ಅಪರೂಪದ ದಾಖಲೆ
ವಿಶ್ವಕಪ್ ಕ್ರಿಕೆಟ್ನಲ್ಲಿ ಒಬ್ಬನೇ ಆಟಗಾರನೂ ಶತಕ ಬಾರಿಸದೆ ತಂಡವೊಂದು ಪೇರಿಸಿದ ಅತ್ಯಧಿಕ ಮೊತ್ತವಾಗಿ ಪಾಕ್ ತಂಡದ ರನ್ ಗುರುತಿಸಿಕೊಂಡಿದೆ. ಪಂದ್ಯದಲ್ಲಿ ಟಾಸ್ ಸೋತು ಬ್ಯಾಟಿಂಗ್ಗೆ ಇಳಿಸಲ್ಪಟ್ಟ ಪಾಕ್ 50 ಓವರ್ಗೆ 8 ವಿಕೆಟ್ ನಷ್ಟದಲ್ಲಿ 348 ರನ್ ಬಾರಿಸಿತ್ತು. ಆದರೆ ಇಂಗ್ಲೆಂಡ್ 50 ಓವರ್ಗೆ 9 ವಿಕೆಟ್ ಕಳೆದು 334 ರನ್ ಬಾರಿಸಿ ಶರಣಾಯ್ತು.
4 ವರ್ಷಗಳ ರೆಕಾರ್ಡ್ ಬ್ರೇಕ್
ಇಂಗ್ಲೆಂಡ್ ವಿರುದ್ಧದ ಪಂದ್ಯದಲ್ಲಿ ಪಾಕ್ ತೋರಿಸಿದ ಸಾಧನೆ 4 ವರ್ಷಗಳ ಹಿಂದಿನ ದಾಖಲೆಯನ್ನು ಮುರಿದಿದೆ. 2015ರಲ್ಲಿ ವೆಲ್ಲಿಂಗ್ಟನ್ನಲ್ಲಿ ನಡೆದಿದ್ದ ವಿಶ್ವಕಪ್ ಪಂದ್ಯದಲ್ಲಿ ದಕ್ಷಿಣ ಅಫ್ರಿಕಾ ತಂಡ ಯುಎಇ ವಿರುದ್ಧ ಒಬ್ಬನೇ ಬ್ಯಾಟ್ಸ್ಮನ್ ಶತಕ ಬಾರಿಸದೆಯೂ 6 ವಿಕೆಟ್ ಕಳೆದು 341 ರನ್ ಬಾರಿಸಿ ದಾಖಲೆ ನಿರ್ಮಿಸಿತ್ತು.
ಪಾಕ್ ಹೆಸರಲ್ಲೇ ಹೆಚ್ಚಿನ ದಾಖಲೆ
ಒಬ್ಬನೇ ಒಬ್ಬ ಬ್ಯಾಟ್ಸ್ಮನ್ ಶತಕ ಬಾರಿಸಿದೆಯೂ ವಿಶ್ವಕಪ್ನಲ್ಲಿ ತಂಡವೊಂದು ಬಾರಿಸಿದ ದೊಡ್ಡ ರನ್ಗಾಗಿ ಪಾಕಿಸ್ತಾನವೇ ಈ ಮೊದಲು ಗುರುತಿಸಿಕೊಂಡಿತ್ತು. 2015ರಲ್ಲಿ ನೇಪಿಯರ್ ನಲ್ಲಿ ನಡೆದಿದ್ದ ಪಂದ್ಯದಲ್ಲಿ ಯುಎಇ ವಿರುದ್ಧ ಪಾಕ್ 6 ವಿಕೆಟ್ ನಷ್ಟಕ್ಕೆ 339 ರನ್ ಮಾಡಿತ್ತು. ಅಲ್ಲದೆ 1983ರಲ್ಲೂ ಸ್ವಾನ್ಸೀಯಲ್ಲಿ ನಡೆದಿದ್ದ ಪಂದ್ಯದಲ್ಲಿ ಶ್ರೀಲಂಕಾ ವಿರುದ್ಧ 5 ವಿಕೆಟ್ ಕಳೆದು 338 ರನ್ ಬಾರಿಸಿತ್ತು.
ಐರ್ಲೆಂಡ್ ಹೆಸರಲ್ಲಿ ದಾಖಲೆ
ವಿಶ್ವಕಪ್ನಲ್ಲಿ ಚೇಸಿಂಗ್ ಅತ್ಯಧಿಕ ರನ್ ದಾಖಲೆಯನ್ನು ಐರ್ಲೆಂಡ್ ಈಗಲೂ ಉಳಿಸಿಕೊಂಡಿದೆ. 2011ರಲ್ಲಿ ಬೆಂಗಳೂರಿನಲ್ಲಿ ನಡೆದಿದ್ದ ಪಂದ್ಯದಲ್ಲಿ ಐರ್ಲೆಂಡ್ ತಂಡ ಇಂಗ್ಲೆಂಡ್ ನೀಡಿದ್ದ 329 ರನ್ ಗುರಿಯನ್ನು 7 ವಿಕೆಟ್ ನಷ್ಟದಲ್ಲಿ ತಲುಪಿ ಜಯ ದಾಖಲಿಸಿತ್ತು. ಸದ್ಯದ ಮಟ್ಟಿಗೆ ವಿಶ್ವಕಪ್ನಲ್ಲಿ ಇದೇ ಅತ್ಯಧಿಕ ರನ್ ಚೇಸಿಂಗ್ ದಾಖಲೆ.