ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
For Quick Alerts
ALLOW NOTIFICATIONS  
For Daily Alerts
 

IND vs ZIM: ವಿನೂತನ ಶಾಟ್ ಕಂಡುಹಿಡಿದ 'Mr 360' ಸೂರ್ಯಕುಮಾರ್ ಯಾದವ್; ವಿಡಿಯೋ

T20 World Cup 2022: Indias Mr 360 Suryakumar Yadav Invents Innovative Shot Against Zimbabwe; Video

ನವೆಂಬರ್ 6ರ ಭಾನುವಾರದಂದು ಮೆಲ್ಬೋರ್ನ್‌ನಲ್ಲಿ ನಡೆದ ಅಂತಿಮ ಪಂದ್ಯವನ್ನು 71 ರನ್‌ಗಳಿಂದ ಗೆದ್ದ ಭಾರತ ತಂಡವು ಟಿ20 ವಿಶ್ವಕಪ್‌ನ ಸೂಪರ್-12 ಹಂತದಲ್ಲಿ ಪ್ರಬಲವಾದ ಗೆಲುವಿನೊಂದಿಗೆ ಮುಕ್ತಾಯಗೊಳಿಸಿತು. ಜಿಂಬಾಬ್ವೆ ವಿರುದ್ಧದ ಪಂದ್ಯದಲ್ಲಿ ಕೆಎಲ್ ರಾಹುಲ್ ಮತ್ತು ಸೂರ್ಯಕುಮಾರ್ ಯಾದವ್ ಅಬ್ಬರದ ಬ್ಯಾಟಿಂಗ್ ಪ್ರದರ್ಶನ ನೀಡಿ ಭಾರತವನ್ನು ಗೆಲ್ಲಿಸಿದರು ಮತ್ತು ಪಂದ್ಯಾವಳಿಯ ಸೆಮಿಫೈನಲ್‌ಗೆ ಅಧಿಕೃತ ಪ್ರವೇಶ ಪಡೆದರು.

ಬಲಿಷ್ಠ ಬೌಲಿಂಗ್ ದಾಳಿಯ ವಿರುದ್ಧ 187 ರನ್‌ಗಳ ಗುರಿ ಬೆನ್ನತ್ತಿದ ಜಿಂಬಾಬ್ವೆ 17.2 ಓವರ್‌ಗಳಲ್ಲಿ ಕೇವಲ 115 ರನ್‌ಗಳಿಗೆ ಆಲೌಟ್ ಆಯಿತು. ರವಿಚಂದ್ರನ್ ಅಶ್ವಿನ್, ಅರ್ಶ್‌ದೀಪ್ ಸಿಂಗ್, ಮೊಹಮ್ಮದ್ ಶಮಿ ಮತ್ತು ಭುವನೇಶ್ವರ್ ಕುಮಾರ್ ಅವರ ಉತ್ತಮ ಗುಣಮಟ್ಟದ ಬೌಲಿಂಗ್ ಎದುರು ಪ್ರತಿದಾಳಿ ನಡೆಸಲು ವಿಫಲವಾಯಿತು. ಭಾರತದ ಬೌಲರ್‌ಗಳಲ್ಲಿ ರವಿಚಂದ್ರನ್ ಅಶ್ವಿನ್ ಅವರು ಕೇವಲ 22 ರನ್‌ಗಳಿಗೆ ಮೂರು ವಿಕೆಟ್ ಪಡೆದರು.

ಧನ್ಯವಾದ ದಕ್ಷಿಣ ಆಫ್ರಿಕಾ, ನೀವು ದೊಡ್ಡ ಚೋಕರ್ಸ್; ಪಾಕ್ ಸೆಮಿಸ್ ತಲುಪಿದ್ದಕ್ಕೆ ಶೋಯೆಬ್ ಅಖ್ತರ್ ಸಂತಸಧನ್ಯವಾದ ದಕ್ಷಿಣ ಆಫ್ರಿಕಾ, ನೀವು ದೊಡ್ಡ ಚೋಕರ್ಸ್; ಪಾಕ್ ಸೆಮಿಸ್ ತಲುಪಿದ್ದಕ್ಕೆ ಶೋಯೆಬ್ ಅಖ್ತರ್ ಸಂತಸ

ಜಿಂಬಾಬ್ವೆ ವಿರುದ್ಧದ ಪಂದ್ಯದಲ್ಲಿ ವಿಶ್ವದ ನಂಬರ್ ಒನ್ ಟಿ20 ಕ್ರಿಕೆಟ್ ಬ್ಯಾಟ್ಸ್‌ಮನ್ ಸೂರ್ಯಕುಮಾರ್ ಯಾದವ್ ತಮ್ಮ ಅತ್ಯದ್ಭುತ ಫಾರ್ಮ್ ಅನ್ನು ಮುಂದುವರೆಸಿದರು.

