9 ಕೋಟಿ ! ಒಂದು ಇನ್‌ಸ್ಟಾಗ್ರಾಮ್ ಪೋಸ್ಟ್‌ಗೆ ದಾಖಲೆಯ ಹಣ ಪಡೆದ ಕೊಹ್ಲಿ

ವಿರಾಟ್ ಕೊಹ್ಲಿ ಒಂದು ಪೋಸ್ಟ್‌ಗೆ ಎಷ್ಟು ಗಳಿಸುತ್ತಾರೆ?

ವಿರಾಟ್ ಕೊಹ್ಲಿ ಇನ್‌ಸ್ಟಾಗ್ರಾಮ್‌ನಲ್ಲಿ 200 ಮಿಲಿಯನ್‌ಗಿಂತಲೂ ಹೆಚ್ಚು ಫಾಲೋವರ್ಸ್‌ ಹೊಂದಿದ್ದಾರೆ. ಇದಲ್ಲದೇ ಕೊಹ್ಲಿ ಟ್ವಿಟರ್‌ನಲ್ಲಿ 50.4 ಮಿಲಿಯನ್ ಮತ್ತು ಫೇಸ್‌ಬುಕ್‌ನಲ್ಲಿ 49 ಮಿಲಿಯನ್ ಬಳಕೆದಾರರನ್ನು ಹೊಂದಿದ್ದಾರೆ. HopperHQ.com ಪ್ರಕಾರ, ವಿರಾಟ್ ಕೊಹ್ಲಿ ಇನ್‌ಸ್ಟಾಗ್ರಾಮ್‌ನಲ್ಲಿ ಪೋಸ್ಟ್ ಮಾಡಲು $ 1088000 ಶುಲ್ಕ ವಿಧಿಸುತ್ತಾರೆ, ಇದು ಸುಮಾರು ಭಾರತೀಯ ರೂಪಾಯಿಗಳಲ್ಲಿ 8.9 ಕೋಟಿ ರೂಪಾಯಿಗಳಷ್ಟಿದೆ. ಹೀಗಾಗಿ ಕೊಹ್ಲಿ ಒಂದು ಪೋಸ್ಟ್‌ಗೆ ಸುಮಾರು 9 ಕೋಟಿ ಪಡೆಯುತ್ತಾರೆ ಎಂದೇ ಹೇಳಬಹುದು.

FIFA ವಿಶ್ವಕಪ್‌ನಿಂದ ಇರಾನ್ ದೇಶವನ್ನ ಹೊರಹಾಕಲು ಮಹಿಳಾ ಹಕ್ಕುಗಳ ಆಯೋಗ ಆಗ್ರಹ

ಏಷ್ಯಾದಲ್ಲಿ ಅತಿ ಹೆಚ್ಚು ಶುಲ್ಕ ವಿಧಿಸುವ ಸ್ಟಾರ್ ಪ್ಲೇಯರ್ ಕೊಹ್ಲಿ

HopperHQ.com ನ 2022 ರ ಇನ್‌ಸ್ಟಾಗ್ರಾಮ್‌ ಶ್ರೀಮಂತ ಪಟ್ಟಿಯ ಪ್ರಕಾರ, ವಿರಾಟ್ ಕೊಹ್ಲಿ ತಮ್ಮ ಇನ್‌ಸ್ಟಾಗ್ರಾಮ್‌ ನಲ್ಲಿ ಪ್ರಾಯೋಜಿತ ಪೋಸ್ಟ್ ಅನ್ನು ಹಂಚಿಕೊಂಡರೆ, ಅವರು ಪ್ರತಿಯಾಗಿ 8.9 ಕೋಟಿ ರೂಪಾಯಿಗಳನ್ನು ಪಡೆಯುತ್ತಾರೆ. ಟಾಪ್-20 ಪಟ್ಟಿಯಲ್ಲಿರುವ ಏಷ್ಯಾದ ಏಕೈಕ ಆಟಗಾರ ಕೊಹ್ಲಿ. ಸೋಷಿಯಲ್ ಮೀಡಿಯಾದ ಮೂಲಕ ಹಣ ಗಳಿಸುವ ವಿಷಯದಲ್ಲಿ ಅವರು ಅನೇಕ ದೊಡ್ಡ ವ್ಯಕ್ತಿಗಳನ್ನು ಹಿಂದಿಕ್ಕಿದ್ದಾರೆ.

