ಸೆ.4ರಿಂದ ಮೈಸೂರಿನಲ್ಲಿ ಕೆಪಿಎಲ್ ಹಂಗಾಮ ಶುರು

ಮೈಸೂರಿನಲ್ಲಿ ಒಟ್ಟು 12 ಪಂದ್ಯಗಳು

ಮಾನಸ ಗಂಗ್ರೋತ್ರಿಯ ಶ್ರೀಕಂಠದತ್ತ ನರಸಿಂಹ ರಾಜ ಒಡೆಯರ್ ಕ್ರೀಡಾಂಗಣದಲ್ಲಿ ಸೆಪ್ಟೆಂಬರ್ 12 ರವರೆಗೆ ಒಟ್ಟು 12 ಪಂದ್ಯಗಳು ನಡೆಯಲಿದ್ದು, ಸೆ.8, 9 ಹಾಗೂ 10ರಂದು ವಾರಾಂತ್ಯದ ಮೂರು ದಿನ ಮಧ್ಯಾಹ್ನ 3 ಹಾಗೂ ಸಂಜೆ 7ಕ್ಕೆ ಎರಡು ಪಂದ್ಯಗಳು ನಡೆಯಲಿವೆ. ಸೆ.6ರಂದು ಮಧ್ಯಾಹ್ನ 3ಕ್ಕೆ ಮತ್ತು ಉಳಿದ ದಿನ ಸಂಜೆ 7ಕ್ಕೆ ನಿತ್ಯ ಒಂದು ಪಂದ್ಯ ನಡೆಯಲಿದೆ.

ಕೆಪಿಎಲ್ ಗೆ ಸಜ್ಜಾದ ಗಂಗೋತಿ ಗ್ಲೈಡ್ಸ್ ಕ್ರೀಡಾಂಗಣ

ಕೆಪಿಎಲ್ ಪಂದ್ಯಾವಳಿ ಹಿನ್ನೆಲೆಯಲ್ಲಿ ಗಂಗೋತಿ ಗ್ಲೈಡ್ಸ್ ಕ್ರೀಡಾಂಗಣ ಅಭಿವೃದ್ಧಿಪಡಿಸಲಾಗಿದ್ದು, ತಡೆಗೋಡೆ ನಿರ್ಮಾಣ, ಮೇಲ್ಛಾವಣಿ ಕಾಮಗಾರಿ ನಡೆಸಲಾಗಿದೆ. ವೀಕ್ಷಕರ ಗ್ಯಾಲರಿ, ಕಾಮೆಂಟರಿ ಬಾಕ್ಸ್, ಮಹಾರಾಣಿ ಬಾಕ್ಸ್, ಫ್ರಾಂಚೈಸಿ ಬಾಕ್ಸ್, ಸೈಟ್ ಸ್ಕ್ರೀನ್, ಕ್ಯಾಮರಾ ಸ್ಟ್ಯಾಂಡ್ ನಿರ್ಮಾಣ ಮಾಡಲಾಗುತ್ತಿದೆ.8 ರಿಂದ 10 ಸಾವಿರ ಪೇಕ್ಷಕರು ಆಗಮಿಸುವ ನಿರೀಕ್ಷೆಯಲ್ಲಿ ಅಗತ್ಯವಿರುವ ಸೌಲಭ್ಯಗಳನ್ನು ಕಲ್ಪಿಸಲಾಗಿದೆ.

ಸ್ಟಾರ್ ನೆಟ್ವರ್ಕ್ ನಲ್ಲಿ ನೇರ ಪ್ರಸಾರ

ನಮ್ಮ ಕರ್ನಾಟಕ ಪ್ರೀಮಿಯರ್ ಲೀಗ್ (ಕೆಪಿಎಲ್) 2017ರ ಪಂದ್ಯಾವಳಿಗಳು ಈ ಬಾರಿ ಸ್ಟಾರ್ ನೆಟ್ವರ್ಕ್ ನೇರ ಪ್ರಸಾರ ಮಾಡುತ್ತಿದೆ. ಸುದ್ದಿಗೋಷ್ಠಿಯಲ್ಲಿ ಮೈಸೂರು ವಾರಿಯರ್ಸ್ ತಂಡದ ಮಾಲೀಕ ಅರ್ಜುನ್ ರಂಗ, ಕೆಪಿಎಲ್ ಸಮಿತಿಯ ರಘುರಾಮ್ ಭಟ್, ಕೆಪಿಎಸ್ ಸಿ ಮೈಸೂರು ವಲಯದ ಸಂಚಾಲಕ ಬಾಲಚಂದರಾವ್ ಮುಂತಾದವರು ಭಾಗವಹಿಸಿದ್ದರು.

ಗಮನ ಸೆಳೆದ ರ್ಯಾಂಪ್ ವಾಕ್

ಸೆ.15ರಿಂದ ಮೈಸೂರಿನಲ್ಲಿ ಜಯಂತಿ ಬಲ್ಲಾಳ್ ನೇತೃತ್ವದಲ್ಲಿ ಫ್ಯಾಷನ್ ಸಪ್ತಾಹ ನಡೆಯಲಿರುವ ಹಿನ್ನೆಲೆಯಲ್ಲಿ ಕೆಪಿಎಲ್ ಗೆ ಸಂಬಂಧಿಸಿದ ಸುದ್ದಿಗೋಷ್ಠಿಗೆ ಮೊದಲು ನಡೆದ ಫ್ಯಾಷನ್ ಶೋ ಆಕರ್ಷಕವಾಗಿತ್ತು. ರೂಪದರ್ಶಿಗಳು ರ್ಯಾಂಪ್ ಮೇಲೆ ಹೆಜ್ಜೆ ಹಾಕಿ ಮಿಂಚಿದರು.