ತಾಳ್ಮೆಯ ಪ್ರತಿರೂಪದಂತಿರುವ ಕಿವೀಸ್ ನಾಯಕ ಕೇನ್ ವಿಲಿಯಮ್ಸನ್
ಸದ್ಯದ ವಿಶ್ವ ಕ್ರಿಕೆಟ್ ನ ನಾಯಕರ ಪೈಕಿ ತಾಳ್ಮೆಯ ಪ್ರತಿರೂಪದಂತಿರುವ ಕಿವೀಸ್ ನಾಯಕ ಕೇನ್ ವಿಲಿಯಮ್ಸನ್ ಅವರನ್ನು ಅನಾವಶ್ಯಕವಾಗಿ ಕೊಹ್ಲಿ ಕೆಣಕಿ, ಸಾಮಾಜಿಕ ತಾಣದಲ್ಲಿ ತೀವ್ರ ಟೀಕೆಗೆ ಒಳಗಾಗಿದ್ದಾರೆ. ಎರಡನೇ ದಿನದ ಆಟದಲ್ಲಿ ವಿಲಿಯಮ್ಸನ್, ಬುಮ್ರಾಗೆ ವಿಕೆಟ್ ಒಪ್ಪಿಸಿ, ಪೆವಲಿಯನ್ ಕಡೆಗೆ ನಡೆದು ಹೋಗುತ್ತಿದ್ದಾಗ ಕೊಹ್ಲಿ ಕೆಟ್ಟದಾಗಿ ವರ್ತಿಸಿದ್ದರು.
ವಿಲಿಯಮ್ಸನ್ ಜೊತೆಗಿನ ಕೊಹ್ಲಿ ಸ್ನೇಹ
ಆದರೆ, ಇದಕ್ಕೆ ಯಾವುದೇ ವಿರೋಧ ತೋರದ ವಿಲಿಯಮ್ಸನ್ ಎಂದಿನಂತೆ, ಮೌನದಿಂದಲೇ ಪೆವಲಿಯನ್ ಅತ್ತ ತೆರಳಿದರು. ವಿಲಿಯಮ್ಸನ್ ಜೊತೆಗಿನ ಸ್ನೇಹವನ್ನು ಹಲವು ರೀತಿಯಲ್ಲಿ ಈ ಹಿಂದೆ ಕೊಹ್ಲಿ ಪ್ರದರ್ಶಿಸಿದ್ದರು. ಆದರೆ, ಕ್ರೈಸ್ಟ್ ಚರ್ಚ್ ಮೈದಾನದಲ್ಲಿ ಕೊಹ್ಲಿ ವರ್ತನೆ ವ್ಯಾಪಕ ವಿರೋಧ ವ್ಯಕ್ತವಾಗಿದೆ. ಇದೊಂದೇ ಅಲ್ಲಾ..
ಅದ್ಯಾರ ಕಣ್ ಬಿತ್ತೋ ಏನೋ? ವಿರಾಟ್ ಕೊಹ್ಲಿಗೆ ಏನಾಗಿದೆ, ಅವರ ಬ್ಯಾಟಿಗೆ ಏನಾಗಿದೆ?
|
ಪ್ರೇಕ್ಷಕರಿಗೆ ಬಾಯಿ ಮುಚ್ಚಿ ಕೂತುಕೊಳ್ಳುವಂತೆ ಕೈಸನ್ನೆ
ಇದಲ್ಲದೇ ಕಿವೀಸ್ ಆರಂಭಿಕ ಆಟಗಾರ ಟಾಮ್ ಲೇಥಮ್, ಮೊಹಮ್ಮದ್ ಶಮಿ ಎಸೆತಕ್ಕೆ ಬೌಲ್ಡ್ ಆದಾಗಲೂ, ಕೊಹ್ಲಿ, ಅವಾಚ್ಯ ಶಬ್ದಗಳಿಂದ ನಿಂದಿಸಿದ್ದರು. ಜೊತೆಗೆ, ಪ್ರೇಕ್ಷಕರಿಗೆ ಬಾಯಿ ಮುಚ್ಚಿ ಕೂತುಕೊಳ್ಳುವಂತೆ ಕೈಸನ್ನೆ ಮಾಡಿದ್ದರು. ಇದು, ವ್ಯಾಪಕ ಟೀಕೆಗೆ ಒಳಗಾಗಿದೆ.
ವಿಶ್ವಕಪ್ ಸೆಮಿಫೈನಲ್ ನ ಸೋಲಿನ ಸೇಡನ್ನು ತೀರಿಸಿಕೊಳ್ಳಲು ಪ್ರಯತ್ನಿಸುತ್ತೀರಾ
ನ್ಯೂಜಿಲ್ಯಾಂಡ್ ಪ್ರವಾಸಕ್ಕೆ ಹೊರಡುವ ವೇಳೆ ಟೀಂ ಇಂಡಿಯಾದ ನಾಯಕ ಕೊಹ್ಲಿಯನ್ನು ಮಾಧ್ಯಮದವರು, ವಿಶ್ವಕಪ್ ಸೆಮಿಫೈನಲ್ ನ ಸೋಲಿನ ಸೇಡನ್ನು ತೀರಿಸಿಕೊಳ್ಳಲು ಪ್ರಯತ್ನಿಸುತ್ತೀರಾ ಎನ್ನುವ ಪ್ರಶ್ನೆಗೆ, "ಆ ರೀತಿಯ ಯಾವುದೇ ಯೋಚನೆ ನಮಗಿಲ್ಲ. ಉತ್ತಮ ಕ್ರಿಕೆಟ್ ಆಡುವುದಷ್ಟೇ ನಮ್ಮ ಗುರಿ" ಎಂದು ಕೊಹ್ಲಿ ಹೇಳಿದ್ದರು. ಈಗ, ಮೈದಾನದಲ್ಲಿ ಕೆಟ್ಟದಾಗಿ ವರ್ತಿಸುವ ಮೂಲಕ, ಕೊಹ್ಲಿ ಕೊಟ್ಟ ಮಾತನ್ನು ಉಳಿಸಿಕೊಳ್ಳಲಿಲ್ಲ.