ಭಾರತೀಯ ಕ್ರಿಕೆಟ್‌ಗೆ ಬರುತ್ತಿದ್ದಾರೆ ಮೊದಲ ಮಹಿಳಾ ಅಂಪೈರ್

ಪುರುಷರಿಗೆ ಸೀಮಿತವಲ್ಲ

ಅಂಪೈರಿಂಗ್ ಇನ್ನು ಮುಂದೆ ಪುರುಷರಿಗಷ್ಟೇ ಆಗಿ ಉಳಿದಿಲ್ಲ. ವೃಂದಾ ರತಿ ಭಾರತದ ಮೊದಲ ಮಹಿಳಾ ರಾಷ್ಟ್ರೀಯ ಅಂಪೈರ್ ಆಗಲಿದ್ದಾರೆ. ಮಹಿಳಾ ಸಬಲೀಕರಣ ಆಗುತ್ತಿದೆ ಎಂದು ನೌಶೀನ್ ಖಾನ್ ಎಂಬುವವರು ಟ್ವೀಟ್ ಮಾಡಿದ್ದಾರೆ.

ಲಿಂಗತ್ವ ಮುಖ್ಯವಲ್ಲ

ಮೈದಾನದ ಮಧ್ಯಭಾಗದಲ್ಲಿರುವ ನೀವು ಪ್ರಮುಖ ಕಾರ್ಯನಿರ್ವಹಿಸುತ್ತಿದ್ದೀರಿ ಎಂಬುದನ್ನು ಎಲ್ಲರೂ ತಿಳಿದಿರುವಾಗ ನಿಮ್ಮ ಲಿಂಗ ಮುಖ್ಯವಾಗುವುದಿಲ್ಲ ಎಂದು ರಾಜಸ್ಥಾನ ರಾಯಲ್ಸ್ ಐಪಿಎಲ್ ತಂಡ ವೃಂದಾ ಅವರ ಸಾಧನೆಯನ್ನು ಶ್ಲಾಘಿಸಿದೆ.

ಮ್ಯಾಚ್ ಫಿಕ್ಸಿಂಗ್ ಆರೋಪ ಒಪ್ಪಿಕೊಂಡ ಪಾಕಿಸ್ತಾನಿ ಸ್ಪಿನ್ನರ್

ಮೊದಲ ಮಹಿಳೆ

ಮುಂಬೈ ಅಂಪೈರಿಂಗ್‌ಗೆ ಇದು ವಿಶೇಷ ಸಂದರ್ಭ. ಬಿಸಿಸಿಐನ ಪ್ಯಾನೆಲ್ ಅಂಪೈರಿಂಗ್‌ಗೆ ಐವರು ಮುಂಬೈ ಅಂಪೈರ್‌ಗಳು ಅರ್ಹತೆ ಗಿಟ್ಟಿಸಿಕೊಂಡಿದ್ದಾರೆ. ಇದರಲ್ಲಿ ಬಿಸಿಸಿಐ ಇತಿಹಾಸದಲ್ಲಿಯೇ ಮೊದಲ ಮಹಿಳಾ ಅಂಪೈರ್ ಎನಿಸಿಕೊಳ್ಳುವ ವೃಂದಾ ರತಿ ಕೂಡ ಸೇರಿದ್ದಾರೆ ಎಂದು ಗಣೇಶ್ ಅಯ್ಯರ್ ಹತ್ತು ದಿನಗಳ ಹಿಂದೆ ಟ್ವೀಟ್ ಮಾಡಿದ್ದರು.

ಸುಡುವ ಬಿಸಿಲ ಅಡಿ

ಸುಡುವ ಬಿಸಿಲಿನ ಅಡಿ ಗಂಟೆಗಟ್ಟಲೆ ಏಕಾಗ್ರತೆಯಿಂದ ಕಾರ್ಯನಿರ್ವಹಿಸಲು ಸಾಕಷ್ಟು ಕೌಶಲ ಬೇಕು ಎನ್ನುತ್ತಾರೆ ವೃಂದಾ. ಇದು ಮಾನಸಿಕ ಮತ್ತು ದೈಹಿಕ ಕ್ಷಮತೆಯನ್ನು ಬೇಡುತ್ತದೆ. ದೇಹಭಾಷೆಯ ಜತೆಗೆ ಸಂವಹನ ಮತ್ತು ಆಂತರಿಕ ಸ್ಥಿರತೆಯ ಕೌಶಲ ಮುಖ್ಯ. ವ್ಯಕ್ತಿ ಸರಳನಾಗಿದ್ದಷ್ಟೂ ಆತನ ಅಂಪೈರಿಂಗ್‌ ಗುಣಮಟ್ಟ ಉನ್ನತವಾಗಿರುತ್ತದೆ ಎನ್ನುವುದು ಅವರ ಅಭಿಪ್ರಾಯ.