ಅಂಡರ್-19 ವಿಶ್ವಕಪ್‌: ಚರಿತ್ರೆ ಬರೆಯಲು ಸಿದ್ಧರಾಗಿದ್ದಾರೆ ಟೀಮ್ ಇಂಡಿಯಾ ಕಿರಿಯರು

ಪಾಕಿಸ್ತಾನ ಮಣಿಸಿ ಫೈನಲ್‌ಗೇರಿದ ಬಾರತ:

ಅಂಡರ್19 ವಿಶ್ವಕಪ್‌ ಕ್ರಿಕೆಟ್‌ನ ಸೆಮಿ ಫೈನಲ್ ಪಂದ್ಯದಲ್ಲಿ ಟೀಮ್ ಇಂಡಿಯಾ ಕಿರಿಯರು ಸಾಂಪ್ರದಾಯಿಕ ಎದುರಾಳಿ ಪಾಕಿಸ್ತಾನ ತಂಡವನ್ನು ಎದುರಿಸಿತು. ಈ ಪಂದ್ಯದಲ್ಲಿ ಟೀಮ್ ಇಂಡಿಯಾ ಒಂದೂ ವಿಕೆಟ್ ಕಳೆದುಕೊಳ್ಳದೆ ಪಾಕಿಸ್ತಾನ ತಂಡವನ್ನು ಮಣಿಸಿತು.

ಒಂದೂ ಪಂದ್ಯ ಸೋಲದೆ ಫೈನಲ್‌ಗೆ ಲಗ್ಗೆ:

ಟೀಮ್ ಇಂಡಿಯಾ ಕಿರಿಯರು ಆಡಿದ ಎಲ್ಲಾ ಪಂದ್ಯಗಳಲ್ಲೂ ಗೆಲುವನ್ನು ಸಾಧಿಸಿದ್ದಾರೆ. ಈ ಮೂಲಕ ಅಜೇಯವಾಗಿಯೇ ಫೈನಲ್ ಪ್ರವೇಶವನ್ನು ಮಾಡಿದ ತಂಡವಾಗಿದೆ ಟೀಮ್ ಇಂಡಿಯಾ. ಇಂದಿನ ಫೈನಲ್ ಪಂದ್ಯವನ್ನು ಗೆಲ್ಲಲು ಸಿದ್ಧವಾಗಿದೆ.

ನ್ಯೂಜಿಲೆಂಡ್ ಮಣಿಸಿದ ಬಾಂಗ್ಲಾ:

ಸೆಮಿಫೈನಲ್‌ನಲ್ಲಿ ಬಾಂಗ್ಲಾದೇಶ ತಂಡ ನ್ಯೂಜಿಲೆಂಡ್ ತಂಡ ಎದುರಾಳಿಯಾಗಿತ್ತು. ಈ ಪಂದ್ಯದಲ್ಲಿ ನ್ಯೂಜಿಲೆಂಡ್ ತಂಡವನ್ನು ಬಾಂಗ್ಲಾದೇಶ ಕಿರಿಯರು ಆರು ವಿಕೆಟ್‌ಗಳಿಂದ ಮಣಿಸುವಲ್ಲಿ ಯಶಸ್ವಿಯಾಗಿದ್ದರು. ಈ ಮೂಲಕ ಅಂಡರ್‌ 19 ವಿಸ್ವಕಪ್‌ನಲ್ಲಿ ಚಿಚ್ಚಕ ಬಾರಿಗೆ ಫೈನಲ್ ಪ್ರವೇಶ ಪಡೆದುಕೊಂಡಿತು.

ದಾಖಲೆಯ ಬಾರಿಗೆ ಫೈನಲ್:

ಟೀಮ್ ಇಂಡಿಯಾ ಕಿರಿಯರ ತಂಡ ಈ ಬಾರಿ ಫೈನಲ್ ಪ್ರವೇಶವನ್ನು ಮಾಡಿರುವುದು 7ನೇ ಬಾರಿ. ಇದು ಯಾವ ತಂಡವೂ ಮಾಡಲಾಗದ ಸಾಧನೆಯಾಗಿದೆ. ಈವರೆಗೆ ನಾಲ್ಕು ಬಾರಿ ವಿಶ್ವಕಪ್‌ ಮುಡಿಗೇರಿಸಿರುವ ಟೀಮ್ ಇಂಡಿಯಾ 5ನೇ ಬಾರಿಗೆ ಚಾಂಪಿಯನ್ ಆಗಲು ವೇದಿಕೆ ಸಿದ್ಧವಾಗಿದೆ.