ಅತಿಯಾದ ಸಂಭ್ರಮಾಚರಣೆ
ಸೋಲಿನ ಹತಾಶೆಯಲ್ಲಿ ಇಂಗ್ಲೆಂಡ್ ತಂಡದ ಆಲ್ರೌಂಡರ್ ಸ್ಯಾಮ್ ಕರನ್ ಮೈದಾನದಲ್ಲಿ ಅತಿಯಾದ ವರ್ತನೆ ತೋರಿದರು. 102 ಎಸೆತಗಳಲ್ಲಿ 109 ರನ್ ಗಳಿಸಿ ಆಡುತ್ತಿದ್ದಾಗ ಟೆಂಬಾ ಬವುಮಾ ಸ್ಯಾಮ್ ಕರನ್ ಬೌಲಿಂಗ್ನಲ್ಲಿ ಬೌಲ್ಡ್ ಆದರು. ಈ ಸಮಯದಲ್ಲಿ ಸ್ಯಾಮ್ ಕರನ್ ಮಿತಿ ಮೀರಿದ ಸಂಭ್ರಮಾಚರಣೆ ಮಾಡಿದರು. ಮೈದಾನದಲ್ಲಿ ಅವರ ವರ್ತನೆಯನ್ನು ಗಂಭೀರವಾಗಿ ಪರಿಗಣಿಸಿರುವ ಐಸಿಸಿ ದಂಡವನ್ನು ವಿಧಿಸಿದೆ.
ಅಂಪೈರ್ಗಳು ನೀಡಿದ ವರದಿಯನ್ನು ಆಧರಿಸಿ ನ್ಯೂಜಿಲೆಂಡ್ನ ಮ್ಯಾಚ್ ರೆಫರಿ ಜೆಫ್ ಕ್ರೋವ್ ಕುರ್ರಾನ್ಗೆ ದಂಡ ವಿಧಿಸಿದ್ದಾರೆ. ಸ್ಯಾಮ್ ಕರನ್ ಕೂಡ ತಮ್ಮ ತಪ್ಪನ್ನು ಒಪ್ಪಿಕೊಂಡಿದ್ದರಿಂದ ಯಾವುದೇ ಔಪಚಾರಿಕ ವಿಚಾರಣೆಯ ಅಗತ್ಯವಿಲ್ಲದೆ ದಂಡವನ್ನು ವಿಧಿಸಲಾಗಿದೆ.
ಔಟಾದ ಬ್ಯಾಟರ್ ಬಳಿ ಸಂಭ್ರಮಾಚರಣೆ ನಿಷೇಧ
ಐಸಿಸಿ ಪ್ರಕಾರ, ಸ್ಯಾಮ್ ಕರನ್ ಐಸಿಸಿ ನೀತಿ ಸಂಹಿತೆಯ ಒಂದು ಹಂತದ ಅಪರಾಧ ಮಾಡಿದ್ದಾರೆ ಎಂದು ಹೇಳಿದೆ, "ಔಟಾದ ಬ್ಯಾಟರ್ನ ಹತ್ತಿರ ಹೋಗುವುದು, ಹತ್ತಿರದಲ್ಲಿ ಅತಿಯಾದ ಸಂಭ್ರಮಾಚರಣೆ ಮಾಡುವುದನ್ನು ಅಪರಾಧವವೆಂದು ಪರಿಗಣಿಸಿದೆ. ಇದರಿಂದ ಬ್ಯಾಟರ್ ಕೂಡ ಆಕ್ರಮಣಕಾರಿ ಪ್ರತಿಕ್ರಿಯೆ ಉಂಟು ಮಾಡುವ ಸಾಮರ್ಥ್ಯ ಹೊಂದಿದೆ" ಎಂದು ಐಸಿಸಿ ಹೇಳಿದೆ.
ಯಾವುದೇ ಆಟಗಾರ 2 ವರ್ಷಗಳ ಅವಧಿಯಲ್ಲಿ ನಾಲ್ಕು ಅಥವಾ ಅದಕ್ಕಿಂತ ಹೆಚ್ಚು ಡಿಮೆರಿಟ್ ಅಂಕಗಳನ್ನು ಪಡೆದರೆ. ಅವನು ಕ್ರಿಕೆಟ್ನಿಂದ ನಿಷೇಧವನ್ನು ಎದುರಿಸಬೇಕಾಗುತ್ತದೆ. ಇದು ಸ್ಯಾಮ್ ಕರನ್ ಪಡೆದ ಮೊದಲ ಡಿಮೆರಿಟ್ ಅಂಕವಾಗಿದೆ.
18.5 ಕೋಟಿ ರುಪಾಯಿಗೆ ಹರಾಜು
2023ರ ಐಪಿಎಲ್ ಮಿನಿ ಹರಾಜಿನಲ್ಲಿ ಬರೋಬ್ಬರಿ 18.5 ಕೋಟಿ ರುಪಾಯಿಗೆ ಮಾರಾಟವಾಗುವ ಮೂಲಕ ಅವರು ಐಪಿಎಲ್ ಇತಿಹಾಸದಲ್ಲೇ ದುಬಾರಿ ಆಟಗಾರ ಎನ್ನುವ ಖ್ಯಾತಿಗೆ ಭಾಜನರಾಗಿದ್ದಾರೆ.
ಪಂಜಾಬ್ ಕಿಂಗ್ಸ್ ತಂಡ ಅವರನ್ನು ದುಬಾರಿ ಬೆಲೆಗೆ ಖರೀದಿ ಮಾಡಿದೆ. ಟಿ20 ವಿಶ್ವಕಪ್ನಲ್ಲಿ ಸ್ಯಾಮ್ ಕರಾಣ್ ನೀಡಿದ ಅದ್ಭುತ ಪ್ರದರ್ಶನವನ್ನು ಪರಿಗಣಿಸಿ ಅವರಿಗೆ ಸಾಕಷ್ಟು ಬೇಡಿಕೆ ಉಂಟಾದ ಕಾರಣ ಅವರು ದುಬಾರಿ ಮೊತ್ತಕ್ಕೆ ಹರಾಜಾದರು.