ಹೋಗಿ ಬನ್ನಿ ಕ್ಯಾಪ್ಟನ್, ನಿಮಗಿದೋ ವಿದಾಯ: ವಾಡೇಕರ್‌ಗೆ ಟ್ವಿಟ್ಟರ್ ನಮನ

ಕನ್ನಡ Edition

ತಾಜಾ ಸುದ್ದಿ ತಕ್ಷಣ ಪಡೆಯಿರಿ

Enable

Do you want to clear all the notifications from your inbox?

ಮುಂಬೈ, ಆಗಸ್ಟ್ 16: ಮುಂಬೈನ ಕಾಲೇಜೊಂದರ ವಿಜ್ಞಾನ ವಿದ್ಯಾರ್ಥಿಯೊಬ್ಬ ಒಮ್ಮೆ ಬಸ್‌ನಲ್ಲಿ ಕುಳಿತಿದ್ದಾಗ ಆತನ ಕಾಲೇಜಿನ ಹಳೆಯ ವಿದ್ಯಾರ್ಥಿಯ ಪರಿಚಯವಾಯಿತು. ಕ್ರಿಕೆಟ್ ಪಂದ್ಯವಾಡಲು ಹೊರಟಿದ್ದ ಸೀನಿಯರ್ ತಮ್ಮ ತಂಡಕ್ಕೆ ಸೇರಿಕೊಳ್ಳುತ್ತೀಯಾ ಎಂದು ಕೇಳಿದ.

ಆತ ಕೇಳಿದ್ದು ಆಡಲು ಅವಕಾಶ ನೀಡುವ ಉದ್ದೇಶದಿಂದ ಅಲ್ಲ. ಆತ ಬಂದರೆ 11 ಜನರಿರುವ ತಂಡಕ್ಕೆ 12ನೆಯ ಆಟಗಾರ ಸಿಗುತ್ತಾನೆ. ಅಲ್ಲಿನ ನಿಯಮದ ಪ್ರಕಾರ 12 ಮಂದಿಯಿದ್ದರೆ ಮಾತ್ರ ಪಂದ್ಯವೊಂದಕ್ಕೆ ನೀಡಲಾಗುವ 3 ರೂ. ಭತ್ಯೆ ಸಿಗುವುದು.

ಕ್ಯಾನ್ಸರಿನಿಂದ ಬಳಲುತ್ತಿದ್ದ ಕ್ರಿಕೆಟ್ ದಿಗ್ಗಜ ಅಜಿತ್ ಇನ್ನಿಲ್ಲ ಕ್ಯಾನ್ಸರಿನಿಂದ ಬಳಲುತ್ತಿದ್ದ ಕ್ರಿಕೆಟ್ ದಿಗ್ಗಜ ಅಜಿತ್ ಇನ್ನಿಲ್ಲ

ಅಷ್ಟಕ್ಕೇ ಖುಷಿಯಾದ ಆ ವಿದ್ಯಾರ್ಥಿ ಬೇರಾರೂ ಅಲ್ಲ, ಮುಂಬೈ ಸತತವಾಗಿ 15 ರಣಜಿ ಟ್ರೋಫಿ ಗೆದ್ದ ತಂಡದಲ್ಲಿ ಆಡಿದ ಆಟಗಾರ ಮತ್ತು ವಿದೇಶಿ ನೆಲದಲ್ಲಿ ಭಾರತಕ್ಕೆ ಮೊಟ್ಟ ಮೊದಲು ಸರಣಿ ಗೆಲುವು ತಂದುಕೊಟ್ಟ ನಾಯಕ ಅಜಿತ್ ವಾಡೇಕರ್.

ವಿದ್ಯಾರ್ಥಿ ವಾಡೇಕರ್‌ನನ್ನು ಕ್ರಿಕೆಟ್‌ಗೆ ಕರೆದುಕೊಂಡು ಹೋದವರು ಭಾರತದ ಖ್ಯಾತ ಸ್ಪಿನ್ನರ್ ಆದ ಬಾಲೂ ಗುಪ್ಟೆ. ಈ ಬಸ್ ಪ್ರಯಾಣ ಅಜಿತ್ ವಾಡೇಕರ್ ಎಂಬ ನಾಯಕನ ಸೃಷ್ಟಿಗೆ ಮಾತ್ರವಲ್ಲ, ಭಾರತ ಕ್ರಿಕೆಟ್‌ನ ಪುನರುತ್ಥಾನಕ್ಕೆ ಮುನ್ನುಡಿ ಬರೆಯಿತು.

