ಕೆಣಕಿದ ಅಭಿಮಾನಿಗೆ ಸರಿಯಾಗೇ ತಿರುಗೇಟು ನೀಡಿದ ಮಯಾಂತಿ ಲ್ಯಾಂಗರ್

ಸರಿಯಾಗೇ ತಿರುಗೇಟು

ಬಿನ್ನಿ ಟೀಮ್ ಇಂಡಿಯಾ ಪರ ಆಡೋದನ್ನು ನಿಲ್ಲಿಸಿ ಬಹಳ ಕಾಲವಾಗಿದ್ದನ್ನು ಅಣಕವಾಡಲು ಹೋದ ಅಭಿಮಾನಿಯೊಬ್ಬರಿಗೆ ಬಿನ್ನಿ ಪತ್ನಿ ಮಯಾಂತಿ ಸರಿಯಾಗೇ ತಿರುಗೇಟು ನೀಡಿದ್ದಾರೆ. ಮಯಾಂತಿ ಟ್ವಿಟರ್ ಫೋಟೋವೊಂದಕ್ಕೆ ಪ್ರತಿಕ್ರಿಯೆ ನೀಡುವಾಗಿ ವಿನಾಕಾರಣ ಬಿನ್ನಿ ಉಲ್ಲೇಖಿಸಿ ಕೆಣಕಲು ಬಂದ ಅಭಿಮಾನಿಗೆ ಲ್ಯಾಂಗರ್ ಚೆನ್ನಾಗೇ ಟ್ವೀಟಿನೇಟು ಕೊಟ್ಟಿದ್ದಾರೆ.

ಸ್ಟುವರ್ಟ್ ಬಿನ್ನಿ ಎಲ್ಲಿದ್ದಾರೆ?

ತನ್ನ ಟ್ವಟರ್ ಖಾತೆಯಲ್ಲಿ ಫೋಟೋವೊಂದನ್ನು ಹಾಕಿಕೊಂಡಿದ್ದ ಮಯಾಂತಿ, 'ಇದು ನಮ್ಮ ಸ್ಟುಡಿಯೊದಲ್ಲಿ ವರ್ಣರಂಜಿತ ಜೀವನ,' ಎಂದು ಬರೆದುಕೊಂಡಿದ್ದರು. ಇದಕ್ಕೆ ಅಭಿಮಾನಿಯೊಬ್ಬರು 'ಈ ದಿನಗಳಲ್ಲಿ ಸ್ಟುವರ್ಟ್ ಬಿನ್ನಿ ಎಲ್ಲಿದ್ದಾರೆ,' ಎಂದು ಪ್ರತಿಕ್ರಿಯಿಸಿದ್ದರು.

ಅಷ್ಟೇ ಸೊಗಸಾದ ಉತ್ತರ

ಒಬ್ಬ ಅಭಿಮಾನಿ ತಲೆಹರಟೆ ಪ್ರಶ್ನೆ ಕೇಳಿದ್ದರಿಂದ ಇನ್ನೂ ತಮಾಷೆಯಾಡಲು ಮುಂದಾದ ಇನ್ನೊಬ್ಬ ಅಭಿಮಾನಿ, 'ಆತ ಅವಳ ಬ್ಯಾಗ್‌ಗಳನ್ನು ಹೊತ್ತೊಯ್ಯಲು ಸಹಾಯ ಮಾಡುತ್ತಿದ್ದಾನೆ,' ಎಂದು ತರ್ಲೆಯಾಗಿ ಪ್ರತಿಕ್ರಿಯಿಸಿದ್ದ. ಅಭಿಮಾನಿಯ ಈ ಪ್ರತಿಕ್ರಿಯೆ ಮಯಾಂತಿಯನ್ನು ಇನ್ನೂ ಕೆಣಕಿರಬೇಕು, ಆದರೆ ಮಯಾಂತಿ ತನ್ನ ಸಿಡುಕು ತೋರಿಸದೆ, ಅಷ್ಟೇ ಸೊಗಸಾಗಿ ಆ ಅಭಿಮಾನಿಗೆ ಪ್ರತಿಕ್ರಿಯಿಸಿದ್ದಾರೆ.

ಅದ್ಭುತವಾಗಿ ಬದುಕುತ್ತಿದ್ದಾನೆ

ಇಬ್ಬರು ಅಭಿಮಾನಿಗಳಿಗೂ ಸೇರಿಸಿ ಪ್ರತಿಕ್ರಿಯಿಸಿರುವ ಮಯಾಂತಿ, ನನ್ನ ಬ್ಯಾಗ್‌ಗಳನ್ನು ನಾನೇ ಹೊತ್ತೊಯ್ಯುತ್ತೇನೆ. ಆ ಬಗ್ಗೆ ಕಾಳಜಿ ತೋರಿಸಿದ್ದಕ್ಕೆ ಧನ್ಯವಾದಗಳು. ಕ್ರಿಕೆಟ್‌ ಆಡುತ್ತ ಬಿನ್ನಿ ಆತನದ್ದೇ ಬದುಕನ್ನು ಕಳೆಯೋದರಲ್ಲಿ ಬ್ಯುಸಿಯಾಗಿದ್ದಾನೆ. ಸಿಂಪಲ್ಲಾಗಿ ಹೇಳಬೇಕಂದ್ರೆ ತನಗೆ ಗೊತ್ತಿಲ್ಲದವರ ಬಗ್ಗೆ ಅನಗತ್ಯ ಕಾಮೆಂಟ್‌ಗಳನ್ನು ಮಾಡುವ ಬದಲು ಆತ ಅದ್ಭುತವಾಗಿ ಬದುಕುತ್ತಿದ್ದಾನೆ,' ಎಂದು ಬರೆದುಕೊಂಡಿದ್ದಾರೆ.