ಸೆಮಿಫೈನಲ್‌ನಲ್ಲಿ ರೋಹಿತ್ ಶರ್ಮಾ ಈ ಎರಡು ಕೆಲಸ ಮಾಡಿದರೆ ಗೆಲುವು ನಮ್ಮದೇ ಎಂದ ಇರ್ಫಾನ್ ಪಠಾಣ್

ಚಹಾಲ್ ಇಂಗ್ಲೆಂಡ್ ವಿರುದ್ಧ ಕಣಕ್ಕಿಳಿಯಬೇಕು

ಇಂಗ್ಲೆಂಡ್ ವಿರುದ್ಧದ ಸೆಮಿಫೈನಲ್‌ನಲ್ಲಿ ಚಹಾಲ್‌ರನ್ನು ತಂಡಕ್ಕೆ ಕರೆತರುವುದು ಬಹಳ ಮುಖ್ಯ ಎಂದು ಪಠಾಣ್ ಅಭಿಪ್ರಾಯಪಟ್ಟಿದ್ದಾರೆ. ಅವರನ್ನು ಆಡುವ ಬಳಗದಲ್ಲಿ ಸೇರಿಸಿಕೊಂಡರೆ ತಂಡ ಇನ್ನಷ್ಟು ಬಲಿಷ್ಠವಾಗುತ್ತದೆ ಎಂದು ಹೇಳಿದ್ದಾರೆ.

ಆದರೆ, ಅಗ್ರ ಕ್ರಮಾಂಕದಲ್ಲಿ ರೋಹಿತ್ ಶರ್ಮಾ ರನ್ ಗಳಿಸಬೇಕಿದೆ. ಈ ಮೊದಲು ಅವರು ಪ್ರಮುಖ ಪಂದ್ಯಗಳಲ್ಲಿ ಉತ್ತಮವಾಗಿ ಆಡಿರುವ ಇತಿಹಾಸ ಹೊಂದಿದ್ದಾರೆ. ಅದೇ ರೀತಿ ಸೆಮಿಫೈನಲ್‌ನಲ್ಲಿ ಸಿಡಿಯಬೇಕು ಎಂದು ಹೇಳಿದ್ದಾರೆ.

ಚಾಹಲ್ ಟೂರ್ನಿಯಲ್ಲಿ ಇನ್ನೂ ಒಂದು ಪಂದ್ಯವನ್ನು ಆಡಿಲ್ಲ. ಭಾರತೀಯ ಕ್ರಿಕೆಟ್ ಮ್ಯಾನೇಜ್‌ಮೆಂಟ್‌ ಬ್ಯಾಟಿಂಗ್‌ ಸಾಮರ್ಥ್ಯವನ್ನು ಪರಿಗಣಿಸಿ ಅಕ್ಷರ್ ಪಟೇಲ್ ಮತ್ತು ರವಿಚಂದ್ರನ್ ಅಶ್ವಿನ್ ಅವರಿಗೆ ಆದ್ಯತೆ ನೀಡಿದೆ.

Ind vs Eng: ಪ್ರಮುಖ ಬೌಲರ್ ಬದಲಿಗೆ ಈತನಿಗೆ ಅವಕಾಶ ನೀಡಲು ಮುಂದಾದ ಇಂಗ್ಲೆಂಡ್

ಸ್ಫೋಟಕ ಇನ್ನಿಂಗ್ಸ್ ಆಡಬೇಕು

ರೋಹಿತ್ ಶರ್ಮಾ ಆರಂಭದಲ್ಲಿ ಕೆಲಹೊತ್ತು ಕ್ರೀಸ್‌ನಲ್ಲಿ ಕಾಲ ಕಳೆದರೆ ನಂತರ ಅವರು ಎದುರಾಳಿ ಬೌಲಿಂಗ್‌ ಅನ್ನು ಧ್ವಂಸಗೊಳಿಸುವ ಸಾಮರ್ಥ್ಯ ಹೊಂದಿದ್ದಾರೆ ಎಂದು ಇರ್ಫಾನ್ ಪಠಾಣ್ ಹೇಳಿದ್ದಾರೆ.

ಅವರು ಖಂಡಿತವಾಗಿಯೂ ಒಂದೆರಡು ಓವರ್ ಎಚ್ಚರಿಕೆಯಿಂದ ಆಡಬೇಕು. ಅವರು ಸ್ವತಃ ಸಮಯ ನೀಡಿದರೆ ಮತ್ತು ರೋಹಿತ್ ಅವರ ಫಾರ್ಮ್‌ಗೆ ಮರಳಿದರೆ ಉತ್ತಮ ಆರಂಭವನ್ನು ಪಡೆಯುತ್ತೇವೆ, ಇದು ಭಾರತಕ್ಕೆ ತುಂಬಾ ಒಳ್ಳೆಯದು ಏಕೆಂದರೆ ನಾವು ಮಧ್ಯಮ ಕ್ರಮಾಂಕದಲ್ಲಿ ಶಕ್ತಿಶಾಲಿಯಾಗಿದ್ದೇವೆ, ಹಾರ್ದಿಕ್ ಪಾಂಡ್ಯ, ಸೂರ್ಯಕುಮಾರ್ ಯಾದವ್ ಮತ್ತು ರಿಷಬ್ ಪಂತ್‌ರಂತಹ ಸ್ಫೋಟಕ ಆಟಗಾರರಿದ್ದಾರೆ ಎಂದು ಹೇಳಿದರು.

ಕ್ರಿಸ್ ವೋಕ್ಸ್ ವಿರುದ್ಧ ಎಚ್ಚರಿಕೆಯಿಂದ ಇರಬೇಕು

ಇಂಗ್ಲೆಂಡ್‌ನ ಕ್ರಿಸ್ ವೋಕ್ಸ್ ದೊಡ್ಡ ರೋಹಿತ್ ಶರ್ಮಾಗೆ ಅಪಾಯ ಎಂದು ನಾನು ಭಾವಿಸುತ್ತೇನೆ. ಅವರ ವಿರುದ್ಧ ರೋಹಿತ್ ಉತ್ತಮವಾಗಿ ಆಡಿದರೆ, ಉಳಿದ ಬೌಲರ್ ಗಳನ್ನು ಅನಾಯಾಸವಾಗಿ ಎದುರಿಸುತ್ತಾರೆ ಎಂದು ಇರ್ಫಾನ್ ಹೇಳಿದ್ದಾರೆ.

ರೋಹಿತ್ ಇದುವರೆಗಿನ ಪಂದ್ಯಾವಳಿಯಲ್ಲಿ ಐದು ಇನ್ನಿಂಗ್ಸ್‌ಗಳಲ್ಲಿ 109.87 ಸ್ಟ್ರೈಕ್ ರೇಟ್‌ನಲ್ಲಿ 89 ರನ್ ಗಳಿಸಿದ್ದಾರೆ. ಇಂಗ್ಲೆಂಡ್ ಪಂದ್ಯದ ಮುನ್ನ ತರಬೇತಿ ಸಮಯದಲ್ಲಿ ಅವರು ತಮ್ಮ ಮುಂಗೈಗೆ ಹೊಡೆತವನ್ನು ಅನುಭವಿಸಿದರು ಆದರೆ ಗಾಯದಿಂದ ಚೇತರಿಸಿಕೊಂಡಿದ್ದು ಇಂಗ್ಲೆಂಡ್ ವಿರುದ್ಧ ಆಡಲಿದ್ದಾರೆ.