ಗ್ರ್ಯಾಂಡ್ ಪ್ರಿಕ್ಸ್ ಬ್ಯಾಡ್ಮಿಂಟನ್ ಲೀಗ್ 2022 ಚಾಲನೆ: ದಿನಾಂಕ, ತಂಡಗಳು, ಬಹುಮಾನದ ಬಗ್ಗೆ ಮಾಹಿತಿ

ಕರ್ನಾಟಕ ಬ್ಯಾಡ್ಮಿಂಟನ್ ಅಸೋಸಿಯೇಷನ್ ​​(ಕೆಬಿಎ) ಆಶ್ರಯದಲ್ಲಿ ಜುಲೈ 1ರಿಂದ 10ರವರೆಗೆ ಗ್ರ್ಯಾಂಡ್ ಪ್ರಿಕ್ಸ್ ಬ್ಯಾಡ್ಮಿಂಟನ್ ಲೀಗ್ (ಜಿಪಿಬಿಎಲ್) ನಡೆಯಲಿದೆ.

ಶನಿವಾರ (ಜೂನ್ 4) ಬೆಂಗಳೂರಿನಲ್ಲಿ ನಡೆದ ಸಮಾರಂಭದಲ್ಲಿ ಜಿಪಿಬಿಎಲ್‌ಗೆ ಅಧಿಕೃತವಾಗಿ ಚಾಲನೆ ನೀಡಲಾಯಿತು. ಪಿವಿ ಸಿಂಧು, ಕಿಡಂಬಿ ಶ್ರೀಕಾಂತ್, ಸಾಯಿ ಪ್ರಣೀತ್, ಜ್ವಾಲಾ ಗುಟ್ಟಾ, ಅಶ್ವಿನಿ ಪೊನಪ್ಪ, ಚಿರಾಗ್ ಶೆಟ್ಟಿ, ಸಾತ್ವಿಕ್‌ಸಾಯಿರಾಜ್ ರಂಕಿರೆಡ್ಡಿ ಮತ್ತು ಎಚ್‌ಎಸ್ ಪ್ರಣಯ್ ಸಮಾರಂಭದಲ್ಲಿ ಪಾಲ್ಗೊಂಡಿದ್ದರು.

ಗ್ರ್ಯಾಂಡ್ ಪ್ರಿಕ್ಸ್ ಬ್ಯಾಡ್ಮಿಂಟನ್ ಲೀಗ್ ಉದ್ಘಾಟನಾ ಆವೃತ್ತಿಯಲ್ಲಿ ಪ್ರಶಸ್ತಿಗಾಗಿ ನಡೆಯುವ ಹಣಾಹಣಿಯಲ್ಲಿ ಎಂಟು ಫ್ರಾಂಚೈಸಿಗಳ ಮಾರ್ಗದರ್ಶಕರಾಗಿದ್ದಾರೆ.

ಸಿಟಿ ತಂಡದ ಬೆಂಗಳೂರು ಲಯನ್ಸ್‌ನ ಸಹ-ಮಾಲೀಕರಾಗಿರುವ ಡಬಲ್ ಒಲಿಂಪಿಕ್ ಪದಕ ವಿಜೇತೆ ಸಿಂಧು ಅವರು ಜಿಪಿಬಿಎಲ್‌ನ ಭಾಗವಾಗಲು ಉತ್ಸುಕರಾಗಿದ್ದೇನೆ ಎಂದು ಹೇಳಿದರು.

