Asian Games 2022: ಮುಂದಿನ ವರ್ಷಕ್ಕೆ ಮುಂದೂಡಲ್ಪಟ್ಟ ಏಷ್ಯನ್ ಗೇಮ್ಸ್; ನೂತನ ದಿನಾಂಕ ಪ್ರಕಟ

ಈ ವರ್ಷ ಏಕೆ ಆಯೋಜನೆಯಾಗಲಿಲ್ಲ ಏಷ್ಯನ್ ಗೇಮ್ಸ್

ಇನ್ನು ಏಷ್ಯನ್ ಗೇಮ್ಸ್ ಕ್ರೀಡಾಕೂಟವನ್ನು ಈ ವರ್ಷದಿಂದ ಮುಂದಿನ ವರ್ಷದ ಸೆಪ್ಟೆಂಬರ್ ತಿಂಗಳಿಗೆ ಮುಂದೂಡಲ್ಪಟ್ಟದ್ದರ ಹಿಂದೆ ಇರುವ ಕಾರಣವೇನು ಎಂಬ ಪ್ರಶ್ನೆ ಮೂಡಿದೆ. ಏಷ್ಯನ್ ಒಲಿಂಪಿಕ್ ಸಮಿತಿ ಈ ವರ್ಷ ಏಷ್ಯನ್ ಗೇಮ್ಸ್ ಕ್ರೀಡಾಕೂಟವನ್ನು ಆಯೋಜಿಸಿದರೆ ಇತರೆ ಕ್ರೀಡಾಕೂಟಗಳ ಸಂಘರ್ಷ ಉಂಟಾಗುವ ಸಾಧ್ಯತೆಗಳಿದ್ದು, ಇದನ್ನು ತಪ್ಪಿಸುವ ಸಲುವಾಗಿ ಮುಂಬರುವ ವರ್ಷಕ್ಕೆ ಕ್ರೀಡಾಕೂಟವನ್ನು ಮುಂದೂಡಿದೆ ಎನ್ನಲಾಗುತ್ತಿದೆ.

2018ರಲ್ಲಿ ಕೊನೆಯ ಕ್ರೀಡಾಕೂಟ

ಏಷ್ಯನ್ ಕ್ರೀಡಾಕೂಟದ ಕೊನೆಯ ಆವೃತ್ತಿ 2018ರಲ್ಲಿ ಇಂಡೋನೇಷ್ಯಾದ ಜಕಾರ್ತ ಪಾಲೆಂಬಾಂಗ್ ಎಂಬಲ್ಲಿ ನಡೆದಿತ್ತು. ಈ ಕ್ರೀಡಾಕೂಟದಲ್ಲಿ 289 ಪದಕಗಳನ್ನು ಗೆದ್ದಿದ್ದ ಚೀನಾ ಪದಕ ಪಟ್ಟಿಯಲ್ಲಿ ಅಗ್ರ ಸ್ಥಾನವನ್ನು ಪಡೆದುಕೊಂಡಿತ್ತು. ಉಳಿದಂತೆ 204 ಪದಕಗಳನ್ನು ಗೆದ್ದಿದ್ದ ಜಪಾನ್ ದ್ವಿತೀಯ ಸ್ಥಾನ, 176 ಪದಕಗಳನ್ನು ಗೆದ್ದಿದ್ದ ದಕ್ಷಿಣ ಕೊರಿಯಾ ತೃತೀಯ ಸ್ಥಾನ, 98 ಪದಕಗಳನ್ನು ಗೆದ್ದಿದ್ದ ಇಂಡೋನೇಷಿಯಾ ನಾಲ್ಕನೇ ಸ್ಥಾನ ಮತ್ತು 70 ಪದಕಗಳನ್ನು ಗೆದ್ದಿದ್ದ ಉಜ್ಬೇಕಿಸ್ತಾನ್ ಐದನೇ ಸ್ಥಾನ ಪಡೆದುಕೊಂಡಿತ್ತು.

2018ರಲ್ಲಿ ಭಾರತ ಗೆದ್ದಿದ್ದ ಪದಕಗಳೆಷ್ಟು?

2018ರ ಏಷ್ಯನ್ ಗೇಮ್ಸ್ ಕ್ರೀಡಾಕೂಟದಲ್ಲಿ ಭಾರತ 15 ಚಿನ್ನ, 24 ಬೆಳ್ಳಿ ಮತ್ತು 30 ಕಂಚಿನ ಪದಕಗಳನ್ನು ತನ್ನದಾಗಿಸಿಕೊಳ್ಳುವ ಮೂಲಕ ಒಟ್ಟು 69 ಪದಕಗಳನ್ನು ಗೆದ್ದು ಪದಕಗಳ ಪಟ್ಟಿಯಲ್ಲಿ ಎಂಟನೇ ಸ್ಥಾನ ಪಡೆದುಕೊಂಡಿತ್ತು.