ಬ್ರಿಸ್ಬೇನ್ ಹೀಟ್-ಹೊಬರ್ಟ್ ಹರಿಕೇನ್ಸ್
ಬ್ರಿಸ್ಬೇನ್ ಗಬ್ಬಾದಲ್ಲಿ ಬಿಬಿಎಲ್ 29ನೇ ಪಂದ್ಯಕ್ಕಾಗಿ ಬ್ರಿಸ್ಬೇನ್ ಹೀಟ್ ಮತ್ತು ಹೊಬರ್ಟ್ ಹರಿಕೇನ್ಸ್ ಮುಖಾಮುಖಿಯಾಗಿದ್ದವು. ಈ ವೇಳೆ ಹೊಬರ್ಟ್ ಹರಿಕೇನ್ಸ್ ಇನ್ನಿಂಗ್ಸ್ನಲ್ಲಿ ಆರಂಭಿಕ ಬ್ಯಾಟ್ಸ್ಮನ್, ನಾಯಕ ಮ್ಯಾಥ್ಯೂ ವೇಡ್, 14.5ನೇ ಓವರ್ನಲ್ಲಿ ಎದುರಾಳಿ ಬೌಲರ್ ಬೆನ್ ಕಟ್ಟಿಂಗ್ ಎಸೆವನ್ನು ಬೌಂಡರಿ ಲೈನ್ನತ್ತ ಅಟ್ಟಿದರು.
ಸರ್ಕಸ್ಸಿನ ಬಳಿಕ ಕ್ಯಾಚ್ ಯಶಸ್ವಿ
ಬೌಂಡರಿ ಲೈನ್ನಲ್ಲಿದ್ದ ಬ್ರಿಸ್ಬೇನ್ ಫೀಲ್ಡರ್ ಮ್ಯಾಟ್ ರೆನ್ಶಾ ಸಿಕ್ಸ್ ಎನಿಸುವುದರಲ್ಲಿದ್ದ ಚೆಂಡನ್ನು ಹಿಡಿದರು. ಆದರೆ ತಾನು ಬ್ಯಾಲನ್ಸ್ ತಪ್ಪಿ ಸಿಕ್ಸ್ ಲೈನ್ ದಾಟಲಿರುವುದನ್ನು ಅರಿತ ಮ್ಯಾಟ್ ಚೆಂಡನ್ನು ಚಿಮ್ಮಿ ಬೌಂಡರಿ ಲೈನ್ ಪ್ರವೇಶಿಸಿದರು. ಮತ್ತೆ ಅಲ್ಲಿಂದ ಜಿಗಿದು ಚೆಂಡನ್ನು ತಂಡದ ಸಹ ಆಟಗಾರ ಟಾಮ್ ಬ್ಯಾಂಟನ್ ಅವರತ್ತ ಮುಟ್ಟಿಸಿದರು. ಬ್ಯಾಂಟನ್ ಚೆಂಡನ್ನು ಯಶಸ್ವಿಯಾಗಿ ಕ್ಯಾಚ್ ಮಾಡಿದರು.
ಮ್ಯಾಥ್ಯೂ ವೇಡ್ ಬಲಿಪಶು
ಮ್ಯಾಟ್ ಅವರ ಈ ಶ್ರಮದಿಂದ ಬ್ಯಾಟ್ಸ್ಮನ್ ಮ್ಯಾಥ್ಯೂ ವೇಡ್ 61 ರನ್ಗೆ ನಿರ್ಗಮಿಸಬೇಕಾಯ್ತು. ಇಲ್ಲಿನ ರಿಲೇ ಕ್ಯಾಚ್ ಮತ್ತು ವೇಡ್ ಔಟ್ ತೀರ್ಪು ಚರ್ಚೆಗೀಡುಮಾಡಿದೆ. ಮ್ಯಾಟ್ ರೆನ್ಶಾ ಚೆಂಡನ್ನು ಬ್ಯಾಂಟನ್ಗೆ ದಾಟಿಸುವಾಗ ಗಾಳಿಯಲ್ಲಿದ್ದಿದ್ದು ನಿಜ, ಆದರೂ ಈ ಔಟ್ ತೀರ್ಪು ಗೊಂದಲ ಮೂಡಿಸುವಂತಿದೆ.
|
ಪಂದ್ಯ ಕಳೆದುಕೊಂಡ ಹರಿಕೇನ್ಸ್
ಟಾಸ್ ಗೆದ್ದು ಬ್ಯಾಟಿಂಗ್ಗೆ ಇಳಿದ ಹೊಬರ್ಟ್ ಹರಿಕೇನ್ಸ್ ತಂಡ, 20 ಓವರ್ಗೆ 9 ವಿಕೆಟ್ ಕಳೆದು 129 ರನ್ ಗಳಿಸಿತ್ತು. ಚೇಸಿಂಗ್ಗೆ ಇಳಿದ ಬ್ರಿಸ್ಬೇನ್ ಹೀಟ್ ತಂಡ ಬೆನ್ ಕಟ್ಟಿಂಗ್ (43 ರನ್) ನೆರವಿನೊಂದಿಗೆ 18.2ನೇ ಓವರ್ಗೆ 5 ವಿಕೆಟ್ ನಷ್ಟದಲ್ಲಿ 131 ರನ್ ಪೇರಿಸಿ ಗೆಲುವನ್ನಾಚರಿಸಿತು. ಒಟ್ಟಿನಲ್ಲಿ ವೀಡಿಯೋ ವೀಕ್ಷಿಸಿ ನೀವೇ ನಿರ್ಧರಿಸಿ; ಇದು ಔಟಾ? ಇಲ್ಲ ನಾಟೌಟಾ?