ಭಾರತದ 'Mr 360' ಸೂರ್ಯಕುಮಾರ್ ಯಾದವ್

ಭಾರತದ 'Mr 360' ಸೂರ್ಯಕುಮಾರ್ ಯಾದವ್

12ನೇ ಓವರ್‌ನಲ್ಲಿ ಕ್ರೀಸ್‌ಗೆ ಬಂದ ಸೂರ್ಯಕುಮಾರ್ ತಮ್ಮ ಕೈಯಲ್ಲಿ ಪಂದ್ಯವನ್ನು ತೆಗೆದುಕೊಂಡರು. ಪಿಚ್‌ನ ಇನ್ನೊಂದು ಬದಿಯಿಂದ ವಿಕೆಟ್‌ಗಳು ಬಿದ್ದಾಗ, ಸೂರ್ಯಕುಮಾರ್ ಪಂದ್ಯದ ಕೊನೆಯ ಓವರ್‌ಗಳಲ್ಲಿ ಬೆರಗುಗೊಳಿಸುವ ಶಾಟ್‌ಗಳನ್ನು ಆಡಲು ಪ್ರಾರಂಭಿಸಿದರು.

ತನ್ನ ಎಂದಿನ ಸ್ಟ್ರೈಕ್ ರೇಟ್‌ನಲ್ಲಿ ಸ್ಕೋರ್ ಮಾಡುತ್ತಾ, ಭಾರತದ "Mr 360' ಸೂರ್ಯಕುಮಾರ್ ಯಾದವ್ ವಿನೂತನವಾದ ಶಾಟ್‌ಗಳನ್ನು ಪ್ರಯೋಗಿಸಿದರು. ಇದು ಆರಂಭದಲ್ಲಿ ಎಲ್ಲರನ್ನೂ ಮೋಸಗೊಳಿಸಿತು. ಆದಾಗ್ಯೂ, ಮರುವೀಕ್ಷಣೆಯಲ್ಲಿ ವಿಭಿನ್ನವಾದದ್ದನ್ನು ತೋರಿಸಿದವು. ಸೂರ್ಯಕುಮಾರ್ ಯಾದವ್ ಅವರು ಉದ್ದೇಶಪೂರ್ವಕವಾಗಿ ಆ ಶಾಟ್ ಆಡಿದ್ದಾರೆ ಎಂದು ವೀಕ್ಷಕ ವಿವರಣೆಗಾರರು ಶೀಘ್ರವಾಗಿ ಗಮನಿಸಿದರು.

ವಿನೂತನ ಓವರ್‌ಹೆಡ್ ಸ್ಕೂಪ್ ಶಾಟ್ ಅನ್ನು ಆಡಿದ ಸೂರ್ಯ

ಸೂರ್ಯಕುಮಾರ್ ಕುಮಾರ್ ವಿನೂತನ ಓವರ್‌ಹೆಡ್ ಸ್ಕೂಪ್ ಶಾಟ್ ಅನ್ನು ಆಡಿದರು. ಒಂದು ಓವರ್‌ನಲ್ಲಿ ನಾಲ್ಕು ಬೌಂಡರಿಗಳಲ್ಲಿ ಮೊದಲನೆಯ ಶಾಟ್ ಈ ಕೆಳಗಿನ ವಿಡಿಯೋದಲ್ಲಿದೆ. ಅವರು ಇದೇ ಓವರ್‌ಹೆಡ್ ಸ್ಕೂಪ್ ಶಾಟ್‌ನಿಂದ ಸಿಕ್ಸರ್ ಕೂಡ ಗಳಿಸಿದರು.

