IPLನ ಬೆಸ್ಟ್ ಬೌಲಿಂಗ್: ಕೆಕೆಆರ್ ವಿರುದ್ಧ 5 ವಿಕೆಟ್‌ ಪಡೆದ ಬುಮ್ರಾಗೆ ಎಷ್ಟನೇ ಸ್ಥಾನ? ಮೊದಲ ಸ್ಥಾನ ಯಾರಿಗೆ?

ಕನ್ನಡ Edition

Get Updates

Get notified on match updates, sports news, and in-depth analysis!

ಇಂಡಿಯನ್ ಪ್ರೀಮಿಯರ್ ಲೀಗ್ ಇತಿಹಾಸದಲ್ಲಿ ಬೌಲರ್‌ಗಳ ಪಾರುಪತ್ಯ ಎಂದಿಗೂ ಕಮ್ಮಿ ಆಗಿಲ್ಲ. ಚುಟುಕು ಕ್ರಿಕೆಟ್ ಬ್ಯಾಟ್ಸ್‌ಮನ್‌ಗಳ ಫೇವರಿಟ್ ಆಗಿದ್ರೂ ಸಹ, ಪಂದ್ಯದ ಗತಿಯನ್ನ ಬದಲಾಯಿಸಿದ ಅದೆಷ್ಟೋ ಬೌಲರ್‌ಗಳನ್ನ ನಾವು ಕಾಣಬಹುದಾಗಿದೆ.

ಕಳೆದ ಮುಂಬೈ ಇಂಡಿಯನ್ಸ್ ಮತ್ತು ಕೊಲ್ಕತ್ತಾ ನೈಟ್ ರೈಡರ್ಸ್ ಪಂದ್ಯದಲ್ಲೂ ಇಂತಹ ಒಂದು ಉದಾಹರಣೆಯನ್ನ ನಾವು ಕಾಣಬಹುದಾಗಿದೆ. ಮುಂಬೈ ಇಂಡಿಯನ್ಸ್ ಬೌಲರ್ ಜಸ್ಪ್ರೀತ್ ಬುಮ್ರಾ ಕೆಕೆಆರ್ ಬ್ಯಾಟ್ಸ್‌ಮನ್‌ಗಳನ್ನ ಬೇಟೆಯಾಡಿದ್ದನ್ನ ಮರೆಯಲು ಸಾಧ್ಯವಿಲ್ಲ. ಫಲಿತಾಂಶ ಮುಂಬೈ ಇಂಡಿಯನ್ಸ್ ಪರ ವಾಲದೇ ಇದ್ದರೂ ಸಹ, ಬುಮ್ರಾ ಐಪಿಎಲ್‌ನ ಬೆಸ್ಟ್ ಬೌಲಿಂಗ್ ಮಾತ್ರ ದಾಖಲೆಯ ಬುಕ್‌ನಲ್ಲಿ ಅಚ್ಚಳಿಯದೇ ಉಳಿಯಲಿದೆ.

4 ಓವರ್‌ಗೆ ಕೇವಲ 10 ರನ್‌ ನೀಡಿ 1 ಮೇಡನ್ ಸೇರಿದಂತೆ 5 ವಿಕೆಟ್ ಪಡೆದ ದಾಖಲೆಯನ್ನ ಬುಮ್ರಾ ಮಾಡಿದ್ದಾರೆ. ಅದ್ರಲ್ಲೂ ಕೊನೆಯ ಓವರ್‌ನಲ್ಲಿ ಕೇವಲ 1 ರನ್‌ ನೀಡಿದ ಬುಮ್ರಾ ಬಲಿಷ್ಠ ಬೌಲಿಂಗ್ ಗೆ ಸಾಕ್ಷಿಯಾಯಿತು. ಈ ಪಂದ್ಯದಲ್ಲಿ 18ನೇ ಓವರ್‌ನಲ್ಲಿ ಮೇಡನ್ ಸೇರಿದಂತೆ ಮೂರು ವಿಕೆಟ್ ಕಬಳಿಸಿದ ಜಸ್ಪ್ರೀತ್ ಬುಮ್ರಾ ಐಪಿಎಲ್‌ನಲ್ಲಿ ಮೊದಲ ಬಾರಿಗೆ ಐದು ವಿಕೆಟ್ ಪಡೆದ ಸಾಧನೆ ಮಾಡಿದ್ದಾರೆ. ಇದು ಕೇವಲ ಐಪಿಎಲ್‌ ಅಷ್ಟೇ ಅಲ್ಲದೆ ಟಿ20 ಫಾರ್ಮೆಟ್‌ನಲ್ಲಿ ಬುಮ್ರಾ ಬೆಸ್ಟ್ ಫಿಗರ್ ಆಗಿದೆ.

ಹೀಗೆ ಐಪಿಎಲ್ ಇತಿಹಾಸದಲ್ಲಿ ಇದುವರೆಗೂ ಇರುವ ಬೆಸ್ಟ್ ಬೌಲಿಂಗ್ ಆದ್ರೂ ಯಾವುದು? ಯಾರ ಹೆಸರಿನಲ್ಲಿ ದಾಖಲೆ? ಬುಮ್ರಾ ಸ್ಥಾನ ಎಷ್ಟು? ಎಂಬೆಲ್ಲಾ ಪ್ರಶ್ನೆಗಳಿಗೆ ಈ ಕೆಳಗಿನ ಅಂಕಿ-ಅಂಶಗಳು ಉತ್ತರ ನೀಡಲಿವೆ