ಕ್ರಿಕೆಟ್ ಸುದ್ದಿ ವೇಳೆ ಅಸಭ್ಯ ವರ್ತನೆ ತೋರಿ ನಗೆಪಾಟಲಿಗೀಡಾದ ಸುದ್ದಿ ನಿರೂಪಕ

ಇಸ್ಲಾಮಾಬಾದ್, ಸೆಪ್ಟೆಂಬರ್ 25: ನೇರಪ್ರಸಾರ ಆಗುತ್ತಿರುವುದನ್ನು ಅರಿಯದೆಯೇ ಕ್ಯಾಮೆರಾ ಮುಂದೆ ಅಸಭ್ಯವಾಗಿ ವರ್ತಿಸಿದ ಪಾಕಿಸ್ತಾನದ ಸುದ್ದಿ ವಾಹಿನಿಯೊಂದರ ನಿರೂಪಕನ ವಿಡಿಯೋ ವೈರಲ್ ಆಗಿದೆ.

ಶುಕ್ರವಾರ ನಡೆದ ಅಫ್ಘಾನಿಸ್ತಾನ ವಿರುದ್ಧದ ಪಂದ್ಯದಲ್ಲಿ ಪಾಕಿಸ್ತಾನ ರೋಚಕ ಗೆಲುವು ಸಾಧಿಸಿತ್ತು. ಈ ಪಂದ್ಯದ ಸುದ್ದಿ ಓದುವುದಕ್ಕೂ ಮುನ್ನ ಸಹನಿರೂಪಕಿ ಜತೆ ಹರಟುತ್ತಾ ತಮಾಷೆ ಮಾಡುತ್ತಿದ್ದ ನಿರೂಪಕ, ತನ್ನ ಎರಡೂ ಕೈಗಳ ಮಧ್ಯದ ಬೆರಳುಗಳನ್ನು ಆಡಿಸುತ್ತಿದ್ದದ್ದು ನೇರಪ್ರಸಾರವಾಗಿತ್ತು.

ಏಷ್ಯಾ ಕಪ್ 2018: ಔಪಚಾರಿಕ ಪಂದ್ಯದಲ್ಲಿ ಭಾರತಕ್ಕೆ ಅಫ್ಘಾನಿಸ್ತಾನ ಸವಾಲು

ಪರದೆ ಮೇಲೆ ಬೇರೆ ದೃಶ್ಯಗಳು ಪ್ರಸಾರವಾಗುತ್ತಿವೆ ಎಂದು ಭಾವಿಸಿದ್ದ 'ಸಮಾ ಟಿವಿ ನ್ಯೂಸ್' ವಾಹಿನಿಯ ನಿರೂಪಕನಿಗೆ ಕ್ಯಾಮೆರಾ ರೋಲ್ ಆಗಿದ್ದೇ ತಿಳಿದಿರಲಿಲ್ಲ.

ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ. ನಿರೂಪಕರಿಬ್ಬರೂ ನಗುತ್ತಿರುವುದನ್ನು ಲೇವಡಿ ಮಾಡಿ ಅನೇಕ ಮೀಮ್‌ಗಳು ಸೃಷ್ಟಿಯಾಗಿವೆ. ನಿರೂಪಕನ ವರ್ತನೆಯನ್ನು ಅನೇಕರು ಟೀಕಿಸಿದ್ದಾರೆ.

When panel producer is in so much hurry to switch!!! RIP Journalism 👇 pic.twitter.com/6NeYRwxNvB

— Syed Raza Mehdi (@SyedRezaMehdi) September 22, 2018

ಮಾಧ್ಯಮ ಕಚೇರಿಯಲ್ಲಿ ಕುಳಿತ ವ್ಯಕ್ತಿಗಳು ಹೇಗೆ ವರ್ತಿಸಬೇಕು, ಅವರ ನಡತೆ ಹೇಗಿರಬೇಕು ಎಂಬುದರ ಬಗ್ಗೆಯೂ ಚರ್ಚೆಗಳಾಗುತ್ತಿವೆ.

