ರಿಜ್ವಾನ್, ಬಾಬರ್ ಮೇಲೆ ಒತ್ತಡ
ಉಪನಾಯಕ, ಆರಂಭಿಕ ಆಟಗಾರ ಶಾನ್ ಮಸೂದ್ರನ್ನು ಆಡುವ ಬಳದಿಂದ ಹೊರಗಿಟ್ಟಾಗ, ಆರಂಭಿಕರನ್ನು ಒತ್ತಡಕ್ಕೆ ಒಳಪಡಿಸುತ್ತದೆ. ಮೊಹಮ್ಮದ್ ರಿಜ್ವಾನ್ ಕೂಡ ಒತ್ತಡಕ್ಕೆ ಸಿಲುಕಿದ್ದಾರೆ. ಪ್ರತಿಬಾರಿಯೂ ಅವರು ತಮ್ಮ ಸಾಮರ್ಥ್ಯವನ್ನು ಸಾಬೀತುಪಡಿಸಬೇಕಾದ ಒತ್ತಡದಲ್ಲಿದ್ದಾರೆ ಎಂದು ರಮೀಝ್ ರಾಜಾ ಹೇಳಿದರು.
ಬಾಬರ್ ಅಜಮ್ ಕೂಡ ಪ್ರತಿ ಬಾರಿ ರನ್ ಗಳಿಸಬೇಕಾದ ಒತ್ತಡದಲ್ಲಿದ್ದಾರೆ. ಅವರು ಸೀಮಿತ ಓವರ್ ಮಾದರಿಲ್ಲಿ ಉತ್ತಮ ಪ್ರದರ್ಶನ ನೀಡುತ್ತಿದ್ದಾರೆ. ಆದರೆ, ಕೆಲವು ಆಟಗಾರರಿಗೆ ವಿಶ್ರಾಂತಿಯ ಅಗತ್ಯವಿದೆ ಎಂದು ರಾಜಾ ಹೇಳಿದ್ದಾರೆ.
ಪಾಕಿಸ್ತಾನ vs ನ್ಯೂಜಿಲೆಂಡ್: 2ನೇ ಪಂದ್ಯ ಸೋತ ಪಾಕ್ ಪಡೆಗೆ ಚಾಟಿ ಬೀಸಿದ ಶೋಯೆಬ್ ಅಖ್ತರ್
ನಿರ್ಣಾಯಕ ಪಂದ್ಯದಲ್ಲಿ ಅವಕಾಶ?
ಪಾಕಿಸ್ತಾನ ನ್ಯೂಜಿಲೆಂಡ್ 3 ಪಂದ್ಯಗಳ ಏಕದಿನ ಸರಣಿ ಈಗ 1-1 ರಲ್ಲಿ ಸಮಬಲವಾಗಿದೆ. ಸರಣಿಯ ಮೊದಲನೇ ಪಂದ್ಯದಲ್ಲಿ ಪಾಕಿಸ್ತಾನ ಜಯ ಗಳಿಸಿದರೆ, ಎರಡನೇ ಪಂದ್ಯದಲ್ಲಿ ನ್ಯೂಜಿಲೆಂಡ್ ಭರ್ಜರಿ ಜಯ ದಾಖಲಿಸಿತ್ತು. ಮೂರನೇ ಪಂದ್ಯ ಸರಣಿಯ ನಿರ್ಣಾಯಕ ಆಗಿರುವುದರಿಂದ ಪಾಕಿಸ್ತಾನ ಪ್ಲೇಯಿಂಗ್ XI ನಲ್ಲಿ ಸ್ಥಾನ ಪಡೆಯುವ ಸಾಧ್ಯತೆ ಇದೆ.
ಆರಂಭಿಕ ಆಟಗಾರ ಇಮಾಮ್-ಉಲ್-ಹಕ್ ಮೊದಲ ಎರಡು ಪಂದ್ಯಗಳಲ್ಲಿ ರನ್ ಗಳಿಸುವಲ್ಲಿ ವಿಫಲರಾಗಿದ್ದಾರೆ. ಮೊದಲನೇ ಪಂದ್ಯದಲ್ಲಿ 11 ಮತ್ತು ಎರಡನೇ ಪಂದ್ಯದಲ್ಲಿ 6 ರನ್ ಗಳಿಸಿದ್ದಾರೆ. ಜನವರಿ 13ರಂದು ಶುಕ್ರವಾರ ಸರಣಿಯ ನಿರ್ಣಾಯಕ ಪಂದ್ಯದಲ್ಲಿ ಇಮಾಮ್-ಉಲ್-ಹಕ್ ತಂಡದಿಂದ ಹೊರಗುಳಿಯುವ ಸಾಧ್ಯತೆ ಇದೆ.
ಸ್ಪಿನ್ ದಾಳಿಯನ್ನು ಎದುರಿಸುತ್ತಿಲ್ಲ
ಎರಡನೇ ಏಕದಿನ ಪಂದ್ಯದಲ್ಲಿ ಪಾಕಿಸ್ತಾನ ನ್ಯೂಜಿಲೆಂಡ್ ಸ್ಪಿನ್ ದಾಳಿಗೆ ತತ್ತರಿಸಿತು. ನ್ಯೂಜಿಲೆಂಡ್ ಸ್ಪಿನ್ನರ್ ಗಳು 5 ವಿಕೆಟ್ ಪಡೆದು ಮಿಂಚಿದರು. ಇಶ್ ಸೋಧಿ ಎರಡು ವಿಕೆಟ್ ಪಡೆದರೆ, ಮಿಚೆಲ್ ಸ್ಯಾಂಟ್ನರ್, ಮೈಕಲ್ ಬ್ರೇಸ್ವೆಲ್ ಮತ್ತು ಗ್ಲೆನ್ ಫಿಲಿಪ್ಸ್ ತಲಾ ಒಂದು ವಿಕೆಟ್ ಪಡೆದರು.
ಸ್ಪಿನ್ನರ್ ಗಳ ವಿರುದ್ಧ ಪಾಕಿಸ್ತಾನ ಬ್ಯಾಟರ್ ಗಳು ಪರದಾಡುತ್ತಿರುವ ಬಗ್ಗೆ ರಮೀಝ್ ರಾಜಾ ಮಾತನಾಡಿದರು. "ಸ್ಪಿನ್ ವಿರುದ್ಧ ಸಮರ್ಥವಾಗಿ ಆಡಲಿಲ್ಲ, ಯಾವುದೇ ದೊಡ್ಡ ಜೊತೆಯಾಟ ಬರಲಿಲ್ಲ. ಬಾಬರ್ ಅಜಮ್ ಉತ್ತಮವಾಗಿ ಬ್ಯಾಟಿಂಗ್ ಮಾಡಿದರು. ಸುಲಭವಾಗಿ ಬೌಂಡರಿ ಗಳಿಸುವ ಪಿಚ್ ಆಗಿರಲಿಲ್ಲ, ಸತತವಾಗಿ ವಿಕೆಟ್ ಬೀಳುತ್ತಿದ್ದವು" ಎಂದು ಹೇಳಿದ್ದರು.