ನವದೆಹಲಿ, ಡಿಸೆಂಬರ್. 18 : ಭಾರತದ ವೃತ್ತಿಪರ ಬಾಕ್ಸರ್ ವಿಜೇಂದರ್ ಸಿಂಗ್ ಅವರು ಸತತ 8ನೇ ಬಾರಿಗೆ ಏಷ್ಯಾ ಪೆಸಿಫಿಕ್ ಚಾಂಪಿಯನ್ ಪಟ್ಟಕ್ಕೇರಿದರು.
ಶನಿವಾರ ತ್ಯಾಗರಾಜ ಕ್ರೀಡಾಂಗಣದಲ್ಲಿ ನಡೆದ ಪಂದ್ಯದಲ್ಲಿ ವಿಜೇಂದರ್ ಅವರು 3 ಸುತ್ತಿನಲ್ಲಿ 39-37, 37-38, 39-37 ಅಂತರದಿಂದ ತಾಂಜಾನಿಯಾದ ಫ್ರಾನ್ಸಿಸ್ ಚೆಕಾ ಅವರನ್ನು ಸೋಲಿಸಿ ಡಬ್ಲ್ಯುಬಿಒ ಏಷ್ಯಾ ಪೆಸಿಫಿಕ್ ಚಾಂಪಿಯನ್ ನಲ್ಲಿ 8ನೇ ಬಾರಿ ಪ್ರಶಸ್ತಿ ಗೆದ್ದ ಸರದಾರ ಎನಿಸಿದರು. [ಬಾಕ್ಸಿಂಗ್ ಸ್ಟಾರ್ ವಿಜೇಂದರ್ ಗೆ 'ಸೂಪರ್ ' ಕಿರೀಟ]
10 ಸುತ್ತುಗಳು ನಡೆಯ ಬೇಕಿದ್ದ ಈ ಪಂದ್ಯ ಕೇವಲ 3 ಸುತ್ತಿನಲ್ಲಿ ಅಂತ್ಯ ಕಂಡಿತು. ಕೇವಲ ಹತ್ತು ನಿಮಿಷಗಳ ಅವಧಿಯಲ್ಲಿಯೇ ವಿಜೇಂದರ್ ಅವರು 34 ವರ್ಷದ ಫ್ರಾನ್ಸಿಸ್ ಅವರನ್ನು ಸೋಲಿಸಿದರು.
ಈ ಮೂಲಕ ಸತತ 8ನೇ ಬಾರಿಗೆ ಡಬ್ಲ್ಯುಬಿಒ ಏಷ್ಯಾ ಪೆಸಿಫಿಕ್ ಚಾಂಪಿಯನ್ ಪ್ರಶಸ್ತಿಯನ್ನು ತಮ್ಮ ಹತ್ತಿರ ಉಳಿಸಿಕೊಂಡರು.
ಬಾಬಾ ರಾಮ್ ದೇವ್, ಒಲಿಂಪಿಯನ್ ಬಾಕ್ಸರ್ ಮೇರಿ ಕೋಮ್, ಕುಸ್ತಿಪಟು ಯೋಗೇಶ್ವರ್ ದತ್ ಈ ಪಂದ್ಯವನ್ನು ವೀಕ್ಷಿಸಿದರು.