IND vs NZ: ಫಾರ್ಮ್ ಬಗ್ಗೆ ಪ್ರಶ್ನೆ ಕೇಳಿದ್ದಕ್ಕೆ ಉರಿದು ಬಿದ್ದ ರಿಷಬ್ ಪಂತ್!

ಉತ್ತಮವಾಗಿ ಆಡಲು ಯತ್ನಿಸುತ್ತೇನೆ

ಬ್ಯಾಟಿಂಗ್ ಮಾಡುವಾಗ ಆಟದ ಯೋಜನೆ ಬದಲಾಗುತ್ತದೆ. ವಿಭಿನ್ನ ಕ್ರಮಾಂಕಗಳಲ್ಲಿ ಆಡಬೇಕಾಗುತ್ತದೆ. ತಂಡದ ಕೋಚ್ ಮತ್ತು ನಾಯಕ ತಂಡಕ್ಕೆ ಯಾವುದು ಉತ್ತಮ, ಯಾರು ಯಾವ ಕ್ರಮಾಂಕದಲ್ಲಿ ಬ್ಯಾಟಿಂಗ್ ಮಾಡಬೇಕು ಎಂದು ನಿರ್ಧರಿಸುತ್ತಾರೆ. ನನಗೆ ಯಾವ ಕ್ರಮಾಂಕದಲ್ಲಿ ಆಡುವ ಅವಕಾಶ ಸಿಕ್ಕರೂ, ಉತ್ತಮವಾಗಿ ಆಡಲು ನಾನು ನನ್ನ ಕೈಲಾದಷ್ಟು ಪ್ರಯತ್ನ ಪಡುತ್ತೇನೆ ಎಂದು ಹೇಳಿದರು.

ಹರ್ಷ ಭೋಗ್ಲೆ, ಟಿ20 ಮತ್ತು ಏಕದಿನ ಮಾದರಿಗೆ ಹೋಲಿಸಿದಾಗ ಉತ್ತಮವಾದ ಟೆಸ್ಟ್ ದಾಖಲೆಯನ್ನು ಹೊಂದಿರುವ ಬಗ್ಗೆ ಕೇಳಿದಾಗ ರಿಷಬ್ ಪಂತ್ ಬೇಸರದಲ್ಲಿ ಉತ್ತರ ನೀಡಿದರು. "ದಾಖಲೆ ಕೇವಲ ಒಂದು ಸಂಖ್ಯೆ, ಸೀಮಿತ ಓವರ್ ಗಳಲ್ಲಿ ನನ್ನ ದಾಖಲೆ ಉತ್ತಮವಾಗಿಲ್ಲವಾದರೂ, ಕೆಟ್ಟದಾಗಿ ಇಲ್ಲ" ಎಂದು ಹೇಳಿದರು.

ನನಗಿನ್ನೂ 24 ವರ್ಷ ಎಂದ ಪಂತ್

ಇದಕ್ಕೆ ಪ್ರತಿಯಾಗಿ ಹರ್ಷಾ ಭೋಗ್ಲೆ ನಿಮ್ಮ ಸೀಮಿತ ಓವರ್ ಗಳ ದಾಖಲೆ ಕೆಟ್ಟದಾಗಿ ಇದೆ ಎಂದು ಹೇಳುತ್ತಿಲ್ಲ ಎಂದು ಉತ್ತರ ನೀಡಿದಾಗ ಪಂತ್ ಪ್ರತಿಕ್ರಿಯೆ ನೀಡಿ, "ಇದೀಗ ಹೋಲಿಕೆ ಮಾಡುವುದರಲ್ಲಿ ಅರ್ಥವಿಲ್ಲ. ನನಗಿನ್ನೂ 24-25 ವರ್ಷ. ನೀವು ಹೋಲಿಕೆ ಮಾಡಬೇಕೆಂದರೆ ನಾನು 30-32 ವರ್ಷದವನಾದಾಗ ಮಾಡಬಹುದು. ಅದಕ್ಕೂ ಮೊದಲು ಹೋಲಿಕೆ ಮಾಡಿದರೆ ಅರ್ಥ ಇರುವುದಿಲ್ಲ" ಎಂದು ಹೇಳಿದರು.

ಪಂತ್ ಉತ್ತರ ನೀಡಿದ ಬಗ್ಗೆ ನೆಟ್ಟಿಗರು ತೀವ್ರ ಟೀಕೆ ಮಾಡುತ್ತಿದ್ದಾರೆ. ಹಿರಿಯರಾದ ಹರ್ಷಾ ಭೋಗ್ಲೆಯವರಿಗೆ ಈ ರೀತಿ ಉತ್ತರ ಕೊಡುವುದು ಸರಿಯಲ್ಲಿ ಎಂದು ಹೇಳಿದ್ದಾರೆ.

ಪಂತ್‌ಗೆ ಇನ್ನೆಷ್ಟು ಅವಕಾಶ ನೀಡುತ್ತೀರಿ?

ಮೂರನೇ ಏಕದಿನ ಪಂದ್ಯದಲ್ಲಿ ರಿಷಬ್ ಪಂತ್ ರನ್ ಗಳಿಸಲು ವಿಫಲವಾಗುತ್ತಿದ್ದಂತೆ ಟ್ವಿಟರ್ ನಲ್ಲಿ ನೆಟ್ಟಿಗರು ಟೀಕೆ ಮಾಡಲು ಆರಂಭಿಸಿದರು. ಪಂತ್‌ಗೆ ತಂಡದ ಮ್ಯಾನೇಜ್‌ಮೆಂಟ್ ಇನ್ನೆಷ್ಟು ಅವಕಾಶ ನೀಡುತ್ತದೆ ಎಂದು ಪ್ರಶ್ನೆ ಮಾಡಿದ್ದಾರೆ.

ರಿಷಬ್ ಪಂತ್ ನ್ಯೂಜಿಲೆಂಡ್ ವಿರುದ್ಧದ ಟಿ20 ಮತ್ತು ಏಕದಿನ ಸರಣಿಯ ಆರು ಪಂದ್ಯಗಳಲ್ಲಿ ಆಡುವ ಅವಕಾಶ ಪಡೆದಿದ್ದರೆ, ಸಂಜು ಸ್ಯಾಮ್ಸನ್ ಮಾತ್ರ ಕೇವಲ ಒಂದು ಪಂದ್ಯದಲ್ಲಿ ಆಡಲು ಅವಕಾಶ ಪಡೆದರು.