58 ಸ್ಥಾನ ಜಿಗಿದ ಪೆರೆರಾ
ಶ್ರೀಲಂಕಾ ಬ್ಯಾಟ್ಸ್ಮನ್ ಕುಸಾಲ್ ಪೆರೆರಾ ಬರೋಬ್ಬರಿ 58 ಸ್ಥಾನಗಳ ಜಿಗಿತ ಕಾಣುವ ಮೂಲಕ ಗಮನ ಸೆಳೆದಿದ್ದಾರೆ. ದಕ್ಷಿಣ ಆಫ್ರಿಕಾ ಪ್ರವಾಸದಲ್ಲಿರುವ ಶ್ರೀಲಂಕಾ ಶನಿವಾರ (ಫೆ.16) ಆತಿಥೇಯ ಆಫ್ರಿಕಾ ವಿರುದ್ಧ ಮೊದಲ ಟೆಸ್ಟ್ ನಲ್ಲಿ 1 ವಿಕೆಟ್ ಗೆಲುವನ್ನಾಚರಿಸಿತ್ತು. ಇದರಲ್ಲಿ ಪೆರೆರಾ 51 ಮತ್ತು ಅಜೇಯ 153 ರನ್ ಬಾರಿಸಿದ್ದರು. ಪೆರೆರಾ ಈ ಸಾಧನೆ ರ್ಯಾಂಕಿಂಗ್ ನಲ್ಲಿ 40ನೇ ಸ್ಥಾನ ಪಡೆಯಲು ನೆರವಾಗಿದೆ.
ಸ್ಮಿತ್ಗೆ 4ನೇ ಸ್ಥಾನ
ಇನ್ನುಳಿದಂತೆ ಟೆಸ್ಟ್ ಬ್ಯಾಟಿಂಗ್ ರ್ಯಾಂಕಿಂಗ್ನಲ್ಲಿ ನಿಷೇಧಿಕ ಆಟಗಾರ ಸ್ಟೀವ್ ಸ್ಮಿತ್ (ಆಸ್ಟ್ರೇಲಿಯಾ), ಹೆನ್ರಿ ನಿಕೋಲ್ಸ್ (ಆಸೀಸ್), ಜೋ ರೂಟ್ (ಇಂಗ್ಲೆಂಡ್), ಡೇವಿಡ್ ವಾರ್ನರ್ (ಆಸ್ಟ್ರೇಲಿಯಾ), ಕ್ವಿಂಟನ್ ಡಿಕಾಕ್ (ಸೌತ್ ಆಫ್ರಿಕಾ), ಏಡನ್ ಮಾರ್ಕ್ರಮ್ (ಸೌತ್ ಆಫ್ರಿಕಾ) ಮತ್ತು ದಿಮಿತ್ ಕರುಣರತ್ನೆ (ಶ್ರೀಲಂಕಾ) ಕ್ರಮವಾಗಿ 4ರಿಂದ 10ರೊಳಗೆ ಸ್ಥಾನ ಪಡೆದಿದ್ದಾರೆ.
ಪ್ಯಾಟ್ ಕಮಿನ್ಸ್ ಮೊದಲಿಗ
ಟೆಸ್ಟ್ ಬೌಲಿಂಗ್ ರ್ಯಾಂಕಿಂಗ್ನಲ್ಲಿ ಆಸ್ಟ್ರೇಲಿಯಾದ ಪ್ಯಾಟ್ ಕಮಿನ್ಸ್ ನಂ.1 ಸ್ಥಾನಿಗ. ಇನ್ನು ಇಂಗ್ಲೆಂಡ್ ನ ಜೇಮ್ಸ್ ಆ್ಯಂಡರ್ಸನ್, ದಕ್ಷಿಣ ಆಫ್ರಿಕಾದ ಕಾಗಿಸೋ ರಬಾಡಾ, ಆಫ್ರಿಕಾದ ವರ್ನನ್ ಫಿಲಾಂಡರ್, ಭಾರತದ ರವೀಂದ್ರ ಜಡೇಜಾ ಮೊದಲ ಐದು ಸ್ಥಾನಗಳಲ್ಲಿದ್ದಾರೆ.
ಜಡೇಜಾ 3ನೇ ಆಲ್ ರೌಂಡರ್
ಇನ್ನು ಆಲ್ ರೌಂಡರ್ಗಳಲ್ಲಿ ಜೇಸನ್ ಹೋಲ್ಡರ್ (ವೆಸ್ಟ್ ಇಂಡೀಸ್), ಶಕೀಬ್ ಅಲ್ ಹಸನ್ (ಬಾಂಗ್ಲಾದೇಶ), ರವೀಂದ್ರ ಜಡೇಜಾ (ಭಾರತ), ಬೆನ್ ಸ್ಟೋಕ್ಸ್ (ಇಂಗ್ಲೆಂಡ್), ವರ್ನನ್ ಫಿಲಾಂಡರ್ (ದಕ್ಷಿಣ ಆಫ್ರಿಕಾ) ಆರಂಭಿಕ ಐದರೊಳಗೆ ಸ್ಥಾನ ಪಡೆದುಕೊಂಡಿದ್ದಾರೆ.