ಭಾರತ ಕ್ರಿಕೆಟ್‌ ತಂಡಕ್ಕೆ ಹೊಸ ಜೀವ ನೀಡಿದ ನಾಯಕ ಎಂದೇ ಗುರುತಿಸಲಾಗುವ ಅಜಿತ್ ವಾಡೇಕರ್ ಅವರ ಸಾವಿಗೆ ಅನೇಕರು ಕಂಬನಿ ಮಿಡಿದಿದ್ದಾರೆ. ಟ್ವಿಟ್ಟರ್ ಲೋಕ ಹಂಚಿಕೊಂಡ ಕೆಲವು ಸಂತಾಪದ ನುಡಿಗಳು ಇಲ್ಲಿವೆ.

Ajit Wadekar will be remembered for his rich contribution to Indian cricket. A great batsman & wonderful captain, he led our team to some of the most memorable victories in our cricketing history. He was also respected as an effective cricket administrator. Pained by his demise.
— Narendra Modi (@narendramodi) 15 August 2018

ನರೇಂದ್ರ ಮೋದಿ

ಭಾರತೀಯ ಕ್ರಿಕೆಟ್‌ಗೆ ನೀಡಿದ ಮಹತ್ವದ ಕೊಡುಗೆಯಿಂದ ಅಜಿತ್ ವಾಡೇಜರ್ ಅವರನ್ನು ಸ್ಮರಿಸಲಾಗುತ್ತದೆ. ಮಹಾನ್ ಬ್ಯಾಟ್ಸ್‌ಮನ್ ಮತ್ತು ಅದ್ಭುತ ನಾಯಕ. ನಮ್ಮ ಕ್ರಿಕೆಟ್ ಇತಿಹಾಸದಲ್ಲಿ ನಮ್ಮ ತಂಡವನ್ನು ಅನೇಕ ಸ್ಮರಣೀಯ ವಿಜಯಗಳಲ್ಲಿ ಮುನ್ನಡೆಸಿದ್ದಾರೆ. ಅತ್ಯುತ್ತಮ ಕ್ರಿಕೆಟ್ ಆಡಳಿತಗಾರನಾಗಿಯೂ ಅವರು ಗೌರವಕ್ಕೆ ಪಾತ್ರರಾಗಿದ್ದರು. ಅವರ ಅಗಲುವಿಕೆಯಿಂದ ನೋವಾಗಿದೆ ಎಂದು ಪ್ರಧಾನಿ ನರೇಂದ್ರ ಮೋದಿ ಟ್ವೀಟ್ ಮಾಡಿದ್ದಾರೆ.

Deeply saddened by the passing away of #AjitWadekar He was more than a coach to the entire team - a father figure and a shrewd tactician. My heartfelt condolences to his family and loved ones. He will be missed. Thank you Sir for the confidence shown in my ability! 🙏
— Anil Kumble (@anilkumble1074) 16 August 2018

ಅನಿಲ್ ಕುಂಬ್ಳೆ

ಅಜಿತ್ ವಾಡೇಕರ್ ಅವರು ಜಾಣ್ಮೆಯ ತಂತ್ರಗಳ ಮೂಲಕ ಮತ್ತು ತಂದೆಯ ಸ್ಥಾನದಲ್ಲಿದ್ದು ಇಡೀ ತಂಡಕ್ಕೆ ಕೋಚ್‌ಗಿಂತಲೂ ಹೆಚ್ಚಿನದ್ದಾಗಿದ್ದರು. ಅವರ ಕುಟುಂಬ ಮತ್ತು ಪ್ರೀತಿಪಾತ್ರರಿಗೆ ನನ್ನ ಹೃದಯಪೂರ್ವಕ ಸಂತಾಪಗಳು. ಅವರನ್ನು ನಾವು ಮಿಸ್ ಮಾಡಿಕೊಳ್ಳಲಿದ್ದೇವೆ ಎಂದು ಮಾಜಿ ನಾಯಕ ಅನಿಲ್ ಕುಂಬ್ಳೆ ಹೇಳಿದ್ದಾರೆ.

