ಈ ಅಂಶವೇ ಟೀಂ ಇಂಡಿಯಾ ನಾಯಕ ರೋಹಿತ್ ಶರ್ಮಾ ಬ್ಯಾಟಿಂಗ್ ವೈಫಲ್ಯಕ್ಕೆ ಕಾರಣವಾಯಿತಾ?

ಕಡಿಮೆಯಾಗುತ್ತಿದೆ ಬ್ಯಾಟಿಂಗ್ ಸರಾಸರಿ

ಇತ್ತೀಚಿನ ದಿನಗಳಲ್ಲಿ ರೋಹಿತ್ ಶರ್ಮಾ ಬ್ಯಾಟಿಂಗ್ ಸರಾಸರಿ ತೀವ್ರವಾಗಿ ಕಡಿಮೆಯಾಗುತ್ತಿದೆ. ದೊಡ್ಡ ಮೊತ್ತವನ್ನು ಗಳಿಸುವಲ್ಲಿ ಅವರು ಸತತವಾಗಿ ವಿಫಲವಾಗುತ್ತಿದ್ದಾರೆ. ಫಿಟ್ನೆಸ್ ಸಮಸ್ಯೆಯಿಂದಾಗಿ ಈ ವರ್ಷ ಅವರು ಕೆಲವು ಟೆಸ್ಟ್ ಪಂದ್ಯಗಳನ್ನು ಆಡಲಿಲ್ಲ. ಆದರೆ, ಏಕದಿನ ಮತ್ತು ಟಿ20 ಮಾದರಿಯಲ್ಲಿ ಅವರು ಆಡಿದ ಪಂದ್ಯಗಳಲ್ಲಿ ರನ್ ಗಳಿಸಲು ಸಂಪೂರ್ಣವಾಗಿ ವಿಫಲವಾದರು.

ಈ ವರ್ಷದಲ್ಲಿ ಇದುವರೆಗೂ ಎರಡು ಟೆಸ್ಟ್ ಪಂದ್ಯಗಳನ್ನಾಡಿದ್ದು 90 ರನ್ ಗಳಿಸಿದ್ದಾರೆ. 7 ಏಕದಿನ ಪಂದ್ಯಗಳನ್ನಾಡಿದ್ದು, 198 ರನ್ ಗಳಿಸಿದ್ದಾರೆ, ಇನ್ನು ಈ ವರ್ಷ 29 ಟಿ20 ಪಂದ್ಯಗಳನ್ನಾಡಿರುವ ರೋಹಿತ್ ಶರ್ಮಾ 656 ರನ್ ಗಳಿಸಿದ್ದಾರೆ.

2027ರ ಫುಟ್ಬಾಲ್ ಏಷ್ಯಾಕಪ್ ಆಯೋಜನೆಯಿಂದ ಹಿಂದೆ ಸರಿದ ಭಾರತ; ಸೌದಿ ಅರೇಬಿಯಾಗೆ ಒಲಿದ ಆತಿಥ್ಯ

ರೋಹಿತ್ ಶರ್ಮಾಗೆ ನಾಯಕತ್ವ ಹೊರೆ?

ರೋಹಿತ್ ಶರ್ಮಾ ನಾಯಕನಾದ ನಂತರ ಎರಡು ಟೆಸ್ಟ್ ಪಂದ್ಯಗಳನ್ನು ಆಡಿದ್ದಾರೆ. ತಮ್ಮ ಫಿಟ್ನೆಸ್ ಕಾರಣದಿಂದ ಅವರು ಇನ್ನು ಹೆಚ್ಚಿನ ದಿನ ಟೆಸ್ಟ್ ಪಂದ್ಯವನ್ನು ಆಡಲು ಸಾಧ್ಯವಾಗುವುದಿಲ್ಲ. ರೋಹಿತ್ ಶರ್ಮಾ ಇದುವರೆಗೂ 45 ಟೆಸ್ಟ್ ಪಂದ್ಯಗಳನ್ನು ಆಡಿದ್ದಾರೆ. ಟೆಸ್ಟ್ ಕ್ರಿಕೆಟ್‌ನಲ್ಲಿ ಅವರ ದಾಖಲೆ ಉತ್ತಮವಾಗಿದ್ದರೂ, ನಾಯಕತ್ವ ವಹಿಸಿಕೊಂಡ ನಂತರ ಅವರು ರನ್ ಗಳಿಸಲು ವಿಫಲವಾಗಿರುವುದು ಕೂಡ ಸತ್ಯ.

