ಮಯಾಂಕ್ ಜೊತೆ ಆರಂಭಿಕನಾಗಿ ಕಣಕ್ಕೆ:
ಈ ಸರಣಿಯಲ್ಲಿ ಏಕದಿನಕ್ಕೆ ಪದಾರ್ಪಣೆ ಮಾಡಿದ ಪೃಥ್ವಿ ಶಾ ಮೂರನೇ ಪಂದ್ಯದಲ್ಲಿ ಗಮನಾರ್ಹ ಪ್ರದರ್ಶನವನ್ನು ನೀಡಿದ್ದಾರೆ. ಆರಂಭದಲ್ಲೇ ಮಯಾಂಕ್ ಅಗರ್ವಾಲ್ ಮತ್ತು ನಾಯಕ ವಿರಾಟ್ ಕೊಹ್ಲಿ ವಿಕೆಟ್ ಕಳೆದುಕೊಂಡರೂ ಶಾ 39 ರನ್ ಗಳಿಸಿ ಆಟವನ್ನು ಮುಂದುವರಿಸಿದ್ದರು.
ಎರಡನೇ ರನ್ಗೆ ಓಡಿ ಔಟ್:
ಈ ಸಂದರ್ಭದಲ್ಲಿ ಪೃಥ್ವಿ ಶಾ ಚೆಂಡನ್ನು ಬಾರಿಸಿ ಮೊದಲ ರನ್ಪೂರೈಸಿ ಎರಡನೇ ರನ್ಗೆ ಓಡಿ ರನ್ಔಟ್ ಆಗಿ ವಿಕೆಟನ್ನು ಒಪ್ಪಿಸಿದ್ದಾರೆ. ಪೃಥ್ವಿ ಶಾ ರನ್ ಔಟ್ ಆದ ರೀತಿಯನ್ನು ಗಮನಿಸಿದ ಆಕಾಶ್ ಚೋಪ್ರಾ ಟ್ವಿಟ್ಟರ್ನಲ್ಲಿ ಫಿಟ್ನೆಸ್ ಬಗ್ಗೆ ಅನುಮಾನವನ್ನು ವ್ಯಕ್ತಪಡಿಸಿದ್ದಾರೆ.
|
ಸುಲಭವಾಗಿ ತೆಗೆಯಬಹುದಾಗಿದ್ದ ರನ್
ಅದು ಸುಲಭವಾಗಿ ಎರಡನೇ ರನ್ ತೆಗೆಯಬಹುದಾಗಿದ್ದ ಸಂದರ್ಭವಾಗಿತ್ತು. ಅಲ್ಲದೆ ಸ್ವತಃ ಆತನೇ ಎರಡನೇ ರನ್ಗೆ ಕರೆ ನೀಡಿದ್ದ. ಆದರೆ ರನ್ ಪೂರ್ತಿಗೊಳಿಸಲು ಸಾಧ್ಯವಾಗದಿದ್ದಿದ್ದು ಆಶ್ಚರ್ಯವನ್ನುಂಟು ಮಾಡಿದೆ ಎಂದು ಆಕಾಶ್ ಚೋಪ್ರಾ ಬರೆದುಕೊಂಡಿದ್ದಾರೆ.
ಆಕಾಶ್ ಚೋಪ್ರಾ ಸಲಹೆ
ಇದರ ಜೊತೆಗೆ ಚೆಂಡನ್ನು ಬಾರಿಸುವಲ್ಲಿ ಉತ್ತಮ ಕೌಶಲ್ಯವನ್ನು ಹೊಂದಿರುವ ಪೃಥ್ವಿ ಶಾ ಫಿಟ್ನೆಸ್ ಉತ್ತಮಪಡಿಸಿಕೊಳ್ಳುವ ಬಗ್ಗೆ ಇನ್ನಷ್ಟು ಗಮನ ನೀಡಬೇಕಾಗಿದೆ ಎಂದು ಆಕಾಶ್ ಚೋಪ್ರಾ ಟ್ವೀಟ್ ಮಾಡುವ ಮೂಲಕ ಪೃಥ್ವಿ ಶಾ ಫಿಟ್ನೆಸ್ ಕ್ಷಮತೆಯ ಬಗ್ಗೆ ಮಾತನ್ನಾಡಿದ್ದಾರೆ.