IND vs ENG: 4 ವಾರಗಳ ಹಿಂದೆ ಕೇಳಿದ್ರೆ ಭಾರತ ಗೆಲ್ಲುತ್ತೆ ಎನ್ನುತ್ತಿದ್ದೆ, ಈಗ ಹಾಗಿಲ್ಲ ಎಂದ ಇಂಗ್ಲೆಂಡ್ ಕ್ರಿಕೆಟಿಗ

ಕಳೆದ ವರ್ಷವೇ ಸರಣಿ ಮುಗಿದಿದ್ದರೆ ಭಾರತ ಗೆಲ್ಲುತ್ತಿತ್ತು, ಆದರೆ...

ಈ ಕುರಿತಾಗಿ ಪ್ರತಿಕ್ರಿಯಿಸಿರುವ ಮೊಯಿನ್ ಅಲಿ ಭಾರತ ಮತ್ತು ಇಂಗ್ಲೆಂಡ್ ನಡುವಿನ ಈ ಸರಣಿ ಕಳೆದ ವರ್ಷವೇ ಮುಕ್ತಾಯಗೊಂಡಿದ್ದರೆ ಟೀಮ್ ಇಂಡಿಯಾ ಸರಣಿಯನ್ನು ಸುಲಭವಾಗಿ ಗೆಲ್ಲುತ್ತಿತ್ತು, ಆದರೆ ಈಗ ಸಮಯ ಬದಲಾಗಿದೆ ಇಂಗ್ಲೆಂಡ್ ತಂಡ ನ್ಯೂಜಿಲೆಂಡ್ ವಿರುದ್ಧ ಉತ್ತಮ ಪ್ರದರ್ಶನ ನೀಡಿ ಬಲಿಷ್ಠವಾಗಿದೆ ಹಾಗೂ ಭಾರತ ವಿರುದ್ಧದ ಟೆಸ್ಟ್ ಪಂದ್ಯದಲ್ಲಿ ಇಂಗ್ಲೆಂಡ್ ತಂಡ ಮೇಲುಗೈ ಸಾಧಿಸಲಿದೆ ಎಂದು ಹೇಳಿಕೆ ನೀಡಿದ್ದಾರೆ.

4 ವಾರಗಳ ಹಿಂದೆ ಕೇಳಿದ್ದರೂ ಭಾರತವೇ ಗೆಲ್ಲುತ್ತಿತ್ತು ಎನ್ನುತ್ತಿದ್ದೆ

ಇನ್ನೂ ಮುಂದುವರೆದು ಮಾತನಾಡಿರುವ ಮೊಯಿನ್ ಅಲಿ ನಾಲ್ಕೈದು ವಾರಗಳ ಹಿಂದೆ ಕೇಳಿದ್ದರೂ ಸಹ ಟೀಮ್ ಇಂಡಿಯಾವೇ ಪಂದ್ಯವನ್ನು ಗೆಲ್ಲುತ್ತಿತ್ತು ಎನ್ನುತ್ತಿದ್ದೆ, ಆದರೆ ಈಗ ಇಂಗ್ಲೆಂಡ್ ಗೆಲ್ಲುವ ತಂಡವಾಗಿ ರೂಪುಗೊಂಡಿದೆ ಹಾಗೂ ಟೀಮ್ ಇಂಡಿಯಾ ಅರ್ಧಬೆಂದ ತಂಡವಾಗಿದೆ ಎಂದು ಮೊಯಿನ್ ಅಲಿ ತಮ್ಮ ತವರಿನ ತಂಡದ ಬಗ್ಗೆ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.

ಟೀಮ್ ಇಂಡಿಯಾ ನಾಯಕತ್ವದಲ್ಲಿ ಬದಲಾವಣೆ

ಒಂದೆಡೆ ಮೊಯಿನ್ ಅಲಿ ಟೀಮ್ ಇಂಡಿಯಾಗೆ ಗೆಲ್ಲುವ ಅವಕಾಶ ಕಡಿಮೆ ಇದೆ ಎಂಬ ಅಭಿಪ್ರಾಯವನ್ನು ವ್ಯಕ್ತಪಡಿಸಿದ್ದರೆ, ಮತ್ತೊಂದೆಡೆ ಟೀಂ ಇಂಡಿಯಾದ ನಾಯಕ ರೋಹಿತ್ ಶರ್ಮಾ ಕೊರೊನಾ ಸೋಂಕಿಗೆ ಒಳಗಾಗಿರುವ ಕಾರಣ ಇಂಗ್ಲೆಂಡ್ ವಿರುದ್ಧದ ಟೆಸ್ಟ್ ಪಂದ್ಯದಿಂದ ಹೊರಗುಳಿದಿದ್ದಾರೆ ಹಾಗೂ ನಾಯಕತ್ವ ಜಸ್ ಪ್ರೀತ್ ಬೂಮ್ರಾ ಹೆಗಲಿಗೆ ಬಿದ್ದಿದೆ.

ಬುಮ್ರಾ ನಾಯಕತ್ವದ ಟೀಮ್ ಇಂಡಿಯಾ ಸ್ಕ್ವ್ಯಾಡ್ ಹೀಗಿದೆ: ಮಯಾಂಕ್ ಅಗರ್ವಾಲ್, ಶುಭಮನ್ ಗಿಲ್, ವಿರಾಟ್ ಕೊಹ್ಲಿ, ಶ್ರೇಯಸ್ ಅಯ್ಯರ್, ಹನುಮ ವಿಹಾರಿ, ಚೇತೇಶ್ವರ ಪೂಜಾರ, ರಿಷಭ್ ಪಂತ್ (ವಿಕೆಟ್ ಕೀಪರ್), ಕೆ.ಎಸ್ ಭರತ್, ರವೀಂದ್ರ ಜಡೇಜಾ, ಆರ್ ಅಶ್ವಿನ್, ಶಾರ್ದೂಲ್ ಠಾಕೂರ್, ಮೊಹಮ್ಮದ್ ಶಮಿ, ಜಸ್ಪ್ರೀತ್ ಬುಮ್ರಾ ( ನಾಯಕ ), ಪ್ರಸಿದ್ಧ ಕೃಷ್ಣ