ಟಾಪ್ 10 ಹುಡುಕಾಟದಲ್ಲಿ ಐಪಿಎಲ್ ಮೊದಲ ಸ್ಥಾನ
ವಾಸ್ತವವಾಗಿ ಈ ವರ್ಷದ ಟಾಪ್ 10 ಕ್ರೀಡಾಕೂಟಗಳಲ್ಲಿ ನಾಲ್ಕು ಕ್ರಿಕೆಟ್ಗೆ ಸಂಬಂಧಿಸಿದ್ದಾಗಿವೆ. ಕಳೆದ ಎರಡು ವರ್ಷಗಳಲ್ಲಿ ಹೆಚ್ಚಿನ ಕ್ರೀಡಾಕೂಟಗಳು ಪ್ರೇಕ್ಷಕರಿಲ್ಲದೆ ನಡೆಯುತ್ತಿದ್ದವು. ಆದರೆ 2022ರಲ್ಲಿ ಲಕ್ಷಾಂತರ ಅಭಿಮಾನಿಗಳು ಕ್ರೀಡಾಂಗಣಕ್ಕೆ ಬಂದು ಕೆಲವು ದೊಡ್ಡ ಕ್ರೀಡಾಕೂಟಗಳನ್ನು ಲೈವ್ ಆಗಿ ವೀಕ್ಷಿಸಿದ್ದಾರೆ.
ಗೂಗಲ್ನ ಟಾಪ್ 10 ಹುಡುಕಾಟದಲ್ಲಿ ಐಪಿಎಲ್ ಮೊದಲ ಸ್ಥಾನವನ್ನು ಪಡೆದರೆ, ಕತಾರ್ನಲ್ಲಿ ನಡೆಯುತ್ತಿರುವ ಫಿಫಾ ವಿಶ್ವಕಪ್ ಎರಡನೇ ಅತಿ ಹೆಚ್ಚು ಹುಡುಕಾಟದ ಕ್ರೀಡಾ ವಿಷಯವಾಗಿದೆ. ಅನಂತರ ಯುಎಇನಲ್ಲಿ ನಡೆದ 2022ರ ಏಷ್ಯಾ ಕಪ್ ಮೂರನೇ ಸ್ಥಾನ ಪಡೆದಿದ್ದರೆ, ಆಸ್ಟ್ರೇಲಿಯಾದಲ್ಲಿ ನಡೆದ 2022ರ ಐಸಿಸಿ ಟಿ20 ವಿಶ್ವಕಪ್ ನಾಲ್ಕನೇ ಸ್ಥಾನದಲ್ಲಿದೆ.
ಪ್ರೊ ಕಬಡ್ಡಿ ಲೀಗ್ ಏಳನೇ ಸ್ಥಾನ
ಇಂಗ್ಲೆಂಡ್ನಲ್ಲಿ ನಡೆದ ಕಾಮನ್ವೆಲ್ತ್ ಗೇಮ್ಸ್ ಐದನೇ ಸ್ಥಾನ ಪಡೆದಿದ್ದರೆ, ಭಾರತದ ಫುಟ್ಬಾಲ್ ಪಂದ್ಯಾವಳಿ ಇಂಡಿಯನ್ ಸೂಪರ್ ಲೀಗ್ ಆರನೇ ಸ್ಥಾನ ಪಡೆದುಕೊಂಡಿದೆ. ಭಾರತದಲ್ಲಿ ನಡೆಯುತ್ತಿರುವ ಪ್ರೊ ಕಬಡ್ಡಿ ಲೀಗ್ ಏಳನೇ ಹೆಚ್ಚು ಹುಡುಕಲ್ಪಟ್ಟ ಕ್ರೀಡಾಕೂಟವಾಗಿದೆ.
ಇನ್ನು ಐಸಿಸಿ ಮಹಿಳಾ ಕ್ರಿಕೆಟ್ ವಿಶ್ವಕಪ್ ಎಂಟನೇ ಸ್ಥಾನ ಪಡೆದಿದ್ದರೆ, ಟೆನ್ನಿಸ್ ಕ್ರೀಡಾಕೂಟ ಆಸ್ಟ್ರೇಲಿಯನ್ ಓಪನ್ ಒಂಬತ್ತನೇ ಸ್ಥಾನದಲ್ಲಿದೆ. ಇದೇ ವೇಳೆ ಮತ್ತೊಂದು ಟೆನ್ನಿಸ್ ಕ್ರೀಡಾ ವಿಂಬಲ್ಡನ್ ಹತ್ತನೇ ಸ್ಥಾನ ಪಡೆದುಕೊಂಡಿದೆ.
2022ರಲ್ಲಿ ಭಾರತದಲ್ಲಿ ಗೂಗಲ್ನಲ್ಲಿ ಹೆಚ್ಚು ಹುಡುಕಿದ ಕ್ರೀಡಾಕೂಟಗಳ ಪಟ್ಟಿ
1) ಇಂಡಿಯನ್ ಪ್ರೀಮಿಯರ್ ಲೀಗ್
2) ಫಿಫಾ ವಿಶ್ವಕಪ್
3) ಏಷ್ಯಾ ಕಪ್
4) ಐಸಿಸಿ ಟಿ20 ವಿಶ್ವಕಪ್
5) ಕಾಮನ್ವೆಲ್ತ್ ಗೇಮ್ಸ್
6) ಇಂಡಿಯನ್ ಸೂಪರ್ ಲೀಗ್
7) ಪ್ರೊ ಕಬಡ್ಡಿ ಲೀಗ್
8) ಐಸಿಸಿ ಮಹಿಳಾ ಕ್ರಿಕೆಟ್ ವಿಶ್ವಕಪ್
9) ಆಸ್ಟ್ರೇಲಿಯನ್ ಓಪನ್
10) ವಿಂಬಲ್ಡನ್