ಭಾರತದ ಕೋಪಿಷ್ಟ ಕ್ರಿಕೆಟಿಗನನ್ನು ಹೆಸರಿಸಿದ ವಿಂಡೀಸ್ ಕ್ರಿಕೆಟಿಗ ಡ್ವೇಯ್ನ್ ಬ್ರಾವೋ

ಸಿಎಸ್‌ಕೆ ವಿಚಾರ ಹೇಳಿಕೊಂಡ ಬ್ರಾವೋ

ಇತ್ತೀಚೆಗೆ ಚೆನ್ನೈ ಸೂಪರ್ ಕಿಂಗ್ಸ್‌ಗೆ ಸಂಬಂಧಪಟ್ಟ ಅನೇಕ ಕಥೆಗಳನ್ನು ಬ್ರಾವೋ ಹಂಚಿಕೊಂಡಿದ್ದಾರೆ. ಸಿಎಸ್‌ಕೆ ತಂಡದ ಸದಸ್ಯರಾಗಿರುವ ಬ್ರಾವೋ ಟೀಮ್ ಇಂಡಿಯಾದ ಕೋಪದಗೊಳ್ಳುವ ಆಟಗಾರ ಯಾರು ಎಂಬ ವಿಚಾರವನ್ನು ಹೇಳಿಕೊಂಡಿದ್ದಾರೆ.

ಅಂಬಾಟಿ ರಾಯುಡು ಹೆಸರು ಹೇಳಿದ ಬ್ರಾವೋ

ಡ್ವೇಯ್ನ್ ಬ್ರಾವೋ ತೆಗೆದುಕೊಂಡ ಹೆಸರು ಚೆನ್ನೈ ತಂಡದ ಸಹ ಆಟಗಾರ ಅಂಬಾಟಿ ರಾಯುಡು ಅವರದ್ದು. ಅಂಬಾಟಿ ರಾಯುಡು ಟೀಮ್ ಇಂಡಿಯಾದ ಕೋಪದ ವ್ಯಕ್ತಿತ್ವ ಹೊಂದಿದ ಆಟಗಾರ ಎಂದು ಹೇಳಿದ್ದಾರೆ. ಜೊತೆಗೆ ಆತ ತನ್ನ ನೆಚ್ಚಿನ ಆಟಗಾರ ಎಂದು ಕೂಡ ಬ್ರಾವೋ ಹೇಳಿಕೊಂಡಿದ್ದಾರೆ.

ಮುಂಬೈಯಿಂದ ಚೆನ್ನೈವರೆಗೆ

ತಾನು ಮತ್ತು ಅಂಬಾಟಿ ರಾಯುಡು ಮುಂಬೈ ಇಂಡಿಯನ್ಸ್ ತಂಡದಿಂದಲೂ ಜೊತೆಯಾಗಿದ್ದೇವೆ, ಆದರೆ ಅಲ್ಲಿ ಒಟ್ಟಾಗಿ ಆಡಲು ಹೆಚ್ಚಿನ ಅವಕಾಶ ಸಿಗಲಿಲ್ಲ, ಅವರ ಪ್ರತಿಭೆಯನ್ನು ಅರ್ಥ ಮಾಡಿಕೊಳ್ಳು ಅಲ್ಲಿ ನನ್ನಿಂದ ಸಾಧ್ಯವಾಗಲಿಲ್ಲ, ಚೆನ್ನೈ ತಂಡದಲ್ಲಿ ಅವರೊಬ್ಬ ಅದ್ಭುತ ಆಟಗಾರ ಎಂಬು ತಿಳಿಯಿತು, ಭಾರತದ ಅತ್ಯುತ್ತಮ ಬ್ಯಾಟ್ಸ್‌ಮನ್‌ಗಳಲ್ಲಿ ರಾಯುಡು ಕೂಡ ಒಬ್ಬರು ಎಂದು ಬ್ರಾವೋ ಹೇಳಿದ್ದಾರೆ.

ಒಳ್ಳೆಯ ಮನಸಿನ ವ್ಯಕ್ತಿ

ರಾಯುಡು ತುಂಬಾ ಬೇಗ ಕೋಪಗೊಳ್ಳುತ್ತಾರೆ, ಆದರೆ ನಾನು ಅವರೊಂದಿಗೆ ತಮಾಷೆ ಮತ್ತು ಕೀಟಲೆ ಮಾಡಲು ಬಯಸುತ್ತೇನೆ. ಸಿಎಸ್ಕೆ ನಿಮ್ಮನ್ನು ಏಕೆ ಖರೀದಿಸಿತು ಎಂದು ನನಗೆ ಅರ್ಥವಾಗುತ್ತಿಲ್ಲ ಎಂದು ನಾನು ಅವರಿಗೆ ತಮಾಷೆಯಾಗಿ ಹೇಳುತ್ತಿದ್ದೆ ಎಂದು ಬ್ರಾವೋ ಹೇಳಿದ್ದಾರೆ. ಅವರನ್ನು ಅರ್ಥ ಮಾಡಿಕೊಂಡವರು ಅವರನ್ನು ಬಹಳಷ್ಟು ಪ್ರೀತಿಸುತ್ತಾರೆ ಎಂದು ಅಂಬಾಟಿ ರಾಯುಡು ಬಗ್ಗೆ ಪ್ರಶಂಸೆಯನ್ನು ವ್ಯಕ್ತಪಡಿಸಿದ್ದಾರೆ ಡ್ವೇಯ್ನ್ ಬ್ರಾವೋ