ಟೀಂ ಇಂಡಿಯಾಗೆ 270 ಪಾಯಿಂಟ್ಸ್
ಇದರ ನಡುವೆ ಪುರುಷರ ಟಿ20 ತಂಡಗಳ ರ್ಯಾಂಕಿಂಗ್ನಲ್ಲಿ ಟೀಮ ಇಂಡಿಯಾ 270 ಪಾಯಿಂಟ್ಸ್ ಪಡೆದಿದ್ದು, ನಂತರದ ಸ್ಥಾನದಲ್ಲಿ ಇಂಗ್ಲೆಂಡ್ (265), ಪಾಕಿಸ್ತಾನ (261), ದಕ್ಷಿಣ ಆಫ್ರಿಕಾ (253), ಆಸ್ಟ್ರೇಲಿಯಾ (251) ಮೊದಲ ಐದು ಸ್ಥಾನ ಪಡೆದಿದೆ.
ಕೇನ್ ವಿಲಿಯಮ್ಸನ್ ನಾಯಕತ್ವದ ನ್ಯೂಜಿಲೆಂಡ್ 260 ಪಾಯಿಂಟ್ಸ್ನೊಂದಿಗೆ ಆರನೇ ಸ್ಥಾನದಲ್ಲಿದ್ದು, ವೆಸ್ಟ್ ಇಂಡೀಸ್ 240 ಪಾಯಿಂಟ್ಸ್ನೊಂದಿಗೆ 7ನೇ ಸ್ಥಾನ ಅಲಂಕರಿಸಿದೆ. 8, 9, 10ನೇ ಸ್ಥಾನವನ್ನ ಬಾಂಗ್ಲಾದೇಶ, ಶ್ರೀಲಂಕಾ ಮತ್ತು ಅಫ್ಘಾನಿಸ್ತಾನ ಪಡೆದಿವೆ.
ಚೆನ್ನೈ ತಂಡದಲ್ಲಿ ಮುಂದಿನ ನಾಯಕ ಆಗುವಂತಹ ಪ್ಲೇಯರ್ ಕಾಣಿಸುತ್ತಿಲ್ಲ: ಬ್ರಾಡ್ ಹಾಗ್
ಆಸ್ಟ್ರೇಲಿಯಾ ನಂಬರ್ 1 ಟೆಸ್ಟ್ ತಂಡ
ಆಸ್ಟ್ರೇಲಿಯಾ ಕ್ರಿಕೆಟ್ ತಂಡವು ಐಸಿಸಿ ಪುರುಷರ ಟೆಸ್ಟ್ ತಂಡದ ರ್ಯಾಂಕಿಂಗ್ನಲ್ಲಿ ನಂಬರ್ 1 ಸ್ಥಾನದಲ್ಲಿದೆ. ಪ್ಯಾಟ್ ಕಮಿನ್ಸ್ ನಾಯಕತ್ವದಲ್ಲಿ ಆಸ್ಟ್ರೇಲಿಯಾ ಅತ್ಯುತ್ತಮ ಪ್ರದರ್ಶನ ನೀಡುತ್ತಿದ್ದು, ಪ್ರಸ್ತುತ ಟೆಸ್ಟ್ ಚಾಂಪಿಯನ್ಶಿಪ್ನಲ್ಲಿ ಗೆಲುವಿನ ಮುನ್ನಡೆ ಸಾಧಿಸಿದೆ.
ಜೋ ರೂಟ್ ನಾಯಕತ್ವದ ಇಂಗ್ಲೆಂಡ್ ತಂಡವು ಆ್ಯಶಸ್ ಸರಣಿಯಲ್ಲಿ ಮುಗ್ಗರಿಸಿದ್ದು, ಪ್ಯಾಟ್ ಕಮಿನ್ಸ್ ನಾಯಕತ್ವದ ಆಸ್ಟ್ರೇಲಿಯಾ ತುಂಬಾನೆ ಉತ್ತಮ ಪ್ರದರ್ಶನ ನೀಡಿತ್ತು. ಇನ್ನು ಪಾಕಿಸ್ತಾನ ಪ್ರವಾಸದಲ್ಲೂ ಪ್ಯಾಟ್ ಕಮಿನ್ಸ್ ಪಡೆ ಭರ್ಜರಿ ಆಟವಾಡಿದ್ದು, ಸರಣಿಯನ್ನ ಜಯಿಸಿತ್ತು.
ಆಸ್ಟ್ರೇಲಿಯಾ 128 ಪಾಯಿಂಟ್ಸ್ನೊಂದಿಗೆ ಮೊದಲ ಸ್ಥಾನದಲ್ಲಿದ್ದು, ನಂತರದಲ್ಲಿ ಭಾರತ (119), ನ್ಯೂಜಿಲೆಂಡ್ (111), ದಕ್ಷಿಣ ಆಫ್ರಿಕಾ (110), ಪಾಕಿಸ್ತಾನ (93) ಅಗ್ರ ಐದು ಸ್ಥಾನದಲ್ಲಿವೆ.
IPL 2022: ಹಾರ್ದಿಕ್ ಪಾಂಡ್ಯ ವಿಕೆಟ್ ಪಡೆದು, ಫ್ಲೈಯಿಂಗ್ ಕಿಸ್ ಕೊಟ್ಟ ರಿಷಿ ಧವನ್
ಏಕದಿನ ಫಾರ್ಮೆಟ್ನಲ್ಲಿ ನ್ಯೂಜಿಲೆಂಡ್ ನಂಬರ್ 1
ಏಕದಿನ ಕ್ರಿಕೆಟ್ ವಿಚಾರಕ್ಕೆ ಬಂದ್ರೆ, ನ್ಯೂಜಿಲೆಂಡ್ ತಂಡದ ಕೇನ್ ವಿಲಿಯಮ್ಸನ್ ಪಡೆ ಐಸಿಸಿ ಏಕದಿನ ತಂಡಗಳ ರ್ಯಾಂಕಿಂಗ್ನಲ್ಲಿ 125 ಪಾಯಿಂಟ್ಸ್ನೊಂದಿಗೆ ಅಗ್ರಸ್ಥಾನದಲ್ಲಿದೆ. ಇಂಗ್ಲೆಂಡ್ 124 ಪಾಯಿಂಟ್ಸ್ನೊಂದಿಗೆ ಎರಡನೇ ಸ್ಥಾನದಲ್ಲಿದೆ.
ಇದರ ನಂತರದಲ್ಲಿ ಆಸ್ಟ್ರೇಲಿಯಾ (107), ಭಾರತ (105), ಪಾಕಿಸ್ತಾನ (102) ಮೂರು ಮತ್ತು ನಾಲ್ಕನೇ ಹಾಗೂ ಐದನೇ ಸ್ಥಾನ ಅಲಂಕರಿಸಿವೆ.