ನವದೆಹಲಿ, ಜೂ. 30: ಐದು ಬಾರಿಯ ವಿಶ್ವ ಚಾಂಪಿಯನ್ ಮೇರಿ ಕೋಮ್ ಅವರು 2018ರ ಏಷ್ಯನ್ ಗೇಮ್ಸ್ ನ ಬಾಕ್ಸಿಂಗ್ ತಂಡದಿಂದ ಹೊರ ಬಂದಿದ್ದಾರೆ. ಕೋಮ್ ಏಷ್ಯನ್ ಗೇಮ್ಸ್ ನಲ್ಲಿ ಪಾಲ್ಗೊಳ್ಳದಿರುವ ತನ್ನ ನಿರ್ಧಾರವನ್ನು ಶುಕ್ರವಾರ ತಿಳಿಸಿದ್ದಾರೆ.
ಮೇರಿ ಬದಲಿಗೆ ಮೇರಿಯ ಸಹ ಬಾಕ್ಸರ್ ಮಣಿಪುರ ಸರ್ಜುಬಾಲಾ ದೇವಿ ಅವರು ಏಷ್ಯನ್ ಗೇಮ್ಸ್ ವನಿತಾ 51 ಕೆಜಿ ವಿಭಾಗದ ಬಾಕ್ಸಿಂಗ್ ನಲ್ಲಿ ಭಾರತವನ್ನು ಪ್ರತಿನಿಧಿಸಲಿದ್ದಾರೆ.
'ಸೆಲೆಕ್ಷನ್ ಟ್ರಯಲ್ಸ್ ನಲ್ಲಿ ಸರ್ಜುಬಾಲಾ ದೇವಿ ಅವರು ಪಿಂಕಿರಾಣಿ ಅವರನ್ನು ಸೋಲಿಸಿ ಏಷ್ಯನ್ ಅಂತಿಮ ತಂಡಕ್ಕೆ ಆಯ್ಕೆ ಗಿಟ್ಟಿಸಿಕೊಂಡಿದ್ದಾರೆ. ಮೇರಿ ಮತ್ತು ಸರ್ಜುಬಾಲಾ ಇಬ್ಬರೂ ಸಮಾನ ಅಂಕಗಳನ್ನು ಸಂಪಾದಿಸಿದ್ದಾರೆ' ಎಂದು ಬಾಕ್ಸಿಂಗ್ ಫೆಡರೇಶನ್ ಆಫ್ ಇಂಡಿಯಾ (ಬಿಎಫ್ಐ) ಶುಕ್ರವಾರ ತಿಳಿಸಿದೆ.
https://t.co/Su4cVSiyPj#MaryKom pulls out of #AsianGames squad
— The English Post EP (@thenglishpost) June 29, 2018
ಮೇರಿಯನ್ನು ಇಂಡೋ ಏಷ್ಯನ್ ನ್ಯೂಸ್ ಸರ್ವೀಸಸ್ (ಐಎಎನ್ಎಸ್) ಸಂಪರ್ಕಿಸಿದಾಗ, ಅವರು ನವೆಂಬರ್ ನಲ್ಲಿ ನಡೆಯಲಿರುವ ವರ್ಲ್ಡ್ ಚಾಂಪಿಯನ್ ಶಿಪ್ ನ 48 ಕೆಜಿ ವಿಭಾಗದ ಸ್ಪರ್ಧೆಯಲ್ಲಿ ಚಿನ್ನ ಗೆಲ್ಲುವತ್ತ ಗಮನ ಹರಿಸುತ್ತಿರುವುದಾಗಿ ತಿಳಿಸಿದ್ದಾರೆ.
'ಏಷ್ಯನ್ ಗೇಮ್ಸ್ ಬಾಕ್ಸಿಂಗ್ ತಂಡದಿಂದ ನಾನೇ ಸ್ವ-ನಿರ್ಧಾರದಿಂದ ಹೊರ ಬಂದಿದ್ದೇನೆ. ಯಾಕೆಂದರೆ ಏಷ್ಯನ್ ಗೇಮ್ಸ್ ನಲ್ಲಿ 48 ಕೆಜಿ ವಿಭಾಗವೇ ಇಲ್ಲ. ಸದ್ಯ ನಾನು ವರ್ಲ್ಡ್ ಚಾಂಪಿಯನ್ ಶಿಪ್ ನತ್ತ ಗಮನ ಹರಿಸುತ್ತಿದ್ದೇನೆ. ಈ ಚಾಂಪಿಯನ್ ಶಿಪ್ ನಲ್ಲಿ 48 ಕೆಜಿ ವಿಭಾಗವಿದೆ' ಎಂದು ಐಎಎನ್ಎಸ್ ಗೆ ಮೇರಿ ತಿಳಿಸಿದ್ದಾರೆ.
@MangteC Pulls Out of Asian Games Squad#AsianGames2018 https://t.co/tlATraAiSp
— News18 Sports (@News18Sports) June 30, 2018
'ಏಷ್ಯನ್ ಗೇಮ್ಸ್ 51 ಕೆಜಿ ವಿಭಾಗದಲ್ಲಿ ನಾನೀಗಾಗಲೇ ಭಾಗವಹಿಸಿ ಒಂದು ಚಿನ್ನ ಮತ್ತು ಒಂದು ಕಂಚಿನ ಪದಕ ಗೆದ್ದಿದ್ದಾಗಿದೆ. ಹಾಗಾಗಿ ನನಗಿರುವ ಈ ಅವಕಾಶವನ್ನು ಮುಂಬರಲಿರುವ ಯುವ ಪ್ರತಿಭೆಗಳಿಗೆ ರವಾನಿಸಲು ಬಯಸಿದ್ದೇನೆ' ಎಂದು ಕೋಮ್ ತಿಳಿಸಿದ್ದಾರೆ.