ಐಎಸ್‌ಎಲ್‌ Live Score: ಗೋವಾ ವಿರುದ್ಧ ಪುಣೆಗೆ ಗೆಲ್ಲೋ ಗುರಿ

ಅಪಾಯಕಾರಿ ಗೋವಾ

ಗೋವಾ ತಂಡ ಎಷ್ಟು ಅಪಾಯಕಾರಿ ಎಂಬುದನ್ನು ರೆಡ್ಡಿ ತಿಳಿದಿರಬೇಕು. ಮಿಗ್ವೆಲ್ ಏಂಜಲ್ ಪೋರ್ಚುಗಲ್ ಅವರಿಂದ ಕೋಚ್ ಹುದ್ದೆಯನ್ನು ಸ್ವೀಕರಿಸಿದ ನಂತರ ರೆಡ್ಡಿ ತಂಡ ಎದುರಿಸಿದ್ದೇ ಗೋವಾ ತಂಡವನ್ನು, ಫಟೋರ್ಡಾದಲ್ಲಿ ನಡೆದ ಪಂದ್ಯದಲ್ಲಿ ಪುಣೆ 2-4 ಗೋಲುಗಳ ಅಂತರದಲ್ಲಿ ಸೋಲನುಭ ವಿಸಿತ್ತು. ಅದೊಂದು ನೋವಿನ ಸೋಲು.

ಪುಣೆ ಉತ್ತಮ ಆಟ

ಆದರೆ ಪುಣೆ ತಂಡ ಆ ನಂತರ ಉತ್ತಮ ರೀತಿಯಲ್ಲಿ ಆಡುತ್ತ ಬಂದಿದೆ. ಗೋವಾ ತಂಡದ ಆಟದ ಬಗ್ಗೆಯೂ ರೆಡ್ಡಿಗೆ ಚೆನ್ನಾಗಿ ಗೊತ್ತಿದೆ. ಡಿಫೆನ್ಸ್ ವಿಭಾಗವೂ ಬಲಿಷ್ಠವಾಗಿದೆ. ಆದ್ದರಿಂದ ಪುಣೆ ತಂಡ ಮತ್ತೊಮ್ಮೆ ಸೋಲಿನ ಆಘಾತ ಅನುಭವಿಸುವ ಸಾಧ್ಯತೆ ಇದೆ. 197 ಬಾರಿ ಗೋಲ್‌ಬಾಕ್ಸ್‌ಗೆ ಗುರಿ ಇಟ್ಟ ದಾಖಲೆಯನ್ನು ಗೋವಾ ಹೊಂದಿದೆ. ಅಲ್ಲದೆ ಒಂದೇ ಒಂದು ಬಾರಿ ಕ್ಲೀನ್ ಶೀಟ್ ಸಾಧನೆ ಮಾಡಿದೆ. ಸಹಿಲ್ ಪನ್ವಾರ್ ಹಾಗೂ ಲಾಲ್‌ಚುವಾನ್ಮವಾಯ್ ಅವರು ಅನಾರೋಗ್ಯದಲ್ಲಿದ್ದು ನಾಳೆಯ ಪಂದ್ಯಕ್ಕೆ ಗೈರಲಾಗಲಿದ್ದಾರೆ.

ನೈಜ ಆಟ ಪ್ರದರ್ಶನಗೊಂಡಿಲ್ಲ

ತಂಡದ ಪ್ರಮುಖ ಆಟಗಾರ ಮಾರ್ಸೆಲಿನೊ ಅವರು ಉತ್ತಮ ಪ್ರದರ್ಶನ ತೋರಬೇಕಾದ ಅಗತ್ಯವಿದೆ. ಕೇರಳ ವಿರುದ್ದದ ಪಂದ್ಯದಲ್ಲಿ ಜಯದ ರೂವಾರಿ ಎನಿಸಿದರೆ ಅವರಿಂದ ನೈಜ ಆಟ ಇದುವರೆಗೂ ಪ್ರದರ್ಶನಗೊಂಡಿಲ್ಲ. ಇದುವರೆಗಿನ ಐಎಸ್‌ಎಲ್ ಋತುವಿನಲ್ಲಿ ಮಾರ್ಸೆಲೋ ತೋರಿದ ಅತ್ಯಂತ ಕಳಪೆ ಋತು ಇದಾಗಿದೆ. 12 ದಿನಗಳ ನಂತರ ಗೋವಾ ಆ ತಂಡ ಮತ್ತೆ ಅಂಗಣದಲ್ಲಿ ಕಾಣಿಸಿಕೊಂಡಿದೆ. ಸರ್ಗಿಯೊ ಲೊಬೆರಾ ಪಡೆ ಈ ಹಿಂದಿನ ಎರಡು ಪಂದ್ಯಗಳಲ್ಲಿ ಜಯ ಗಳಿಸುವಲ್ಲಿ ವಿಫಲವಾಗಿದೆ. ಬೆಂಗಳೂರು ವಿರುದ್ಧದ ಪಂದ್ಯದಲ್ಲಿ 2-1 ಗೋಲಿನಿಂದ ಸೋಲನುಭವಿಸಿದ ನಂತರ ಕೋಲ್ಕೊತಾ ವಿರುದ್ಧ ಗೋಲಿಲ್ಲದೆ ಡ್ರಾ ಸಾಧಿಸಿತ್ತು.

ಊಹಿಸಿದಷ್ಟು ಸುಲಭವಿಲ್ಲ

ಪುಣೆ ವಿರುದ್ಧದ ಪಂದ್ಯ ನಾವು ಊಹಿಸಿದಷ್ಟು ಸುಲಭವಾಗಿಲ್ಲ, ತಮ್ಮ ಹಿಂದಿನ ಪಂದ್ಯವನ್ನು ಗೆದ್ದಿರುವ ಪುಣೆ ಅತ್ಯಂತ ಆತ್ಮವಿಶ್ವಾಸದಲ್ಲಿದೆ. ನಾವು ಕೆಲವು ದಿನಗಳಿದ್ದ ಆಡಿಲ್ಲ, ಆದ್ದರಿಂದ ಲಯ ಕಂಡುಕೊಳ್ಳಬೇಕಾದ ಅಗತ್ಯವಿದೆ. ಎಂದು ಸಹಾಯಕ ಕೋಚ್ ಜೇಸಸ್ ಟಾಟೋ ಹೇಳಿದ್ದಾರೆ. ಆಡಿರುವ ಒಂಬತ್ತು ಪಂದ್ಯಗಳಲ್ಲಿ ಗೋವಾ 17 ಅಂಕಗಳನ್ನು ಗಳಿಸಿ ಟಾಪ್ ನಾಲ್ಕರಲ್ಲಿದೆ.