ಇರಾನಿ ಕಪ್ 2022: ರೆಸ್ಟ್ ಆಫ್ ಇಂಡಿಯಾಗೆ ಮಯಾಂಕ್ ಸೇರ್ಪಡೆ, ಸಂಪೂರ್ಣ ಸ್ಕ್ವಾಡ್ ಇಲ್ಲಿದೆ

ಇನ್‌ಸ್ಟಾಗ್ರಾಮ್‌ ಪೋಸ್ಟ್‌ಗೆ ಅತಿ ಹೆಚ್ಚು ಶುಲ್ಕ ವಿಧಿಸುವ ಕ್ರಿಸ್ಟಿಯಾನೊ ರೊನಾಲ್ಡೊ

ಸ್ಟಾರ್ ಫುಟ್ಬಾಲ್ ಆಟಗಾರ ಕ್ರಿಸ್ಟಿಯಾನೋ ರೊನಾಲ್ಡೊ ಇನ್‌ಸ್ಟಾಗ್ರಾಮ್‌ ಪೋಸ್ಟ್‌ಗೆ ಅತಿ ಹೆಚ್ಚು ಶುಲ್ಕ ವಿಧಿಸುವ ಅಥ್ಲೀಟ್ ಆಗಿದ್ದಾರೆ. ರೊನಾಲ್ಡೊ ಒಂದು ಪೋಸ್ಟ್‌ಗೆ ಸುಮಾರು $ 2397000 ಡಾಲರ್ ಅಂದರೆ ಭಾರತೀಯ ರೂಪಾಯಿಗಳಲ್ಲಿ ಸುಮಾರು 19 ಕೋಟಿ ರೂ. ವಿಧಿಸುತ್ತಾರೆ. ರೊನಾಲ್ಡೊ ಇನ್‌ಸ್ಟಾಗ್ರಾಮ್‌ನಲ್ಲಿ 400 ಮಿಲಿಯನ್‌ಗಿಂತಲೂ ಹೆಚ್ಚು ಫಾಲೋವರ್ಸ್‌ ಹೊಂದಿದ್ದಾರೆ.

ಅರ್ಜೈಂಟೀನಾದ ಫುಟ್ಬಾಲ್ ಲೆಜೆಂಡ್ ಲಿಯೋನೆಲ್ ಮೆಸ್ಸಿ ಈ ಪಟ್ಟಿಯಲ್ಲಿ 3 ನೇ ಸ್ಥಾನದಲ್ಲಿದ್ದು ಪ್ರತಿ ಪೋಸ್ಟ್‌ಗೆ $ 1777000 (ಅಂದಾಜು ರೂ 14 ಕೋಟಿ) ಶುಲ್ಕ ವಿಧಿಸುತ್ತಾರೆ. WWE ಸೂಪರ್‌ಸ್ಟಾರ್-ಹಾಲಿವುಡ್ ನಟ, ಡ್ವೇನ್ 'ದಿ ರಾಕ್' ಜಾನ್ಸನ್ ಒಟ್ಟಾರೆ ಪಟ್ಟಿಯಲ್ಲಿ 5 ನೇ ಸ್ಥಾನದಲ್ಲಿದ್ದಾರೆ. ಕ್ರೀಡಾ ಪಟುಗಳ ಪೈಕಿ ಕೊಹ್ಲಿ 4ನೇ ಸ್ಥಾನದಲ್ಲಿದ್ದಾರೆ.