ನವದೆಹಲಿ, ಅಕ್ಟೋಬರ್ 31: ಕ್ರಿಕೆಟ್ ವರ್ಲ್ಡ್ ಕಪ್ ನಲ್ಲಿ ಹ್ಯಾಟ್ರಿಕ್ ವಿಕೆಟ್ ಪಡೆದ ಸಾಧನೆ ಮೊದಲಾಗಿದ್ದು ಭಾರತೀಯನಿಂದ. ಭಾರತದ ವೇಗಿ ಚೇತನ್ ಶರ್ಮಾ ನ್ಯೂಜಿಲ್ಯಾಂಡ್ ವಿರುದ್ಧ ಇಂಥದ್ದೊಂದು ಅಪೂರ್ವ ಸಾಧನೆ ಮೆರೆದಿದ್ದರು. ಅದೂ ಅಕ್ಟೋಬರ್ 31ರ ಇದೇ ದಿನ!
ಭಾರತ vs ವೆಸ್ಟ್ ಇಂಡೀಸ್ ಕೊನೆಯ ಪಂದ್ಯ: ಗೆದ್ದರೆ ಟ್ರೋಫಿ ಭಾರತದ ಮಡಿಲಿಗೆ
1987ರ ಅಕ್ಟೋಬರ್ 31ರಂದು ನಾಗ್ಪುರದಲ್ಲಿ ನ್ಯೂಜಿಲ್ಯಾಂಡ್ ವಿರುದ್ಧ ನಡೆದಿದ್ದ ವಿಶ್ವಕಪ್ 24ನೇ ಪಂದ್ಯದಲ್ಲಿ ಭಾರತೀಯ ಚೇತನ್ ಶರ್ಮಾ ಮೂರು ಎಸೆತಗಳಲ್ಲಿ ನ್ಯೂಜಿಲ್ಯಾಂಡ್ ಮೂರು ವಿಕೆಟ್ ಗಳನ್ನು ಉದುರಿಸಿ ಹ್ಯಾಟ್ರಿಕ್ ಸಾಧನೆ ಮಾಡಿದ್ದರು. ಅಂದು ಇಯಾನ್ ಸ್ಮಿತ್, ಕೆನ್ ರುದರ್ಫೋರ್ಡ್, ಎವೆನ್ ಚಾಟ್ಫೀಲ್ಡ್ ವಿಕೆಟ್ ಗಳು ಶರ್ಮಾಗೆ ಅಹುತಿಯಾಗಿದ್ದವು.
#ThisDayThatYear Chetan Sharma took the first World Cup hat-trick in India's match against New Zealand in 1987. He bowled Ken Rutherford, Ian Smith and Ewen Chatfield with the last three balls of his sixth over as India won the match by nine wickets in Nagpur. pic.twitter.com/pQEtJwGT3p
— MoneyGram Cricket (@MGCricket) October 31, 2018
ಈ ಪಂದ್ಯದಲ್ಲಿ ಟಾಸ್ ಗೆದ್ದು ಬ್ಯಾಟಿಂಗ್ ಗೆ ಇಳಿದ ನ್ಯೂಜಿಲ್ಯಾಂಡ್ 50 ಓವರ್ ಗಳಲ್ಲಿ 9 ವಿಕೆಟ್ ಕಳೆದು 221 ರನ್ ಪೇರಿಸಿತ್ತು. ಗುರಿ ಬೆನ್ನತ್ತಿದ ಭಾರತ 32.1 ಓವರ್ ನಲ್ಲಿ ಕೇವಲ 1 ವಿಕೆಟ್ ಕಳೆದು 224 ರನ್ ಪೇರಿಸುವುದರೊಂದಿಗೆ ಭರ್ಜರಿ ಗೆಲುವನ್ನಾಚರಿಸಿತ್ತು. ಶರ್ಮಾ ಭಾರತ ಪರ 23 ಟೆಸ್ಟ್ ಮತ್ತು 65 ಏಕದಿನ ಪಂದ್ಯಗಳನ್ನಾಡಿದ್ದಾರೆ.