'ಅವನ ಆಟ ನೋಡಲು ಖುಷಿ' ಅಂತ ತೆಂಡೂಲ್ಕರ್ ಹೇಳಿದ್ಯಾರಿಗೆ ಗೊತ್ತಾ?!

ಟೀಮ್ ಇಂಡಿಯಾಕ್ಕೆ ಅಭಿನಂದನೆ

ಮಂಗಳವಾರ (ಸೆಪ್ಟೆಂಬರ್ 3) ಟ್ವೀಟ್ ಮಾಡಿರುವ ಲಿಟ್ಲ್‌ಮಾಸ್ಟರ್, 'ಅದ್ಭುತ ಸರಣಿ ಜಯಕ್ಕೆ ಟೀಮ್ ಇಂಡಿಯಾಕ್ಕೆ ಅಭಿನಂದನೆಗಳು. ಈ ಸರಣಿಯಲ್ಲಿ ಜಸ್‌ಪ್ರೀತ್ ಬೂಮ್ರಾ ಆಟ ನೋಡಲು ಖುಷಿಯಾಗಿದೆ. ಆತನ ಹ್ಯಾಟ್ರಿಕ್ ವಿಕೆಟ್ ಸಾಧನೆ ವಿಶೇಷವಾದುದು. ಟೆಸ್ಟ್‌ ಕ್ರಿಕೆಟ್‌ನಲ್ಲಿ ಈತ ಬೆಳೆಯುತ್ತಿರುವ ಪರಿ ನಿಜಕ್ಕೂ ಭಯಂಕರವಾಗಿದೆ,' ಎಂದು ಬರೆದುಕೊಂಡಿದ್ದಾರೆ.

ಬೂಮ್ರಾ ಹ್ಯಾಟ್ರಿಕ್ ವಿಕೆಟ್

ವೆಸ್ಟ್ ಇಂಡೀಸ್ ಮೊದಲ ಇನ್ನಿಂಗ್ಸ್‌ನಲ್ಲಿ ಕೇವಲ 27 ರನ್‌ ನೀಡಿ 6 ವಿಕೆಟ್ ಉರುಳಿಸಿದ್ದ ಬೂಮ್ರಾ ಹ್ಯಾಟ್ರಿಕ್ ವಿಕೆಟ್ ಕೂಡ ಪಡೆದು ಕೆರಿಬಿಯನ್ನರನ್ನು ಕಾಡಿದ್ದರು. ಪಂದ್ಯದ 8.2, 8.3, 8.4ನೇ ಓವರ್‌ನಲ್ಲಿ ಬೂಮ್ರಾ ಕ್ರಮವಾಗಿ ಡ್ಯಾರೆನ್ ಬ್ರಾವೋ, ಶಮರ್ ಬ್ರೂಕ್ಸ್, ರೋಸ್ಟನ್ ಚೇಸ್ ವಿಕೆಟ್‌ಗಳನ್ನು ಮುರಿದಿದ್ದರು.

ಹನುಮ ವಿಹಾರಿ ಶತಕ

ದ್ವಿತೀಯ ಟೆಸ್ಟ್‌ನಲ್ಲಿ ಮೊದಲ ಇನ್ನಿಂಗ್ಸ್‌ನಲ್ಲಿ ಭಾರತ, ಹನುಮ ವಿಹಾರಿ ಶತಕ (111 ರನ್‌)ದೊಂದಿಗೆ 416 ರನ್, ದ್ವಿತೀಯ ಇನ್ನಿಂಗ್ಸ್‌ನಲ್ಲಿ ಅಜಿಂಕ್ಯ ರಹಾನೆ 64, ಹನುಮ ವಿಹಾರಿ 53 ರನ್ ಸೇರ್ಪಡೆಯೊಂದಿಗೆ 168 ರನ್‌ ಗಳಿಸಿದರೆ, ವಿಂಡೀಸ್ ಮೊದಲ ಇನ್ನಿಂಗ್ಸ್‌ನಲ್ಲಿ 117, ದ್ವಿತೀಯ ಇನ್ನಿಂಗ್ಸ್‌ನಲ್ಲಿ 210 ರನ್‌ ಬಾರಿಸಿ ಶರಣಾಗಿತ್ತು.

ಒಂದೂ ಪಂದ್ಯ ಗೆಲ್ಲದ ವಿಂಡೀಸ್

ವೆಸ್ಟ್ ಇಂಡೀಸ್‌ಗೆ ಭಾರತದ ಪ್ರವಾಸ ಸರಣಿಯಲ್ಲಿ ಆತಿಥೇಯ ವಿಂಡೀಸ್ ಒಂದೂ ಪಂದ್ಯ ಗೆಲ್ಲದೆ ಮುಖಭಂಗಕ್ಕೀಡಾಗಿದೆ. ಈ ಪ್ರವಾಸದಲ್ಲಿ ಭಾರತ, 3 ಪಂದ್ಯಗಳ ಟಿ20 ಸರಣಿಯನ್ನು 3-0ಯಿಂದ, 3 ಪಂದ್ಯಗಳ ಏಕದಿನದಲ್ಲಿ 2-0 (1 ಪಂದ್ಯ ರದ್ದು), 2 ಪಂದ್ಯಗಳ ಟೆಸ್ಟ್‌ನಲ್ಲಿ 2-0ಯ ಗೆಲುವು ದಾಖಲಿಸಿದೆ.