ಅವೇರ್ ಫೌಂಡೇಶನ್ಗೆ ದೇಣಿಗೆ
'ನನ್ನ ಕ್ರಿಕೆಟ್ ಪ್ಯಾಡ್ಗಳು, ಗ್ಲೌಸ್ಗಳು, ಹೆಲ್ಮೆಟ್ಗಳು ಮತ್ತು ಕೆಲವು ಜೆರ್ಸಿಗಳನ್ನು ನಮ್ಮ ಸಹಯೋಗ ಪಾಲುದಾರ ಭಾರತ್ ಆರ್ಮಿಗೆ ಕೊಡುಗೆಯಾಗಿ ನೀಡಲು ಬಯಸಿದ್ದೇನೆ. ಅವರು ಇವೆಲ್ಲವನ್ನೂ ಹರಾಜಿಗಿಟ್ಟು ಅವೇರ್ ಫೌಂಡೇಶನ್ಗೆ ದೇಣಿಗೆ ಸಂಗ್ರಹಿಸಲಿದ್ದಾರೆ,' ಎಂದು ರಾಹುಲ್ ಹೇಳಿದ್ದಾರೆ.
ಬೇರೆ ದಾರಿ ನನಗೆ ಕಾಣಿಸುತ್ತಿಲ್ಲ
'ಅವೇರ್ ಫೌಂಡೇಶನ್ ಬಡ ಮಕ್ಕಳಿಗೆ ಸಹಾಯ ಮಾಡುತ್ತಿದೆ. ಹೀಗಾಗಿ ಈ ನಿರ್ಧಾರ ನನ್ನ ಪಾಲಿಗೆ ವಿಶೇಷವೆನಿಸಿದೆ. ಮಕ್ಕಳಿಗೆ ನೆರವು ನೀಡುವುದಕ್ಕಾಗಿ ಇದಕ್ಕಿಂತ ಉತ್ತಮವಾದ ಬೇರೆ ದಾರಿ ನನಗೆ ಕಾಣಿಸುತ್ತಿಲ್ಲ,' ಎಂದು ರಾಹುಲ್ ಖುಷಿ ತೋರಿಕೊಂಡಿದ್ದಾರೆ.
ಯಾವತ್ತಿಂದ ಹರಾಜು ಆರಂಭ?
ಕೆಎಲ್ ರಾಹುಲ್ ಅವರ ಕ್ರಿಕೆಟ್ ಸಾಮಗ್ರಿಗಳಿಗೆ ಸೋಮವಾರ (ಏಪ್ರಿಲ್ 20)ದಿಂದ ಹರಾಜು ಆರಂಭವಾಗಲಿದೆ. ಹರಾಜಿಗಿಟ್ಟ ವಸ್ತುಗಳಲ್ಲಿ ರಾಹುಲ್ ಸಹಿಯಿರುವ 2019ರ ವಿಶ್ವಕಪ್ ಬ್ಯಾಟ್, ಟೆಸ್ಟ, ಏಕದಿನ ಮತ್ತು ಟಿ20 ಪಂದ್ಯಗಳ ಜೆರ್ಸಿ, ಬ್ಯಾಟಿಂಗ್ ಗ್ಲೌಸ್, ಹೆಲ್ಮೆಟ್ ಇರಲಿದೆ.
ರಾಹುಲ್ ಪ್ರೀತಿಯ ಸಂದೇಶ
'ಹರಾಜಿನತ್ತ ಹೋಗಿ, ನನ್ನ ಮತ್ತು ಮಕ್ಕಳತ್ತ ಕೊಂಚ ಪ್ರೀತಿ ತೋರಿಸಿ. ಇಂಥ ಸಂಕಷ್ಟದ ಸಮಯದಲ್ಲಿ ನಾವೆಲ್ಲರೂ ಗಟ್ಟಿಯಾಗಬೇಕು. ನಾವೆಲ್ಲರೂ ಧೈರ್ಯದಿಂದಲೇ ಈ ಸಂದರ್ಭವನ್ನು ಎದುರಿಸಬೇಕಿದೆ,' ಎಂದು ಕೆಎಲ್ ರಾಹುಲ್ ಚಂದದ ಸಂದೇಶ ಅಭಿಮಾನಿಗಳಿಗೆ ನೀಡಿದ್ದಾರೆ.