ಭಾರತದ ಕ್ರಿಕೆಟ್ ಅಭಿಮಾನಿಗಳ ಹೃದಯ ಗೆ(ಕ)ದ್ದ ಪಾಕ್ ಪೋರಿ

ಪಾಕ್-ಆಫ್ಘನ್ ಪಂದ್ಯ ವೀಕ್ಷಿಸುತ್ತಿದ್ದ ಪಾಕಿಸ್ತಾನದ ಬಾಲಕನೊಬ್ಬ ತನ್ನ ಮಧ್ಯದ ಬೆರಳುಗಳನ್ನು ತೋರಿಸುತ್ತಿದ್ದ ಚಿತ್ರ ವ್ಯಾಪಕವಾಗಿ ಪ್ರಚಾರ ಪಡೆದಿತ್ತು. ಆ ಚಿತ್ರದ ಕುರಿತು ನಿರೂಪಕ ಮಾತನಾಡುವಾಗ ತನ್ನ ಮಧ್ಯದ ಬೆರಳುಗಳನ್ನು ತೋರಿಸಿರಬಹುದು ಎನ್ನಲಾಗಿದೆ.

When you forgot you are going on air before your excitement started..anchor person caught...#SamaaTv https://t.co/nrRKVUuKlV

— Asad Aftab (@shasadaftab) September 22, 2018

ನಿಮ್ಮ ಎಕ್ಸೈಟ್‌ಮೆಂಟ್ ಶುರುವಾಗುವುದಕ್ಕೆ ಮುನ್ನ ನೇರ ಪ್ರಸಾರ ಆಗುತ್ತಿದ್ದೀರಿ ಎಂಬುದನ್ನು ಮರೆತಾಗ ಹೀಗಾಗುತ್ತದೆ ಎಂದು ಅಸದ್ ಅಫ್ತಾಬ್ ಎಂಬುವವರು ಟ್ವೀಟ್ ಮಾಡಿದ್ದಾರೆ.

ಏಷ್ಯಾ ಕಪ್ 2018: ಭಾರತ vs ಪಾಕಿಸ್ತಾನ ಪಂದ್ಯದ ಆಸಕ್ತಿಕರ ಅಂಕಿ ಅಂಶಗಳು

Tonight ONE can confidently claim Pakistan's future is in safe hands. #PAKvAFG pic.twitter.com/fC1PAFJ1rG

— ONE (@CallSignONE) September 21, 2018

ಪಂದ್ಯವನ್ನು ಮೈದಾನದಲ್ಲಿ ವೀಕ್ಷಿಸುತ್ತಿದ್ದ ಪಾಕಿಸ್ತಾನದ ಬಾಲಕನ ಚಿತ್ರ ಕ್ಯಾಮೆರಾದಲ್ಲಿ ಸೆರೆಯಾಗಿತ್ತು. ಇದನ್ನು ಟ್ವಿಟ್ಟರ್‌ನಲ್ಲಿ ಹಂಚಿಕೊಂಡಿರುವ ಅನಾಮಧೇಯ ಖಾತೆಯೊಂದು 'ಪಾಕಿಸ್ತಾನದ ಭವಿಷ್ಯ ಸುರಕ್ಷಿತ ಕೈಗಳಲ್ಲಿ ಇರಲಿದೆ ಎಂದು ಇಂದು ರಾತ್ರಿ ಎಲ್ಲರೂ ಆತ್ಮವಿಶ್ವಾಸದಿಂದ ಹೇಳಿಕೊಳ್ಳಬಹುದು' ಎಂದು ಹೇಳಿತ್ತು.

• ಐಪಿಎಲ್ 2019 Predictions
  Match 35
  April 19 2019, 08:00 PM
  
  ಕೋಲ್ಕತಾ
  
  ಬೆಂಗಳೂರು
  Predict Now