"ಆತ ರವೀಂದ್ರ ಜಡೇಜಾ ಸ್ಥಾನವನ್ನು ಆಕ್ರಮಿಸಿಕೊಳ್ಳಬಲ್ಲ ಆಟಗಾರ"

ಆಸಿಸ್ ಬಳಿಕ ಇಂಗ್ಲೆಂಡ್ ವಿರುದ್ಧ ಪ್ರದರ್ಶನ

ವಾಶಿಂಗ್ಟನ್ ಸುಂದರ್ ಆಸ್ಟ್ರೇಲಿಯಾ ವಿರುದ್ಧದ ಟೆಸ್ಟ್ ಸರಣಿಯ ಅಂತಿಮ ಪಂದ್ಯದಲ್ಲಿ ಟೀಮ್ ಇಂಡಿಯಾಗೆ ಪದಾರ್ಪಣೆ ಮಾಡಿ ತಂಡ ಸಂಕಷ್ಟದಲ್ಲಿದ್ದಾಗ ಅತ್ಯಂತ ನಿರ್ಣಾಯಕ ಪ್ರದರ್ಶನವನ್ನು ನಿಡಿದ್ದರು. ಶಾರ್ದೂಲ್ ಠಾಕೂರ್ ಜೊತೆ ಸೇರಿ ಶತಕದ ಜೊತೆಯಾಟವಾಡಿದ ಸುಂದರ್ ಮೊದಲ ಪಂದ್ಯದಲ್ಲಿ ಅರ್ಧ ಶತಕವನ್ನು ಸಿಡಿಸಿ ಮಿಂಚಿದ್ದರು. ಈಗ ಇಂಗ್ಲೆಂಡ್ ಈ ಪ್ರದರ್ಶನದ ನಂತರ ಇಂಗ್ಲೆಂಡ್ ವಿರುದ್ಧದ ಸರಣಿಗೂ ಆಯ್ಕೆಯಾದ ಸುಂದರ್ ಮೊದಲ ಪಂದ್ಯದ ಮೊದಲ ಇನ್ನಿಂಗ್ಸ್‌ನಲ್ಲಿ 85 ರನ್‌ಗಳ ಅಜೇಯ ಕೊಡುಗೆಯನ್ನು ನೀಡಿ ತನ್ನ ಬ್ಯಾಟಿಂಗ್ ಕೌಶಲ್ಯವನ್ನು ಪ್ರದರ್ಶಿಸಿದರು.

ಮೂರು ಇನ್ನಿಂಗ್ಸ್‌ನಲ್ಲಿ ಎರಡು ಅರ್ಧ ಶತಕ

ವಾಶಿಂಗ್ಟನ್ ಸುಂದರ್ ತಾನು ಆಡಿದ ಮೂರು ಇನ್ನಿಂಗ್ಸ್‌ಗಳಲ್ಲಿ ಎರಡು ಅರ್ಧ ಶತಕವನ್ನು ಸಿಡಿಸಿ ಮಿಂಚಿದ್ದಾರೆ. ಈ ಎರಡು ಅರ್ಧ ಶತಕಗಳು ಕೂಡ ತಂಡ ಸಂಕಷ್ಟದ ಸಂದರ್ಭದಲ್ಲಿದ್ದಾ ಬಂದಿದೆ ಎಂಬುದು ಮತ್ತೊಂದು ಗಮನಾರ್ಹ ಸಂಗತಿ. ಹೀಗಾಗಿ ವಾಶಿಂಗ್ಟನ್ ಸುಂದರ್ ಬ್ಯಾಟಿಂಗ್ ಬಗ್ಗೆ ದಿಗ್ಗಜ ಆಟಗಾರರು ಕೂಡ ಪ್ರಶಂಸೆಯನ್ನು ವ್ಯಕ್ತಪಡಿಸುತ್ತಿದ್ದಾರೆ.

ಆತನೋರ್ವ ಅದ್ಭುತ ಆಟಗಾರ

"ವಾಶಿಂಗ್ಟನ್ ಸುಂದರ್ ಓರ್ವ ಅದ್ಭುತವಾದ ಆಟಗಾರ. ಆತ ತನ್ನ ಬೌಲಿಂಗ್‌ನ ಕಾರಣದಿಂದ ಆಯ್ಕೆಯಾಗಿ ಏಳನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್‌ಗೆ ಇಳಿಯುತ್ತಾನೆ ಎಂಬುದು ಅರಿವಿಲ್ಲದಿದ್ದರೆ ಆತನೋರ್ವ ಅಗ್ರ ಕ್ರಮಾಂಕದ ಬ್ಯಾಟ್ಸ್‌ಮನ್ ಎಂದು ನೀವು ಹೇಳುತ್ತೀರಿ. ಜಾಕ್ ಲೀ್ ಬೌಲಿಂಗ್‌ಗೆ ಅದ್ಭುತವಾದ ಬ್ಯಾಟಿಂಗ್ ಪ್ರದರ್ಶಿಸಿದರು. ಅದು ಇನ್ನಿಂಗ್ಸ್‌ನ ಟ್ರೇಡ್ ಮಾರ್ಕ್ ಆಗಿದೆ. ಆತನೋರ್ವ ತುಂಬಾ ಪ್ರತಿಭಾವಂತ ಆಟಗಾರ" ಎಂದು ಇಂಗ್ಲೆಂಡ್ ಕ್ರಿಕೆಟ್ ತಂಡದ ಮಾಜಿ ಆಟಗಾರ ಮಾರ್ಕ್ ಬಚರ್ ಹೇಳಿದ್ದಾರೆ.

ದಿನದ ಸುಂದರ ಶಾಟ್ ಬಾರಿಸಿದ ಸುಂದರ್

"ಡಾಮ್ ಬೆಸ್ ಅವರ ದುರ್ಬಲ ಎಸೆತಗಳನ್ನು ಸುಲಭವಾಗಿ ಸುಂದರ್ ದಂಡಿಸುತ್ತಿದ್ದರು. ವಿಕೆಟ್‌ನಿಂದ ಆಚೆ ಬಂದ ಎಸೆತಗಳನ್ನು ಅವರು ಬಿಡುತ್ತಲೇ ಇರಲಿಲ್ಲ. ಡಾಮ್ ಬೆಸ್ ಬಳಲಿದಂತೆ ಕಂಡು ಬಂದಿದ್ದರು. ಜೋಫ್ರಾ ಆರ್ಚರ್ ಎಸೆತಕ್ಕೆ ಸುಂದರವಾಗಿ ಬಾರಿಸಿದ ಡ್ರೈವ್ ದಿನದ ಅತ್ಯುತ್ತಮ ಶಾಟ್ ಆಗಿತ್ತು" ಎಂದು ವಾಶಿಂಗ್ಟನ್ ಸುಂದರ್ ಪ್ರದರ್ಶನದ ಬಗ್ಗೆ ಮಾರ್ಕ್ ಬಚರ್ ಪ್ರಶಂಸೆಯ ಮಾತುಗಳನ್ನು ಆಡಿದ್ದಾರೆ.