U-19 ವಿಶ್ವಕಪ್: ಭಾರತವನ್ನು ಮಣಿಸಿ ಚೊಚ್ಚಲ ಬಾರಿಗೆ ವಿಶ್ವಕಪ್ ಗೆದ್ದ ಬಾಂಗ್ಲಾದೇಶ

ಆರಂಭಿಕ ಆಘಾತ:

ಟೀಮ್ ಇಂಡಿಯಾ ಆರಂಭದಲ್ಲೇ ಆಘಾತ ಅನುಭವಿಸಿತು. ನಿಧಾನವಾಗಿ ಆರಂಭ ಪಡೆದ ಟೀಮ್ ಇಂಡಿಯಾ ಕಿರಿಯರು ಏಳನೇ ಓವರ್‌ನಲ್ಲಿ 9 ರನ್‌ಗೆ ಮೊದಲ ವಿಕೆಟ್ ಕಳೆದುಕೊಂಡಿತು. ಈ ಮೂಲಕ ಮತ್ತಷ್ಟು ಒತ್ತಡವನ್ನು ಹೇರಿಕೊಂಡಿತು.

ಎರಡನೇ ವಿಕೆಟ್‌ಗೆ ಭರ್ಜರಿ ಜೊತೆಯಾಟ:

ಎರಡನೇ ವಿಕೆಟ್‌ಗೆ ಜೈಸ್ವಾಲ್‌ಗೆ ಜೊತೆಯಾದ ತಿಲಕ್ ವರ್ಮ ನಿಧಾನವಾಗಿ ಆಟವನ್ನು ಪ್ರದರ್ಶಿಸಿದರು. ಈ ಜೋಡಿ ತಂಡಕ್ಕೆ ಆಸರೆಯಾದರು. ಎರಡನೇ ವಿಕೆಟ್‌ಗೆ 94ರನ್‌ಗಳ ಜೊತೆಯಾವನ್ನು ನೀಡಿತು ಈ ಜೋಡಿ. ಬಳಿಕ ತಿಲಕ್ ವರ್ಮಾ 38 ರನ್‌ಗೆ ವಿಕೆಟ್ ಒಪ್ಪಿಸಿದರು.

ಮತ್ತೊಂದು ಅರ್ಧ ಶತಕ ಸಿಡಿಸಿದ ಜೈಸ್ವಾಲ್:

ಟೀಮ್ ಇಂಡಿಯಾ ಅಂಡರ್ 19 ತಂಡದ ಆಟಗಾರ ಯಶಸ್ವಿ ಜೈಸ್ವಾಲ್ ಮತ್ತೊಂದು ಅರ್ಧ ಶತಕವನ್ನು ಸಿಡಿಸಿ ಮಿಂಚಿದ್ದಾರೆ. ಇದು ಜೈಸ್ವಾಲ್ ಈ ಟೂರ್ನಿಯಲ್ಲಿ ಸಿಡಿಸಿದ 5ನೇ 50+ ರನ್ ಆಗಿದೆ. ಇಂದು 88 ರನ್‌ಗಳಿಸಿದ ಜೈಸ್ವಾಲ್ ಶತಕದ ಗಡಿ ತಲುಪಲು ವಿಫಲರಾದರು. ಆದರೆ ಇದಕ್ಕಾಗಿ 121 ಎಸೆತಗಳನ್ನು ಎದುರಿಸಿದ್ದಾರೆ.

ಭರ್ಜರಿ ಬೌಲಿಂಗ್ ದಾಳಿ ನಡೆಸಿದ ಬಾಂಗ್ಲಾ:

ಬಾಂಗ್ಲಾದೇಶ ಬೌಲರ್‌ಗಳು ಇಂದಿನ ಪಂದ್ಯದಲ್ಲಿ ಭರ್ಜರಿ ಬೌಲಿಂಗ್ ದಾಳಿಯನ್ನು ನಡೆಸಿದ್ದಾರೆ. ಅವಿಶೇಕ್ ದಾಸ್ ಮೂರು ವಿಕೆಟ್ ಕಿತ್ತರೆ, ಶೋರಿಫುಲ್ ಇಸ್ಲಾಮ್ ಮತ್ತು ತನ್ಜಿಮ್ ಹಸನ್ ಶಕಿಬ್ ತಲಾ ಎರಡು ವಿಕೆಟ್ ಪಡೆದರು. ಮತ್ತೊಂದು ವಿಕೆಟ್ ರಕಿಬುಲ್ ಹಸನ್ ಪಾಲಾಗಿದೆ.