'ಸ್ಮಿತ್, ವಾರ್ನರ್ ಚೆಂಡು ವಿರೂಪದ ತಪ್ಪಿಗೆ ಕ್ರಿಕೆಟ್ ಮಂಡಳಿಯ ಒತ್ತಡ ಕಾರಣ'

ಗೆಲ್ಲಬೇಕೆಂಬ ಪ್ರಚೋದನೆ ಕಾರಣ

ಈ ಪ್ರಕರಣವನ್ನು ವೈಯಕ್ತಿಕ ವಿಮರ್ಶೆ ಮಾಡಿರುವ ಆಸೀಸ್ ಕ್ರಿಕೆಟ್ ಒಕ್ಕೂಟ ಪ್ರಮುಖ ವ್ಯಕ್ತಿಯೊಬ್ಬರು, ಪಂದ್ಯವನ್ನು ಗೆಲ್ಲಲೇಬೇಕೆಂಬ ಒತ್ತಡವನ್ನು ಆಸೀಸ್ ಆಡಳಿತ ಸಮಿತಿ ಮಾಡುತ್ತದೆ. ಆಟಗಾರರ ತಪ್ಪಿಗೆ ಈ ಪ್ರಚೋದನೆಯೂ ಒಂದು ರೀತಿಯಲ್ಲಿ ಕಾರಣ ಎಂದಿದ್ದಾರೆ.

ಆಟಗಾರರ ಮೇಲೆ ಒತ್ತಡ

'ಸೌತ್ ಆಫ್ರಿಕಾದಲ್ಲಿನ ಬಾಲ್ ಟ್ಯಾಂಪರಿಂಗ್ ಪ್ರಕರಣಕ್ಕೆ ಆಸ್ಟ್ರೇಲಿಯಾ ಕ್ರಿಕೆಟ್ ಮಂಡಳಿಯಲ್ಲಿನ ಸಂಸ್ಕೃತಿ, ನೀತಿ ಕಾರಣ. ಪಂದ್ಯವೊಂದನ್ನು ಹೇಗಾದರೂ ಗೆಲ್ಲಲೇಬೇಕೆಂಬ ಒತ್ತಡವನ್ನು ಆಡಳಿತ ಸಮಿತಿ ಆಟಗಾರರ ಮೇಲೆ ಹೇರುತ್ತದೆ' ಎಂದು ಆಸ್ಟ್ರೇಲಿಯಾ ಕ್ರಿಕೆಟ್ ಅಸೋಸಿಯೇಷನ್ (ಎಸಿಎ) ಅಧ್ಯಕ್ಷ ಗ್ರೆಗ್ ಡೈಯರ್ ಹೇಳಿದ್ದಾರೆ.

ನಿಷೇಧ ಕಡಿತಗೊಳಿಸಿ

ಗ್ರೆಗ್ ಮಾತನಾಡಿ, 'ಈ ವಿಚಾರವನ್ನು ಪರಿಗಣನೆಗೆ ತೆಗೆದುಕೊಂಡು ಆಟಗಾರರ ಮೇಲಿನ ನಿಷೇಧವನ್ನು ಕಡಿತಗೊಳಿಸಬೇಕು. ಆಟಗಾರರು (ಅಂತಾರಾಷ್ಟ್ರೀಯ ಪಂದ್ಯಕ್ಕಾಗಿ) ಮೈದಾನಕ್ಕಿಳಿಯಲು ಅವಕಾಶ ಮಾಡಿಕೊಡಬೇಕು' ಎಂದಿದ್ದಾರೆ. ಆಸೀಸ್ ತಂಡದ ಮಾಜಿ ತರಬೇತುದಾರರಾದ ಡ್ಯಾರೆನ್ ಲೆಹ್ಮನ್ ಕೂಡ ಆಟಗಾರರ ಮೇಲಿನ ನಿಷೇಧ ಕಡಿತಕ್ಕೆ ಧ್ವನಿ ಸೇರಿಸಿದ್ದಾರೆ.

ಪ್ರತಿಭೆಗ ಮಾರಕ

ಟೆಸ್ಟ್ ಕ್ರಿಕೆಟ್ ನಲ್ಲಿ ವಿಕೆಟ್ ಕೀಪರ್ ಕೂಡ ಆಗಿದ್ದ ಗ್ರೆಗ್ ಮಾತನಾಡಿ, 'ಆಟಗಾರರ ಕ್ರಿಕೆಟ್ ಪ್ರತಿಭೆಗೆ ಮಾರಕವಾಗಬಲ್ಲ ಈ ನಿಷೇಧವನ್ನು ಖಂಡಿತಾ ಮರುಪರಿಶೀಲಿಸಬೇಕು. ಮರುಪರಿಶೀಲಿಸಿ ಸ್ಟೀವ್ ಸ್ಮಿತ್, ಡೇವಿಡ್ ವಾರ್ನರ್ ಮತ್ತು ಕ್ಯಾಮೆರಾನ್ ಬ್ಯಾನ್‌ಕ್ರಾಫ್ಟ್ ಮೇಲಿನ ನಿಷೇಧದ ಅವಧಿಯನ್ನು ಕಿರಿದುಗೊಳಿಸಬೇಕು' ಎಂದು ತಿಳಿಸಿದ್ದಾರೆ. (ಗ್ರೆಗ್ ಡೈಯರ್ ಆಸೀಸ್ ತಂಡದಲ್ಲಿ ಆಡುತ್ತಿದ್ದಾಗಿನ ಫೋಟೋ ಇದು)