ಆಸ್ಟ್ರೇಲಿಯಾ ವಿರುದ್ಧ ಆಡ್ತಿರೋದು ಅತೀ ದುರ್ಬಲ ಭಾರತ ತಂಡ ಅನ್ನೋದು ಗೊತ್ತಾ!?

ಅನುಭವಿಗಳೇ ಇಲ್ಲ

ಬ್ರಿಸ್ಬೇನ್‌ ಟೆಸ್ಟ್‌ನಲ್ಲಿ ಆಸ್ಟ್ರೇಲಿಯಾ ವಿರುದ್ಧ ಕಣಕ್ಕಿಳಿದಿರುವ ಟೀಮ್ ಇಂಡಿಯಾ ಎದುರಾಳಿಗೆ ಹೋಲಿಸಿದರೆ ಅತ್ಯಂತ ದುರ್ಬಲವಾಗಿದೆ ಅನ್ನೋದನ್ನು ಅಂಕಿ-ಅಂಶಗಳು ಹೇಳುತ್ತವೆ. ಆಸ್ಟ್ರೇಲಿಯಾ ತಂಡದಲ್ಲಿ ಸ್ಟೀವ್ ಸ್ಮಿತ್, ಡೇವಿಡ್ ವಾರ್ನರ್, ಮಿಚೆಲ್ ಸ್ಟಾರ್ಕ್, ಟಿಮ್ ಪೈನ್, ನೇಥನ್ ಲಿಯಾನ್‌ನಂತ ಬಲಿಷ್ಠ ಅನುಭವಿಗಳಿದ್ದರೆ, ಭಾರತದಲ್ಲಿ ರೋಹಿತ್ ಶರ್ಮಾ, ಚೇತೇಶ್ವರ್ ಪೂಜಾರ, ಅಜಿಂಕ್ಯ ರಹಾನೆ ಮಾತ್ರ ಅನುಭವಿಗಳು.

ನೀವೂ ಕೋಟ್ಯಾಧಿಪತಿಯಾಗಬಹುದು; ಹಣ ಗಳಿಸಲು ಇಲ್ಲಿದೆ ಸುಲಭ ದಾರಿ!

ದುರ್ಬಲ ತಂಡ ಅಂತ ಹೇಗನ್ನೋದು?

ನಾಲ್ಕನೇ ಟೆಸ್ಟ್‌ನಲ್ಲಿ ಆಡುತ್ತಿರುವ ಭಾರತ ತಂಡ ಆಸ್ಟ್ರೇಲಿಯಾಕ್ಕೆ ಹೋಲಿಸಿದರೆ ಅತೀ ದುರ್ಬಲ ತಂಡ ಅಂತ ಹೇಗನ್ನೋದು? ಎರಡೂ ಆಡುವ ತಂಡಗಳ ಆಟಗಾರರ ಸಾಧನೆಯ ಅಂಕಿ-ಅಂಶಗಳನ್ನು ಗಮನಿಸಿದರೆ, ತಾಳೆ ಹಾಕಿದರೆ ಯಾವುದು ಬಲಿಷ್ಠ ತಂಡ, ಯಾವುದು ದುರ್ಬಲ ತಂಡ ಅನ್ನೋದು ಗೊತ್ತಾಗುತ್ತದೆ. ಎರಡೂ ತಂಡಗಳಿಗೂ ಹೋಲಿಸಿದರೆ ಭಾರತ ನಿಜಕ್ಕೂ ದುರ್ಬಲ ತಂಡವಾಗಿ ಕಾಣಿಸುತ್ತದೆ.

ಭಾರತ-ಆಸ್ಟ್ರೇಲಿಯಾ ಬಲಾಬಲ

4ನೇ ಟೆಸ್ಟ್ ಪಂದ್ಯದಲ್ಲಿ ಕಣಕ್ಕಿಳಿದಿರುವ ಆಟಗಾರರ ಅಂಕಿ-ಅಂಶಗಳನ್ನು ಗಮನಿಸಿದರೆ; ಆಸ್ಟ್ರೇಲಿಯಾ ಅತ್ಯಂತ ಬಲಿಷ್ಠ ತಂಡ, ಭಾರತ ಅತ್ಯಂತ ದುರ್ಬಲ ತಂಡ ಅನ್ನೋದಕ್ಕೆ ಕೆಳಗೆ ಅಂಕಿ ಅಂಶಗಳಿವೆ
* ಆಸ್ಟ್ರೇಲಿಯಾ: 504 ಪಂದ್ಯಗಳು, 23,767 ರನ್‌ಗಳು, 1,046 ವಿಕೆಟ್‌ಗಳು.
* ಭಾರತ: 215 ಪಂದ್ಯಗಳು, 14,814 ರನ್, 13 ವಿಕೆಟ್‌ಗಳು

ಗಾಯಕ್ಕೀಡಾಗಿರುವ ಭಾರತೀಯರು

* ಭುವನೇಶ್ವರ್ ಕುಮಾರ್, ತೊಡೆ ಸ್ನಾಯುಗಳ ಗಾಯ, ತಂಡದಿಂದ ಹೊರಕ್ಕೆ
* ಇಶಾಂತ್ ಶರ್ಮಾ, ಸೊಂಟ ಮತ್ತು ತೊಡೆ ಮೂಳೆ ಸೇರುವಲ್ಲಿ ನೋವು, ತಂಡದಿಂದ ಹೊರಕ್ಕೆ
* ಮೊಹಮ್ಮದ್ ಶಮಿ, ಬಲಗೈಗೆ ಗಾಯ, ತಂಡದಿಂದ ಹೊರಕ್ಕೆ
* ಉಮೇಶ್ ಯಾದವ್, ಕಾಲಿನ ಹಿಂಬಾಗದ ಸ್ನಾಯುಗಳು (ಕಾಫ್) ಬೇನೆ, ತಂಡದಿಂದ ಹೊರಕ್ಕೆ
* ಕೆಎಲ್ ರಾಹುಲ್, ಕೈಯ ಮಣಿಕಟ್ಟು ಗಾಯ, ತಂಡದಿಂದ ಹೊರಕ್ಕೆ
* ಹನುಮ ವಿಹಾರಿ, ಹ್ಯಾಮ್‌ಸ್ಟ್ರಿಂಗ್, ತಂಡದಿಂದ ಹೊರಕ್ಕೆ
* ರವೀಂದ್ರ ಜಡೇಜಾ, ಹೆಬ್ಬೆಟ್ಟಿಗೆ ಗಾಯ, ತಂಡದಿಂದ ಹೊರಕ್ಕೆ
* ಜಸ್‌ಪ್ರೀತ್‌ ಬೂಮ್ರಾ, ಕಿಬ್ಬೊಟ್ಟೆ ನೋವು, ತಂಡದಿಂದ ಹೊರಕ್ಕೆ
* ರವಿಚಂದ್ರನ್ ಅಶ್ವಿನ್, ಬೆನ್ನುನೋವು, ತಂಡದಿಂದ ಹೊರಕ್ಕೆ