ವಿಶ್ವ ನಂ. 1 ಸರಾಸರಿ ಸಾಧನೆ
ಬ್ಯಾಟ್ಸ್ಮನ್ ಮತ್ತು ಸಾಂದರ್ಭಿಕವಾಗಿ ಆಫ್ ಸ್ಪಿನ್ ಬೌಲಿಂಗ್ ಕೂಡ ಎಸೆಯುವ ಹನುಮ ವಿಹಾರಿ ಈ ಮೊದಲು ಭಾರತ ಅಂಡರ್ -19 ತಂಡದ ಸದಸ್ಯ. ಅದ್ಭುತ ಪ್ರದರ್ಶನ ತೋರಿರುವ ವಿಹಾರಿ ದೇಸಿ ಕ್ರಿಕೆಟ್ ನಲ್ಲಿ 59.79 ರನ್ ಸರಾಸರಿ ಹೊಂದಿದ್ದಾರೆ. ಈಗಿರುವ ಆಟಗಾರರನ್ನು ಪರಿಗಣಿಸಿದರೆ ವಿಶ್ವ ಮಟ್ಟದಲ್ಲಿ ಸ್ಟೀವ್ ಸ್ಮಿತ್ ಅವರು ದೇಸೀ ಕ್ರಿಕೆಟ್ ನಲ್ಲಿ ದ್ವಿತೀಯ ಸ್ಥಾನದ ಸರಾಸರಿ (57.27) ಹೊಂದಿದ್ದಾರೆ.
ಮಯಾಂಕ್ ಹಿಂದಿಕ್ಕಿದ ಹನುಮ
5ನೇ ಟೆಸ್ಟ್ ಗೆ ವಿಹಾರಿ ಆಯ್ಕೆ ಆದಾಗ ಕ್ರೀಡಾವಲಯದಲ್ಲಿ ಸಾಕಷ್ಟು ಮಂದಿ ಹುಬ್ಬೇರಿಸಿದ್ದರು. ಕಾರಣ ಮಯಾಂಕ್ ಅಗರ್ವಾಲ್ ಬದಲು ವಿಹಾರಿ ರೇಸ್ ಗೆದ್ದಿದ್ದರು. ಸಾಧನೆ ಪರಿಗಣಿಸಿದರೂ ವಿಹಾರಿಯೇ ಮುಂದೆ ನಿಲ್ಲುತ್ತಾರೆ. ಮಯಾಂಕ್ 2017-18ರ ದೇಸಿ ಕ್ರಿಕೆಟ್ ಸೀಸನ್ ನಲ್ಲಿ 2000 ರನ್ ಸಾಧನೆ ಹೊಂದಿದ್ದರೆ ಹನುಮ ಅವರು ಕೇವಲ 94 ಪಂದ್ಯಗಳಲ್ಲಿ 752 ರನ್ ಸಾಧನೆ ಮಾಡಿದ್ದಾರೆ.
ಹೆಚ್ಚು ಗಮನ ಸೆಳೆದಿದ್ದು
ದೇಶೀಯ ಕ್ರಿಕೆಟ್ ನಲ್ಲಿ ಆಂಧ್ರ ಪ್ರದೇಶವನ್ನು ಪ್ರತಿನಿಧಿಸುತ್ತಿರುವ ಹನುಮ ವಿಹಾರಿ ಬೆಂಗಳೂರಿನಲ್ಲಿ ನಡೆದ ದಕ್ಷಿಣ ಆಫ್ರಿಕಾ ಎ ವಿರುದ್ಧದ ನಾಲ್ಕನೇ ದಿನದಾಟದಲ್ಲಿ 148 ರನ್ ಪೇರಿಸಿ ತಂಡದ ಗೆಲುವಿಗೆ ಕಾರಣರಾಗಿದ್ದು ಹೆಚ್ಚು ಗಮನ ಸೆಳೆದಿತ್ತು.
ಸವಾಲಿಗೆ ಸಜ್ಜಾಗಿದ್ದೇನೆ
'ನನಗೂ ಮತ್ತು ನನ್ನ ಕುಟುಂಬಕ್ಕೂ ಅತ್ಯಪೂರ್ವ ಕ್ಷಣವಿದು. ದೇಸೀ ಕ್ರಿಕೆಟ್ ನಲ್ಲಿ ನಾನು ಕಳೆದ ಕೆಲವು ವರ್ಷ ಚೆನ್ನಾಗಿ ಆಡಿದ್ದೆ. ಆದ್ರೆ ಟೀಮ್ ಇಂಡಿಯಾಕ್ಕೆಇಷ್ಟು ಬೇಗ ನನ್ನ ಕರೆಯುತ್ತಾರೆಂದು ಅಂದುಕೊಂಡಿರಲಿಲ್ಲ. ನಾನು ಸವಾಲು ಸ್ವೀಕರಿಸಲು ಸಜ್ಜಾಗಿದ್ದೇನೆ' ಎಂದು ಗದೆ ಹನುಮ ವಿಹಾರಿ ಅವರು ವಿರಾಟ್ ಕೊಹ್ಲಿಯಿಂದ ಕ್ಯಾಪ್ ಯೀಸಿಕೊಳ್ಳುತ್ತಾ ಸಂತಸ ವ್ಯಕ್ತಪಡಿಸಿದರು.