So many memories of Ajit Wadekar. None more powerful than leading India to series wins in 1971 in England and the West Indies. Much admired, much loved. Page in Indian cricket and in our memories.
— Harsha Bhogle (@bhogleharsha) 15 August 2018

ಹರ್ಷ ಭೋಗ್ಲೆ

ಅಜಿತ್ ವಾಡೇಕರ್ ಅವರೊಂದಿಗೆ ಅನೇಕ ನೆನಪುಗಳಿವೆ. 1971ರಲ್ಲಿ ಇಂಗ್ಲೆಂಡ್ ಮತ್ತು ವೆಸ್ಟ್ ಇಂಡೀಸ್ ವಿರುದ್ಧ ಸರಣಿ ಗೆಲುವು ಸಾಧಿಸಿದ ಭಾರತ ತಂಡವನ್ನು ಮುನ್ನಡೆಸಿದ ನೆನಪಿಗಿಂತ ದೊಡ್ಡದು ಯಾವುದೂ ಅಲ್ಲ. ಭಾರತೀಯ ಕ್ರಿಕೆಟ್‌ನ ಪುಟದಲ್ಲಿ ಹಾಗೂ ನಮ್ಮ ಸ್ಮೃತಿಕೋಶದಲ್ಲಿ ಹೆಚ್ಚು ಮೆಚ್ಚಿಕೊಂಡ, ಹೆಚ್ಚು ಪ್ರೀತಿಸಲ್ಪಟ್ಟ ಆಟಗಾರ ಎಂದು ವೀಕ್ಷಕ ವಿವರಣೆಗಾರ ಹರ್ಷ ಭೋಗ್ಲೆ ಹೇಳಿದ್ದಾರೆ.

Much-loved former India captain Ajit Wadekar, who led India to their first overseas Test series victories, has passed away aged 77.

READ ⬇️https://t.co/2gfjCYnn9c pic.twitter.com/ogWsucUbU9
— ICC (@ICC) 15 August 2018

ಐಸಿಸಿ

ಭಾರತವನ್ನು ತನ್ನ ಮೊದಲ ವಿದೇಶಿ ಸರಣಿ ಗೆಲುವಿನಲ್ಲಿ ಮುನ್ನಡೆಸಿದ್ದ ಭಾರತದ ಪ್ರೀತಿ ಪಾತ್ರ ಕ್ಯಾಪ್ಟನ್ ಅಜಿತ್ ವಾಡೇಕರ್ ಇನ್ನಿಲ್ಲ ಎಂದು ಅಂತಾರಾಷ್ಟ್ರೀಯ ಕ್ರಿಕೆಟ್ ಸಂಸ್ಥೆ ಟ್ವೀಟ್ ಮಾಡಿದೆ.

Deeply saddened to hear about the demise of Ajit Wadekar Sir. He was someone who was instrumental in bringing out the best in us during the 90s. We’ll always be grateful for his advice and guidance. Praying for strength for his family during this difficult time. 🙏 RIP pic.twitter.com/coSyac73ot
— Sachin Tendulkar (@sachin_rt) 16 August 2018

ಸಚಿನ್ ತೆಂಡೂಲ್ಕರ್

90ರ ದಶಕದಲ್ಲಿ ನಮ್ಮಲ್ಲಿನ ಅತ್ಯುತ್ತಮವಾದುದ್ದನ್ನು ಹೊರತರುವಲ್ಲಿ ಅಹಿತ್ ವಾಡೇಕರ್ ಶ್ರಮಿಸಿದ್ದರು. ಅವರ ಸಲಹೆಗಳು ಮತ್ತು ಮಾರ್ಗದರ್ಶನಕ್ಕೆ ನಾವು ಯಾವಾಗಲೂ ಕೃತಜ್ಞರಾಗಿರುತ್ತೇವೆ ಎಂದು ಮಾಜಿ ಕ್ರಿಕೆಟಿಗ ಸಚಿನ್ ತೆಂಡೂಲ್ಕರ್ ಟ್ವೀಟ್ ಮಾಡಿದ್ದಾರೆ.

#AjitWadekar sir .. such an iconic person..deeply saddened by his demise!! Sir was a father figure for me.. May his soul rest in peace! My Heartfelt Condolences to the family..⁦⁦@BCCI⁩ pic.twitter.com/xLMb2i82B2
— Mohammed Azharuddin (@azharflicks) 15 August 2018

ಮಹಮ್ಮದ್ ಅಜರುದ್ದೀನ್

ಅಜಿತ್ ವಾಡೇಕರ್ ಒಬ್ಬ ಮಹಾನ್ ಆದರ್ಶ ವ್ಯಕ್ತಿ. ಅವರ ನಿಧನದಿಂದ ಅತೀವ ದುಃಖವಾಗಿದೆ. ಅವರು ನನಗೆ ತಂದೆ ಸ್ವರೂಪಿಯಾಗಿದ್ದರು. ಅವರ ಆತ್ಮಕ್ಕೆ ಶಾಂತಿ ಸಿಗಲಿ ಎಂದು ಮಾಜಿ ನಾಯಕ ಮಹಮ್ಮದ್ ಅಜರುದ್ದೀನ್ ಶೋಕ ವ್ಯಕ್ತಪಡಿಸಿದ್ದಾರೆ.

