ ಸುದ್ದಿ