ಅಶ್ವಿನ್, ಹೆರಾತ್ ಸಾಧನೆ
ಭಾರತದ ರವಿಚಂದ್ರನ್ ಅಶ್ವಿನ್ ಹಾಗೂ ಶ್ರೀಲಂಕಾದ ರಂಗಣ ಹೆರಾತ್ ಅವರು 2015ರ ನಂತರ ಕ್ರಮವಾಗಿ 178 ಹಾಗೂ 145 ವಿಕೆಟ್ ಗಳಿಸಿದ್ದು, ಉಳಿದವರಿಗೆ ಹೋಲಿಸಿದರೆ ಅತಿ ಹೆಚ್ಚು ವಿಕೆಟ್ ಗಳಿಸಿದ ಬೌಲರ್ ಗಳಾಗಿದ್ದಾರೆ.
ಪೆರೆರಾಗೆ 100 ವಿಕೆಟ್ ಗುರಿ
ಶ್ರೀಲಂಕಾದ ದಿಲ್ರುವನ್ ಪೆರೆರಾಗೆ ಟೆಸ್ಟ್ ಕ್ರಿಕೆಟ್ ನಲ್ಲಿ 100 ವಿಕೆಟ್ ಗಳಿಸಲು ಇನ್ನೂ 7 ವಿಕೆಟ್ ಮಾತ್ರ ಬೇಕಿದೆ. ಈ ಮೈಲಿಗಲ್ಲು ದಾಟಿದರೆ, ಈ ಸಾಧನೆ ಮಾಡಿದ ಶ್ರೀಲಂಕಾದ ಮೂರನೇ ಬೌಲರ್(ಮುರಳಿಧರನ್ ಹಾಗೂ ಹೆರಾತ್ ಇನ್ನಿಬ್ಬರು) ಎನಿಸಲಿದ್ದಾರೆ. 22 ಟೆಸ್ಟ್ ಪಂದ್ಯಗಳಲ್ಲೇ ಈ ಸಾಧನೆ ಮಾಡುವ ತವಕದಲ್ಲಿದ್ದಾರೆ.
ಈಡನ್ ಗಾರ್ಡನ್ಸ್ ಮೈದಾನದ ಹೆಗ್ಗುರುತು
ಕೋಲ್ಕತಾದ ಈಡನ್ ಗಾರ್ಡನ್ಸ್ ಮೈದಾನದಲ್ಲಿ ಭಾರತ 40 ಪಂದ್ಯಗಳನ್ನಾಡಿದೆ. ಆದರೆ,ಶೇ30ರಷ್ಟು ಮಾತ್ರ ಗೆಲುವು ಕಂಡಿದೆ. 12 ಗೆಲುವು, 19 ಡ್ರಾ, 9 ಸೋಲು ಕಂಡಿದೆ. ಮುಂಬೈನ ಬ್ರಬೋರ್ನ್ಸ್ ಮೈದಾನದಲ್ಲಿ ಶೇ28ರಷ್ಟು ಗೆಲುವು ಕಂಡಿದೆ.
ಲಂಕಾಕ್ಕೆ ಭಾರತದಲ್ಲಿ ಗೆಲುವಿನ ಗುರಿ
ಇಲ್ಲಿ ಭಾರತ ವಿರುದ್ಧ ಟೆಸ್ಟ್ ಪಂದ್ಯ ಗೆಲ್ಲುವ ಶ್ರೀಲಂಕಾದ ಕನಸು ಇನ್ನೂ ನನಸಾಗಿಲ್ಲ. 10 ಪಂದ್ಯಗಳಲ್ಲಿ ಸೋಲು, 7ರಲ್ಲಿ ಡ್ರಾ ಸಾಧಿಸಿದೆ. ಕಳೆದ ಎರಡು ಪಂದ್ಯಗಳಲ್ಲಿ ಇನ್ನಿಂಗ್ಸ್ ಅಂತರದ ಸೋಲು ಕಂಡಿದೆ.
ಭಾರತ ಇನ್ನೂ ಒಂದು ಪಂದ್ಯ ಸೋತಿಲ್ಲ
ಉಭಯ ದೇಶಗಳ ಸರಣಿಯಲ್ಲಿ ಭಾರತ ಇದುವರೆವಿಗೂ ಒಂದು ಟೆಸ್ಟ್ ಪಂದ್ಯ ಸೋತಿಲ್ಲ. 2ಕ್ಕೂ ಅಧಿಕ ಪಂದ್ಯಗಳ ಸರಣಿಯಲ್ಲಿ ಭಾರತ ನಾಲ್ಕು ಬಾರಿ ಜಯಶಾಲಿಯಾಗಿದೆ.