ಫಿಫಾ ರಾಂಕಿಂಗ್ನಲ್ಲಿ 79ನೇ ಸ್ಥಾನ
ಫಿಫಾ ರಾಂಕಿಂಗ್ನಲ್ಲಿ 79ನೇ ಸ್ಥಾನದಲ್ಲಿರುವ ಯುಎಇ ಗ್ರೂಪ್ ಎ ತಂಡದಲ್ಲಿ ಭಾರತಕ್ಕೆ ಕಠಿಣ ಸವಾಲನ್ನು ನೀಡಬಲ್ಲ ತಂಡವಾಗಿದೆ. ಅನಿರುಧ್ ಥಾಪಾ ಹಾಗೂ ಪ್ರಣೋಯ್ ಹಾಲ್ದರ್ ಅವರು ಮಿಡ್ಫೀಲ್ಡ್ ವಿಭಾಗದಲ್ಲಿ ಉತ್ತಮ ಪ್ರದರ್ಶನ ತೋರುತ್ತಿದ್ದು, ಯುಎಇ ತಂಡಕ್ಕೆ ಕಠಿಣ ಸವಾಲು ನೀಡುವ ಆಟಗಾರರು.
ಯುಎಇಯ ಕಠಿಣ ಸವಾಲು
ಭಾರತ ತಂಡ ಬ್ಯಾಕ್ ವಿಭಾಗದಲ್ಲಿ ಯುಎಇಯ ಕಠಿಣ ಸವಾಲನ್ನು ಎದುರಿಸಬೇಕಾಗಿದೆ. ಆಲಿ ಮಾಬ್ಖೌತ್ ಹಾಗೂ 2015ರ ವರ್ಷದ ಏಷ್ಯನ್ ಆಟಗಾರ ಅಹಮ್ಮದ್ ಖಾಲಿಲ್ ತಂಡದ ಪ್ರಮುಖ ಅಸ್ತ್ರವೆನಿಸಿದ್ದಾರೆ. ಮಾಬ್ಖೌತ್ ಏಳು ಗೋಲುಗಳನ್ನು ಗಳಿಸಿದ್ದು, ಯುಎಇ ಪರ ಅತಿ ಹೆಚ್ಚು ಗೋಲು ಗಳಿಸಿದ ಆಟಗಾರರೆನಿಸಿದ್ದಾರೆ. ಇದರಿಂದಾಗಿ ಸಂದೇಶ್ ಜಿಂಗಾನ್ ಹಾಗೂ ಅನಾಸ್ ಎಡಥೋಡಿಕಾ ಅವರು ಸದಾ ಎಚ್ಚರಿಕೆಯ ಆಟವನ್ನು ಆಡಬೇಕಾಗುತ್ತದೆ.
ಅಬ್ದುಲ್ ರೆಹಮಾನ್ ಗಾಯ
ಏಷ್ಯಾದ ಉತ್ತಮ ಆಟಗಾರರಲ್ಲಿ ಒಬ್ಬರಾಗಿರುವ ಓಮರ್ ಅಬ್ದುಲ್ರೆಹಮಾನ್ ಅವರು ಗಾಯಗೊಂಡಿದ್ದು, ತಂಡಕ್ಕೆ ತುಂಬಲಾರದ ನಷ್ಟವೆನಿಸಿದೆ. ಆದರೆ ಅಲ್ಬೆರ್ಡೋ ಜಾಚ್ಚೆರೋನಿ ಪಡೆ ಭಾರತದ ಗೋಲ್ಕೀಪರ್ ಗುರ್ಪ್ರೀತ್ ಸಿಂಗ್ ಸಂಧೂ ಅವರ ಕಡೆಗೆ ಗುರಿ ಇಡುವ ಆಟಗಾರರನ್ನು ಹೊಂದಿದೆ. ಮೊದಲ ಪಂದ್ಯದಲ್ಲಿ ಯುಎಇ ತಂಡ ಬಹರೆನ್ ವಿರುದ್ಧ ಡ್ರಾ ಸಾಧಿಸಿತ್ತು.
ಹೋರಾಟದ ಮನೋಭಾವ
‘ಆಟಗಾರರಲ್ಲಿ ಹೋರಾಟದ ಮನೋಭಾವ ಇಲ್ಲದಿರುವುದು ನಾವು ಪಿಚ್ನಲ್ಲಿ ಕಾಣುವ ಅಂಶ. ಮುಂದಿನ ಪಂದ್ಯಕ್ಕೆ ಸಜ್ಜಾಗುವ ಈ ಸಂದರ್ಭದಲ್ಲಿ ನಾವು ತಂಡದ ಗಮನಕ್ಕೆ ಈ ವಿಷಯವನ್ನು ತರುತ್ತೇವೆ. ಭಾರತ ವಿರುದ್ಧದ ಪಂದ್ಯದಲ್ಲಿ ನಾವು ಹೋರಾಟದ ಮನೋಭಾವವನ್ನು ತೋರಿಸುತ್ತೇವೆ. ಅದು ಕೂಡ ವಿಭಿನ್ನವಾಗಿರುತ್ತದೆ,‘ ಎಂದು ಜಾಚ್ಚೆರೋನಿ ಹೇಳಿದ್ದಾರೆ.