"ಕ್ರಿಕೆಟ್ ಹೊರತುಪಡಿಸಿ ಇತರ ಆಟಗಳಿಗೆ ಈ ರೀತಿಯ ಲೀಗ್‌ಗಳು ಏನು ಮಾಡಿದೆ ಎಂಬುದು ನಮಗೆಲ್ಲರಿಗೂ ತಿಳಿದಿದೆ. ಆಟವನ್ನು ಜನಸಾಮಾನ್ಯರ ಬಳಿಗೆ ಕೊಂಡೊಯ್ಯುಲು ಪ್ರತಿಭೆಯನ್ನು ಹುಟ್ಟುಹಾಕಲು ಇದು ಒಂದು ವೇದಿಕೆ ಎಂದು ನಾನು ಭಾವಿಸುತ್ತೇನೆ. ಜಿಪಿಬಿಎಲ್‌ನ ಭಾಗವಾಗಲು ನಾನು ತುಂಬಾ ರೋಮಾಂಚನಗೊಂಡಿದ್ದೇನೆ ಎಂದು ಪಿವಿ ಸಿಂಧು ಟ್ರೋಫಿಯನ್ನು ಅನಾವರಣಗೊಳಿಸಿದ ನಂತರ ಹೇಳಿದರು.

ಈ ಮೆಗಾ ಈವೆಂಟ್‌ಗೆ ಕರ್ನಾಟಕ ಬ್ಯಾಡ್ಮಿಂಟನ್ ಸಂಸ್ಥೆಯ ಆಶೀರ್ವಾದವಿದೆ ಎಂದು ಶುಕ್ರವಾರ ಪ್ರಕಟಣೆ ತಿಳಿಸಿದೆ. ಲೀಗ್‌ನಲ್ಲಿ ಎಂಟು ತಂಡಗಳು ಪ್ರಾಬಲ್ಯಕ್ಕಾಗಿ ಸೆಣಸಲಿವೆ ಮತ್ತು ಜುಲೈ 1 ರಿಂದ 10 ರವರೆಗೆ ನಡೆಯಲಿದೆ.

8 ತಂಡಗಳು
ಬೆಂಗಳೂರು ಲಯನ್ಸ್
ಮಂಗಳೂರು ಶಾರ್ಕ್ಸ್
ಮಂಡ್ಯ ಬುಲ್ಸ್
ಮೈಸೂರು ಪ್ಯಾಂಥರ್ಸ್
ಮಲ್ನಾಡ್ ಫಾಲ್ಕನ್ಸ್
ಬಂಡೀಪುರ ಟಸ್ಕರ್ಸ್
ಕೆಜಿಎಫ್ ವೋಲ್ವ್ಸ
ಕೊಡಗು ಟೈಗರ್ಸ್

ಗ್ರ್ಯಾಂಡ್ ಪ್ರಿಕ್ಸ್ ಬ್ಯಾಡ್ಮಿಂಟನ್ ಲೀಗ್ ಪಂದ್ಯಾವಳಿಯು 60 ಲಕ್ಷ ರೂ. ಬಹುಮಾನದ ಹಣವನ್ನು ಹೊಂದಿದೆ ಮತ್ತು ವಿಜೇತರು 24 ಲಕ್ಷ ರೂ.ಗಳನ್ನು ಜೇಬಿಗಿಳಿಸುತ್ತದೆ. ರನ್ನರ್ ಅಪ್ ತಂಡವು 12 ಲಕ್ಷ ರೂ.ನಿಂದ ಶ್ರೀಮಂತವಾಗಿರುತ್ತದೆ. ಬಿಡುಗಡೆ ಸಂದರ್ಭದಲ್ಲಿ ತಂಡದ ಜೆರ್ಸಿ ಮತ್ತು ಟ್ರೋಫಿಯನ್ನು ಸಹ ಅನಾವರಣಗೊಳಿಸಲಾಗುವುದು. ಮುಂದಿನ ವಾರ ಹರಾಜು ನಡೆಯಲಿರುವಾಗ 400 ಆಟಗಾರರು ಲೀಗ್‌ಗೆ ಸಹಿ ಹಾಕಿದ್ದಾರೆ ಎಂದು ಹೇಳಲಾಗಿದೆ.

