ಮಹಿಳಾ ಏಷ್ಯಾ ಕಪ್ ಸೆಮಿಫೈನಲ್: ಭಾರತ vs ಥಾಯ್ಲೆಂಡ್: ಆಡುವ ಬಳಗ

ಥಾಯ್ಲೆಂಡ್ ಐತಿಹಾಸಿಕ ಸಾಧನೆ

ಇತ್ತ ಥಾಯ್ಮೆಂಡ್ ತಂಡ ಈ ಬಾರಿಯ ಏಷ್ಯಾ ಕಪ್ ಟೂರ್ನಿಯಲ್ಲಿ ಅಮೋಘ ಪ್ರದರ್ಶನ ನೀಡುವ ಮೂಲಕ ಸೆಮಿಫೈನಲ್‌ಗೆ ಪ್ರವೇಶ ಪಡೆಯುವ ಮೂಲಕ ಮಹತ್ವದ ಸಾಧನೆ ಮಾಡಿದೆ. ಬಾಂಗ್ಲಾದೇಶ, ಯುಎಇ ಹಾಗೂ ಮಲೇಷ್ಯಾ ತಂಡಗಳನ್ನು ಮಣಿಸಿ ಸೆಮಿಫೈನಲ್‌ಗೆ ಪ್ರವೇಶ ಪಡೆದಿದ್ದು ಇದೇ ಮೊದಲ ಬಾರಿಗೆ ಈ ಸಾಧನೆ ಮಾಡಿದಂತಾಗಿದೆ. ಇನ್ನು ಲೀಗ್ ಹಂತದಲ್ಲಿ ಪಾಕಿಸ್ತಾನ ತಂಡಕ್ಕೆ ಸೋಲುಣಿಸುವ ಮೂಲಕ ಬಲಿಷ್ಠ ತಂಡಕ್ಕೂ ಆಘಾತ ನೀಡಿತ್ತು.

ಫೈನಲ್ ಮೇಲೆ ಭಾರತದ ಕಣ್ಣು

ಇನ್ನು ಭಾರತ ಮಹಿಳಾ ತಂಡ ಲೀಗ್ ಹಂತದಲ್ಲಿ ಉತ್ತಮ ಪ್ರದರ್ಶನ ನೀಡಿ ಮಿಂಚಿದ್ದು ಫೈನಲ್ ಹಂತಕ್ಕೇರುವ ಆತ್ಮವಿಶ್ವಾಸದಲ್ಲಿದೆ. ಲೀಗ್ ಹಂತದಲ್ಲಿ ಥಾಯ್ಲೆಂಡ್ ತಂಡಕ್ಕೆ ಹೀನಾಯ ಸೋಲಿನ ರುಚಿ ತೋರಿಸಿದ್ದ ಭಾರತದ ವನಿತೆಯರು ಅಂಥಾದ್ದೇ ಪ್ರದರ್ಶನ ಮತ್ತೆ ನೀಡುವ ವಿಶ್ವಾಸದಲ್ಲಿದ್ದಾರೆ. ನಾಯಕಿ ಹರ್ಮನ್‌ಪ್ರೀತ್, ಜಮಿಮಾ ರೋಡ್ರಿಗಸ್, ಸ್ಮೃತಿ ಮಂಧಾನ ಉತ್ತಮ ಫಾರ್ಮ್‌ನಲ್ಲಿರುವುದು ತಂಡದ ಆತ್ಮವಿಶ್ವಾಸ ಹೆಚ್ಚಿಸಿದೆ. ಭಾರತದ ಬೌಲಿಂಗ್ ವಿಭಾಗ ಥಾಯ್ಲೆಂಡ್‌ಗೆ ಸಂಕಷ್ಟವನ್ನು ಮಾಡುವುದರಲ್ಲಿ ಅನುಮಾನವಿಲ್ಲ.

ಇತ್ತಂಡಗಳ ಆಡುವ ಬಳಗ

ಭಾರತ ಆಡುವ ಬಳಗ: ಶಫಾಲಿ ವರ್ಮಾ, ಸ್ಮೃತಿ ಮಂಧಾನ, ಜೆಮಿಮಾ ರಾಡ್ರಿಗಸ್, ಹರ್ಮನ್‌ಪ್ರೀತ್ ಕೌರ್ (ನಾಯಕಿ), ರಿಚಾ ಘೋಷ್ (ವಿಕೆಟ್ ಕೀಪರ್), ಪೂಜಾ ವಸ್ತ್ರಾಕರ್, ದೀಪ್ತಿ ಶರ್ಮಾ, ಸ್ನೇಹ ರಾಣಾ, ರಾಧಾ ಯಾದವ್, ರೇಣುಕಾ ಸಿಂಗ್, ರಾಜೇಶ್ವರಿ ಗಾಯಕ್ವಾಡ್
ಬೆಂಚ್: ಸಬ್ಬಿನೇನಿ ಮೇಘನಾ, ಮೇಘನಾ ಸಿಂಗ್, ಕಿರಣ್ ನವಗಿರೆ, ದಯಾಳನ್ ಹೇಮಲತಾ

ಥಾಯ್ಕೆಂಡ್ ಆಡುವ ಬಳಗ: ನನ್ನಪತ್ ಕೊಂಚರೊಯೆಂಕೈ (ವಿಕೆಟ್ ಕೀಪರ್), ನತ್ತಕನ್ ಚಂತಮ್, ನರುಯೆಮೊಲ್ ಚೈವಾಯ್ (ನಾಯಕಿ), ಚನಿದಾ ಸುತ್ತಿರುಯಾಂಗ್, ಸೊರ್ನರಿನ್ ಟಿಪ್ಪೊಚ್, ಫನ್ನಿತಾ ಮಾಯಾ, ರೋಸೆನನ್ ಕಾನೋಹ್, ನಟ್ಟಾಯ ಬೂಚತಮ್, ಒನ್ನಿಚಾ ಕಮ್ಚೊಂಫು, ತಿಪತ್ಚಾ ಪುಟ್ಟವಾಂಗ್, ನಂತಿತ ಬೂನ್ಸುಖಂ
ಬೆಂಚ್: ಬಂತಿದಾ ಲೀಫತ್ತನಾ, ಸುನಿದಾ ಚತುರೋಂಗ್ರಟ್ಟನಾ, ಅಫಿಸರ ಸುವಾಂಚೊನ್ರಾತಿ, ಸುವನನ್ ಖಿಯಾಟೊ, ಸುಲೀಪೋರ್ನ್ ಲಾವೋಮಿ