V sad news-Ajit Wadekar passing away-only Indn Capt to win 3 series in a row-2 away 1 at home-ALW was good contemporary-we had differences o opinion but always respected glory o Crkt-fine batsman & great close in catch-served Indn Crkt w/aplomb as player/Selectr/Coach-RIP Jeetu!
— Bishan Bedi (@BishanBedi) 15 August 2018

ಬಿಶನ್ ಸಿಂಗ್ ಬೇಡಿ

ಎರಡು ವಿದೇಶಿ ಮತ್ತು ಒಂದು ತವರಿನ ನೆಲದಲ್ಲಿ, ಒಟ್ಟು ಸತತವಾಗಿ ಮೂರು ಸರಣಿಗಳನ್ನು ಗೆದ್ದ ಭಾರತ ಏಕೈಕ ನಾಯಕ. ನನ್ನ ಸಮಕಾಲೀನರು ಅವರು. ನಮ್ಮ ನಡುವೆ ಅಭಿಪ್ರಾಯಭೇದವಿತ್ತು. ಆದರೆ, ಕ್ರಿಕೆಟ್‌ನ ವೈಭವವನ್ನು ನಾವು ಗೌರವಿಸುತ್ತಿದ್ದೆವು. ಅದ್ಭುತ ಫೀಲ್ಡರ್, ಆಟಗಾರ, ಆಯ್ಕೆದಾರ, ಕೋಚ್. ರಿಪ್ ಜೀತು ಎಂದು ಭಾರತ ತಂಡದ ಮಾಜಿ ಸ್ಪಿನ್ನರ್ ಬಿಶನ್ ಸಿಂಗ್ ಬೇಡಿ ಹೇಳಿದ್ದಾರೆ.

This is sad news.
The great Ajit Wadekar is no more.

1971 was no less than a World Cup victory. Maybe more....

You will be missed dear captain.#AjitWadekar
— Boman Irani (@bomanirani) 15 August 2018

ಬೊಮನ್ ಇರಾನಿ

ತಂಬಾ ದುಃಖದ ಸುದ್ದಿ. 1971ರ ಸರಣಿ ಗೆಲುವು ವಿಶ್ವಕಪ್ ಗೆಲುವಿಗಿಂತ ಸಣ್ಣದೇನಲ್ಲ. ಅದಕ್ಕಿಂತಲೂ ದೊಡ್ಡದು. ನಿಮ್ಮನ್ನು ಮಿಸ್ ಮಾಡಿಕೊಳ್ಳುತ್ತೇವೆ ಆತ್ಮೀಯ ಕ್ಯಾಪ್ಟನ್ ಎಂದು ನಟ ಬೊಮನ್ ಇರಾನಿ ಟ್ವೀಟ್ ಮಾಡಿದ್ದಾರೆ.

Saddened at the passing away of former Indian Test captain and cricketer Ajit Wadekar. He will be remembered for his fine leadership on overseas tours. We have lost one of the all-time champions of sport in India. My condolences to his family and his admirers
— Mamata Banerjee (@MamataOfficial) 16 August 2018

ಮಮತಾ ಬ್ಯಾನರ್ಜಿ

ಭಾರತದ ವಿದೇಶ ಪ್ರವಾಸದ ಸಂದರ್ಭದಲ್ಲಿನ ಅವರ ಅತ್ಯುತ್ತಮ ನಾಯಕತ್ವಕ್ಕಾಗಿ ಅವರನ್ನು ಸದಾ ನೆನಪಿಸಿಕೊಳ್ಳಲಾಗುತ್ತೆ. ಭಾರತ ಕ್ರೀಡೆಯಲ್ಲಿನ ಸಾರ್ವಕಾಲಿಕ ಚಾಂಪಿಯನ್‌ಗಳಲ್ಲಿ ಒಬ್ಬರನ್ನು ನಾವು ಕಳೆದುಕೊಂಡಿದ್ದೇವೆ ಎಂದು ಪಶ್ಚಿಮ ಬಂಗಾಳದ ಮುಖ್ಯಮಂತ್ರಿ ಮಮತಾ ಬ್ಯಾನರ್ಜಿ ಹೇಳಿದ್ದಾರೆ.