ಸೂರ್ಯಕುಮಾರ್ ಯಾದವ್ ಕೇವಲ 25 ಎಸೆತಗಳಲ್ಲಿ 4 ಸಿಕ್ಸರ್ ಮತ್ತು 6 ಬೌಂಡರಿಗಳ ನೆರವಿನಿಂದ 61 ರನ್ ಗಳಿಸಿದರು. ಆರಂಭಿಕರಾದ ಕೆಎಲ್ ರಾಹುಲ್ ಕೂಡ ಅರ್ಧಶತಕ ಗಳಿಸಿದ್ದರಿಂದ ಅವರು ಭಾರತ ತಂಡವನ್ನು 20 ಓವರ್‌ಗಳಲ್ಲಿ 186/5 ರನ್‌ಗಳಿಗೆ ಕೊಂಡೊಯ್ದರು.

ಸೂರ್ಯಕುಮಾರ್ ಯಾದವ್ ಟಿ20 ಇತಿಹಾಸದಲ್ಲಿ ಕ್ಯಾಲೆಂಡರ್ ವರ್ಷದಲ್ಲಿ 1000 ರನ್ ಗಳಿಸಿದ ಮೊದಲ ಭಾರತೀಯ ಎಂಬ ಹೆಗ್ಗಳಿಕೆಗೆ ಪಾತ್ರರಾದರು. ಅಗ್ರ ಕ್ರಮಾಂಕದ ಬ್ಯಾಟ್ಸ್‌ಮನ್ ಇತ್ತೀಚೆಗೆ ಐಸಿಸಿಯ ಟಿ20 ಅತ್ಯುತ್ತಮ ಬ್ಯಾಟ್ಸ್‌ಮನ್ ಪಟ್ಟಿಯಲ್ಲಿ ಮೊದಲ ಶ್ರೇಯಾಂಕವನ್ನು ಪಡೆದಿದ್ದಾರೆ.

ಜಿಂಬಾಬ್ವೆ ವಿರುದ್ಧ ಆಡುವುದಕ್ಕಿಂತ ಮುಂಚೆಯೇ ಸೆಮಿಫೈನಲ್ ತಲುಪಿತ್ತು

ಜಿಂಬಾಬ್ವೆ ವಿರುದ್ಧ ಆಡುವುದಕ್ಕಿಂತ ಮುಂಚೆಯೇ ಸೆಮಿಫೈನಲ್ ತಲುಪಿತ್ತು

ಭಾರತ ತಂಡವು ಜಿಂಬಾಬ್ವೆ ವಿರುದ್ಧ ಆಡುವುದಕ್ಕಿಂತ ಮುಂಚೆಯೇ ಟಿ20 ವಿಶ್ವಕಪ್ 2022ರ ಸೆಮಿಫೈನಲ್‌ಗೆ ಅರ್ಹತೆ ಪಡೆದಿದೆ. ನೆದರ್ಲ್ಯಾಂಡ್ಸ್ ತಂಡವು ದಕ್ಷಿಣ ಆಫ್ರಿಕಾವನ್ನು ಬೆಳಿಗ್ಗೆ ಸೋಲಿಸಿ ದೊಡ್ಡ ಅಸಮಾಧಾನವನ್ನು ಉಂಟುಮಾಡಿದೆ. ನಂತರ ಪಾಕಿಸ್ತಾನ ತಂಡ ಬಾಂಗ್ಲಾದೇಶವನ್ನು ಸೋಲಿಸಿ ಗ್ರೂಪ್ 2ರಿಂದ ವಿಶ್ವಕಪ್‌ನ ಸೆಮಿಫೈನಲ್‌ಗೆ ಅರ್ಹತೆ ಪಡೆದ ಎರಡನೇ ತಂಡವಾಯಿತು.

ಭಾರತವು ಈಗಾಗಲೇ ಸೆಮಿಸ್‌ಗೆ ತಲುಪಿದ್ದರೂ, ಸೂರ್ಯಕುಮಾರ್ ಇದೊಂದು ಮಹತ್ವದ ಪಂದ್ಯ ಎಂಬಂತೆ ಆಡಿದರು ಮತ್ತು ಇನ್ನಿಂಗ್ಸ್‌ನಲ್ಲಿ ಬ್ಯಾಟಿಂಗ್ ಪರಾಕ್ರಮ ಪ್ರದರ್ಶಿಸಿದರು.

Story first published: Sunday, November 6, 2022, 17:19 [IST]
Other articles published on Nov 6, 2022
POLLS
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Yes No
Settings X