ಏಕದಿನ ಮಾದರಿಯಲ್ಲಿ ರೋಹಿತ್ ಶರ್ಮಾ ಹಲವು ದಾಖಲೆಗಳನ್ನು ಹೊಂದಿದ್ದಾರೆ. ಏಕದಿನ ಕ್ರಿಕೆಟ್‌ನಲ್ಲಿ ಮೂರು ದ್ವಿಶತಕಗಳನ್ನು ಸಿಡಿಸಿರುವ ಏಕೈಕ ಆಟಗಾರ ಅವರು. ವಿರಾಟ್ ಕೊಹ್ಲಿ ನಾಯಕತ್ವದ ಅವಧಿಯಲ್ಲಿ ವಿಶ್ರಾಂತಿ ಪಡೆದಾಗ ರೋಹಿತ್ ಶರ್ಮಾ ಸ್ಟಾಂಡ್ -ಇನ್ ನಾಯಕನಾಗಿ ಜವಾಬ್ದಾರಿ ತೆಗೆದುಕೊಳ್ಳುತ್ತಿದ್ದರು. ಏಕದಿನ ಕ್ರಿಕೆಟ್‌ನಲ್ಲಿ ಅವರ ಉತ್ತಮ ದಾಖಲೆಯನ್ನು ನೋಡಿದ ನಂತರವೇ ಅವರನ್ನು ವಿರಾಟ್ ಕೊಹ್ಲಿ ನಂತರ ತಂಡಕ್ಕೆ ನಾಯಕನನ್ನಾಗಿ ಆಯ್ಕೆ ಮಾಡಲಾಯಿತು.

ನಾಯಕನಾದ ನಂತರ ಬ್ಯಾಟಿಂಗ್ ಲೆಕ್ಕಾಚಾರ

2022 ರಲ್ಲಿ ರೋಹಿತ್ ಗಾಯದ ಕಾರಣ ಅಥವಾ ವಿಶ್ರಾಂತಿಯ ಕಾರಣದಿಂದಾಗಿ ಹೆಚ್ಚಿನ ಪಂದ್ಯಗಳನ್ನು ಆಡಲಿಲ್ಲ. 7 ಪಂದ್ಯಗಳನ್ನಾಡಿರುವ ಅವರು ಕೇವಲ 2 ಅರ್ಧಶತಕಗಳನ್ನು ಗಳಿಸಿದ್ದಾರೆ. 2018ರ ನಂತರ ಮೊದಲ ಬಾರಿಗೆ ಅವರ ಸರಾಸರಿ 40ಕ್ಕಿಂತ ಕಡಿಮೆಯಾಗಿದೆ.

ರೋಹಿತ್ ಶರ್ಮಾ ನಾಯಕತ್ವದಲ್ಲಿ ಭಾರತ ಹಲವು ದ್ವಿಕಪಕ್ಷೀಯ ಸರಣಿಗಳನ್ನು ಗೆದ್ದುಕೊಂಡರು ಕೂಡ ಏಷ್ಯಾಕಪ್ ಮತ್ತು ಟ20 ವಿಶ್ವಕಪ್‌ ಗೆಲ್ಲುವಲ್ಲಿ ವಿಫಲವಾಗಿದೆ. ರೋಹಿತ್ ಶರ್ಮಾ ಟಿ20 ಮಾದರಿಯಲ್ಲಿ ಕೂಡ ಸಾಕಷ್ಟು ರನ್ ಬರ ಅನುಭವಿಸಿದರು. ಏಷ್ಯಾಕಪ್ ಮತ್ತು ವಿಶ್ವಕಪ್‌ನಲ್ಲಿ ಅವರಿಂದ ಯಾವುದೇ ಉತ್ತಮ ಇನ್ನಿಂಗ್ಸ್ ಬರಲಿಲ್ಲ.

2022ರಲ್ಲಿ ರೋಹಿತ್ ಶರ್ಮಾರಿಂದ ಯಾವುದೇ ಉತ್ತಮ ಇನ್ನಿಂಗ್ಸ್ ಬಂದಿಲ್ಲ. ಉತ್ತಮವಾಗಿ ಆರಂಭ ಪಡೆದರು ಕೂಡ ಅವರು ಬೇಗನೆ ಔಟಾಗುವ ಮೂಲಕ ನಿರಾಸೆ ಮೂಡಿಸಿದ್ದಾರೆ. 2023ರಲ್ಲಿ ನಡೆಯುವ ಏಕದಿನ ವಿಶ್ವಕಪ್‌ಗೆ ಕೂಡ ರೋಹಿತ್ ಶರ್ಮಾ ನಾಯಕರಾಗಿರಲಿದ್ದಾರೆ. ಭಾರತಕ್ಕೆ ನಾಯಕನೇ ಸಮಸ್ಯೆಯಾಗುವ ಮುನ್ನ ರೋಹಿತ್ ಶರ್ಮಾ ತಮ್ಮ ಫಾರ್ಮ್ ಕಂಡುಕೊಳ್ಳಬೇಕಿದೆ.