ಬಿಬಿಎಲ್ 08 : ರೊಚಕ ಗೆಲುವಿನೊಂದಿಗೆ ಮೆಲ್ಬೋರ್ನ್ ರೆನೆಗೇಡ್ಸ್ ಗೆ ಕಪ್

ಮೆಲ್ಬೋರ್ನ್, ಫೆಬ್ರವರಿ 17: ಸೋಲಿನ ಸುಳಿಯಿಂದ ಹೊರ ಬಂದು ಮೆಲ್ಬೋರ್ನ್ ರೆನೆಗೆಡ್ಸ್ 13ರನ್ ಗಳ ರೋಚಕ ಜಯ ದಾಖಲಿಸಿದ್ದು, ಬಿಗ್ ಬಾಷ್ ಲೀಗ್ ಗೆದ್ದು ಕೊಂಡಿದೆ.

ಅಂತಿಮ ಹಣಾಹಣಿಯಲ್ಲಿ ಮೆಲ್ಬೋನ್ ಸ್ಟಾರ್ಸ್ ಮೊಟ್ಟ ಮೊದಲ ಬಾರಿಗೆ ಬಿಬಿಎಲ್ ಗೆಲ್ಲುವ ಅವಕಾಶದಿಂದ ವಂಚಿತವಾಗಿದೆ. 2015-16ರಲ್ಲಿ ರನ್ನರ್ ಅಪ್ ಆಗಿದ್ದ ಮೆಲ್ಬೋರ್ನ್ ಸ್ಟಾರ್ಸ್ ತಂಡವು 146ರನ್ ಚೇಸ್ ಮಾಡುತ್ತಾ 93 ರನ್ ಗಳಿಸಿ ಯಾವುದೇ ವಿಕೆಟ್ ನಷ್ಟವಿಲ್ಲದೆ ಗೆಲ್ಲುವ ಹಾದಿಯಲ್ಲಿತ್ತು. ಆದರೆ, 30 ಎಸೆತಗಳಲ್ಲಿ 19ರನ್ನಿಗೆ 7 ವಿಕೆಟ್ ಕಳೆದುಕೊಂಡು 132 ಸ್ಕೋರಿಗೆ ಆಲೌಟ್ ಆಗಿ ಸೋಲೊಪ್ಪಿಕೊಂಡಿತು.

ಸ್ಟಾರ್ಸ್ ಪರ ಬೆನ್ ಡಂಕ್ (57) ಹಾಗೂ ಮಾರ್ಕಸ್ ಸ್ಟೋನಿಯಸ್ (39) ಉತ್ತಮ ಆಟ ಪ್ರದರ್ಶಿಸಿದರು. ಡಂಕ್ 4 ಬೌಂಡರಿ, 1 ಸಿಕ್ಸ್, ಸ್ಟೋಯಿನಿಸ್ 2 ಬೌಂಡರಿ, 1 ಸಿಕ್ಸ್ ಸಿಡಿಸಿದರು.

ಅಡಂ ಝಂಪಾ 17ರನ್ ಗಳಿಸಿ ಅಜೇಯರಾಗಿ ಉಳಿದರು. ಪೀಟರ್ ಹ್ಯಾಂಡ್ಸ್ ಕಂಬ್ (0), ಗ್ಲೆನ್ ಮ್ಯಾಕ್ಸ್ ವೆಲ್ (1), ನಿಕ್ ಮ್ಯಾಡಿನ್ಸನ್ (6), ಸೆಬ್ ಗೋಚ್ (2), ಡ್ವಾಯ್ನೆ ಬ್ರಾವೋ (3) ಹಾಗೂ ಜಾಕ್ಸನ್ ಬರ್ಡ್ (4 ಅಜೇಯ) ಗೆಲ್ಲುವ ಅವಕಾಶವನ್ನು ಕೈ ಚೆಲ್ಲಿದರು.

ರೆನೆಗೇಡ್ಸ್ ಪರ ಬಾಯ್ಸ್ 2/30, ಕ್ರಿಸ್ ಟ್ರೆಮೈನ್ 2/21, ಕ್ರಿಶ್ಚಿಯನ್ 2/33 ಹಾಗೂ ಹ್ಯಾರಿ ಗರ್ನಿ 1/20 ಅವರು ಗಳಿಸಿ, ಬಿಬಿಎಲ್ ಗೆ ಗೆಲುವು ತಂದು ಕೊಟ್ಟರು.