ಫ್ಲ್ಯಾಶ್‌ಬ್ಯಾಕ್‌ 2020: ಹಿಂದಿನ ಎಲ್ಲಾ ಐಪಿಎಲ್‌ಗಿಂತ ಭಿನ್ನ ಐಪಿಎಲ್ 2020

ಜೈವಿಕ ಸುರಕ್ಷಾ ಪರದೆ

ಕೊರೊನಾ ವೈರಸ್‌ನ ಕಾರಣದಿಂದಾಗಿ ಯುಎಇನಲ್ಲಿ ನಡೆದ ಐಪಿಎಲ್‌ನ ಪ್ರಮುಖ ಬದಲಾವಣೆಯೆಂದರೆ ಬಯೋಸೆಕ್ಯೂರ್ ಬಬಲ್. ಪ್ರತಿ ತಂಡಕ್ಕೂ ಕಾಲ್ಪನಿಕ ಜೈವಿಕ ಸುರಕ್ಷತಾ ವಲಯವನ್ನು ನಿರ್ಮಿಸಿ ಆ ವಲಯದಲ್ಲಿದ್ದುಕೊಂಡು ಇಡೀ ಟೂರ್ನಿಯನ್ನು ಆಯೋಜಿಸಲಾಯಿತು. ಈ ಮೂಲಕ ಕೊರೊನಾವೈರಸ್ ಐಪಿಎಲ್‌ಗೆ ಕಾಡದಂತೆ ನೋಡಿಕೊಳ್ಳಲು ಸಹಕಾರಿಯಾಯಿತು

ಕೊರೊನಾವೈರಸ್ ಪರೀಕ್ಷೆ

ಯುಎಇನಲ್ಲಿ ಸೆಪ್ಟೆಂಬರ್ 19ರಿಂದ ಆರಂಭವಾದ 13ನೇ ಆವೃತ್ತಿಯ ಐಪಿಎಲ್ ವೀಕ್ಷಕರಿಲ್ಲದ ಖಾಲಿ ಮೈದಾನದಲ್ಲಿ ನಡೆಯಿತು. ಐಪಿಎಲ್ ಇತಿಹಾಸದಲ್ಲಿ ಇದೇ ಮೊದಲಿಗೆ ಇಂಥ ಪರಿಸ್ಥಿತಿ ಉಂಟಾಗಿದೆ. ಇನ್ನು ಟೂರ್ನಿಯಲ್ಲಿ ಪಾಲ್ಗೊಂಡ ಎಲ್ಲಾ ಆಟಗಾರರು 2 ವಾರದಲ್ಲಿ 4 ಬಾರಿ ಕೊರೊನಾವೈರಸ್ ಪರೀಕ್ಷೆಗೆ ಒಳಪಟ್ಟರು.

ಸ್ಟುಡಿಯೋದೊಳಗೆ 6 ಅಡಿ ಅಂತರ

ಐಪಿಎಲ್ ನಡೆಯುವಾಗ ಕಾಮೆಂಟೇಟರ್‌ಗಳು ಸ್ಟುಡಿಯೋದೊಳಗೆ 6 ಅಡಿ ಅಂತರ ಕಾಯ್ದುಕೊಳ್ಳಲಾಯಿತು. ಡಗ್‌ಔಟ್‌ನಲ್ಲೂ ಸೀಮಿತ ಮಂದಿಗಷ್ಟೇ ಅವಲಾಶ ನೀಡಲಾಯಿತು. ಅಷ್ಟೇ ಅಲ್ಲ ಡ್ರೆಸ್ಸಿಂಗ್ ರೂಮ್‌ನಲ್ಲೂ 15 ಜನಕ್ಕಿಂತ ಹೆಚ್ಚು ಆಟಗಾರರು ಒಂದೇ ಹೊತ್ತಿನಲ್ಲಿ ಇರದಂತೆ ನಿಯಮ ರೂಪಿಸಲಾಯಿತು. ಬಹುಮಾನ ವಿತರಣೆಯೂ ವಿಭಿನ್ನವಾಗಿ ನಡೆಯಿತು.

ಸ್ಟ್ಯಾಂಡರ್ಡ್ ಆಪರೇಟಿಂಗ್ ಕಾರ್ಯವಿಧಾನ

ಐಪಿಎಲ್ ವೇಳೆ ಪಾಲಿಸಬೇಕಾದ ಸ್ಟ್ಯಾಂಡರ್ಡ್ ಆಪರೇಟಿಂಗ್ ಕಾರ್ಯವಿಧಾನವನ್ನು ಬೋರ್ಡ್ ಆಫ್ ಕಂಟ್ರೋಲ್ ಫಾರ್ ಕ್ರಿಕೆಟ್ ಇನ್ ಇಂಡಿಯಾ ರೂಪಿಸಿತು. ಇದನ್ನು ಎಲ್ಲಾ ಆಟಗಾರರು, ಬೆಂಬಲ ಸಿಬ್ಬಂದಿಗಳು ಮತ್ತು ಅಧಿಕಾರಿಗಳು ಪಾಲಿಸಬೇಕಿತ್ತು. ಇದರ ಮೂಲಕ ಇಡೀ ಟೂರ್ನಿ ಸುಸೂತ್ರವಾಗಿ ನಡೆಯಲು ಯಶಸ್ವಿಯಾಯಿತು.