ಪ್ರತಿ ತಂಡವು ತಲಾ 10 ಆಟಗಾರರನ್ನು ಒಳಗೊಂಡಿರುತ್ತದೆ, ಅದರಲ್ಲಿ ಕನಿಷ್ಠ ಐದು ಆಟಗಾರರು ಕರ್ನಾಟಕ ರಾಜ್ಯದವರಾಗಿರಬೇಕು, ಕನಿಷ್ಠ ಮೂವರು ಮಹಿಳಾ ಆಟಗಾರರು ಇರಬೇಕು ಎಂದರು.

ತಂಡಗಳಿಗೆ ಆಯಾ ಸೂಪರ್‌ಸ್ಟಾರ್‌ಗಳು ಮಾರ್ಗದರ್ಶನ ನೀಡುತ್ತಾರೆ. ಮಲ್ನಾಡ್ ಫಾಲ್ಕನ್ಸ್‌ಗೆ ಚಿರಾಗ್ ಶೆಟ್ಟಿ ಮಾರ್ಗದರ್ಶನ ನೀಡಲಿದ್ದು, ಬಂಡೀಪುರ ಟಸ್ಕರ್ಸ್ ತಂಡದ ಸಹ-ಮಾಲೀಕರಾಗಿರುವ ಜ್ವಾಲಾ ಗುಟ್ಟಾ ಅವರ ಪರಿಣತಿಯನ್ನು ಪಡೆಯಲಿದ್ದಾರೆ. ಮೈಸೂರು ಪ್ಯಾಂಥರ್ಸ್ ತಂಡವನ್ನು ಸಾತ್ವಿಕ್ ರಂಕಿರೆಡ್ಡಿ ಹಾಗೂ ಕೊಡವ ಟೈಗರ್ಸ್ ತಂಡಕ್ಕೆ ಅಶ್ವಿನಿ ಪೊನ್ನಪ್ಪ ಮಾರ್ಗದರ್ಶನ ನೀಡಲಿದ್ದಾರೆ.

"ಕರ್ನಾಟಕ ಬ್ಯಾಡ್ಮಿಂಟನ್ ಅಸೋಸಿಯೇಷನ್‌ಗೆ ಮಾತ್ರವಲ್ಲದೆ ಇಡೀ ಕರ್ನಾಟಕ ರಾಜ್ಯವೇ ಈ ಮಟ್ಟದ ಪಂದ್ಯಾವಳಿಯನ್ನು ಆಯೋಜಿಸುತ್ತಿರುವುದು ಹೆಮ್ಮೆಯ ವಿಷಯವಾಗಿದೆ. ಪ್ರಶಾಂತ್ ಮತ್ತು ಅರವಿಂದ್ ಅವರೊಂದಿಗೆ ಕೆಲಸ ಮಾಡಲು ನಮಗೆ ಸಂತೋಷವಾಗಿದೆ ಮತ್ತು ಅವರೆಲ್ಲರಿಗೂ ಯಶಸ್ಸು ಸಿಗಲಿ ಎಂದು ಹಾರೈಸುತ್ತೇವೆ," ಎಂದು ಕೆಬಿಎ ಅಧ್ಯಕ್ಷ ಮನೋಜ್ ಕುಮಾರ್ ಹೇಳಿದರು.

ಏತನ್ಮಧ್ಯೆ, ಕರ್ನಾಟಕ ಬ್ಯಾಡ್ಮಿಂಟನ್ ಸಂಸ್ಥೆಯು ಪಿವಿ ಸಿಂಧು, ಕೆ ಶ್ರೀಕಾಂತ್, ಲಕ್ಷ್ಯ ಸೇನ್ ಮತ್ತು ಕೋಚ್ ಯು. ವಿಮಲ್ ಕುಮಾರ್ ಅವರನ್ನು ಶನಿವಾರ ಇಲ್ಲಿ ಸನ್ಮಾನಿಸಲಿದೆ. ಈ ಸಂದರ್ಭದಲ್ಲಿ ಸಂಘವು ಅವರಿಗೆ ಗೌರವ ಅಜೀವ ಸದಸ್ಯತ್ವವನ್ನು ನೀಡಲಿದೆ ಎಂದು ಅದು ತಿಳಿಸಿದೆ.